Rẹvẹleshọnụ 20:3 - Ika

³ ọ nọ tụ a ye imẹ mgbugbu hụ migbu enwẹn ẹ, kpọkin mgbugbu hụ, fidọn ẹ, amamgbe o dufiezi alị ichẹn-ichẹn. Wẹ k'e dọnmẹ ẹ ebẹhụ d'e ru ni ahụa nnụ-uku hụ e zu. Ọhụn mẹgụ, wẹ k'a hatuzịrịrị a ẹkẹrẹ ogẹn.

Rẹvẹleshọnụ 20:3 Iomraidhean Croise

Ẹbụ-ọma 90:4

Ahụa nnụ-uku nọhụ kẹ akpọhịn ohu ẹnya ị, nọkẹ ụnyanhụn ghafegụnị, nọkẹ ebe ịhịan nọhụ ranhịn tẹnhin!

Daniẹlụ 6:17

Wẹ nọ buhẹ ọmụma, gi ẹ dọkin ọnụ olu hụ, eze nọ gi ọla-ẹka a lẹ nke ndị-isi biye ẹ ẹka kẹ w'e mẹ ẹ hụn wẹ gi gbọndọn ịhịan e hutọlẹ ọnọdị Daniẹlụ.

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Matiu 27:66

Ya wẹ nọ jẹnmẹ d'e gbọnbepụ ili hụ ghahanị ideye ihiẹn ọmụma hụ lẹ ibutọ ndị nche.

Makị 4:15

Ọkpụzọ hụ mkpụrụ danye wụ ndị hụ nụ oku-Chuku, Ekwensụ a bịa ozigbo d'e wepụ oku-Chuku hụ wẹ ghaye imẹ wẹ.

Luku 8:31

Eje-mmọn ndị hụ nọ rịọ Jesu y'a chụlẹ wẹ ye imẹ okẹn-mgbugbu alị-mmọn.

Ndị Kọrẹntị Nke Ẹbụọ 11:3

Kanị, egun rị a tụ m amamgbe w'e dufie ụnụ kẹ Ekwensụ dọn gi ẹro dufie Ivu, e mẹ wẹ ụnụ febehi Kraịstị ofufe ezioku lẹ ofufe rụlẹni:

Pita Nke Ẹbụọ 3:8

Ka azọkwọlẹ ni ihiẹn ohuni, ezigbo umunẹ m: nị akpọhịn ohu nọkẹ ahụa nnụ-uku ẹnya Di-nwọnni-ẹnyi, ahụa nnụ-uku nọzị a kẹ akpọhịn ohu.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 13:14

O gi ọrụn-atụmẹnya ndịnị wẹ ye ẹ ikẹn rụndọnni eje-anụ ibuzọ hụ dufie ndị bi elu-ụwa, sị wẹ kpụ eje-anụ ibuzọ ahụn wẹ gi ọpịa-agha begbu, hụn rịzị nwan ndụn.

Rẹvẹleshọnụ 17:2

okẹn ịgbaraja ahụn ndị-nze ụwa mẹ mgba a; ịgbaraja ahụn ndị ile bi elu-ụwa rị e mẹ mgba a, ọ hụ a tụ wẹ kẹ manya.”

Rẹvẹleshọnụ 17:8

“Eje-anụ ufie hụ ị hụn te rị mbụ; ọ rịzị a nwan; kanị, o d'a gha mgbugbu hụ migbu enwẹn ẹ pụha. Ọ pụhagụ, ọ la ntikpọ. Ogẹn ndị rị elu-ụwa k'e gi hụn kẹ eje-anụ ufie hụ pụhazị, ndị ahụn ile wẹ deyelẹni ẹfan wẹ imẹ ẹkụkwọ ndụn-itẹbitẹ ogẹn ụwa gi bidọn, o k'a tụ wẹ ẹnya. Makẹni, o te rị arị, bụ ọ rịzị a nwan, kanị ọ lalazị alala.

Rẹvẹleshọnụ 20:1

Ya m nọ hụn mmọn-ozi ohu k'ọ gha elu-igwee hidanla, o gi ịsanhan okẹn-mgbugbu ahụn lẹ ẹgan hi-ogbe.