Rẹvẹleshọnụ 2:9 - Ika

⁹ A marịngụọ m afụnfụn ụnụ rị a ta, marịnzịkwọ kẹ ụnụ mẹhan ogbẹnnyẹ (kanị m sị ụnụ nị ọdanfịn kẹ ụnụ wụ nke-esi). A marịnghọ m kẹ ndị ahụn kpọ enwẹn wẹ ndị Ju dọn rị e kuja oku ụnụ. Ẹlẹ ndị Ju kẹ wẹ wụ kanị ndị itu Ekwensụ!

Rẹvẹleshọnụ 2:9 Iomraidhean Croise

Matiu 4:10

Ya kẹ Jizọsị nọ sị a, “Ekwensụ, pụ ebeni! Makẹni, e degụọ w'a imẹ Ẹkụkwọ-nsọ, sị, ‘Osolobuẹ wụ Chuku i k'i k'a kụnị isi-alị; ịya sụọ k'i k'e fe.’ ”

Luku 12:21

Igi mẹkin iluni, Jizọsị nọ sị, “Ẹnịna k'o k'a rịnị ndị hụ a kpatọnị enwẹn wẹ akụ-lẹ-ụba kanị ẹlẹ wẹ ọdanfịn imẹ ihiẹn Osolobuẹ.”

Luku 22:65

A gwasọnmẹ w'ẹ eje-oku bu ọda.

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Luku 6:20

Ọ nọ bu ẹnya zinmẹ ndị nsọnmazụụn a, sị, “Ngọzi wụ nke ụnụ ndị la enwẹn wẹ tọnị Osolobuẹ, makẹlẹ Alị-eze Osolobuẹ wụ nke ụnụ!

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ọrụn Ndị-ozi 26:11

M'a ghasọnmẹ ụlọ-ofufe ile, e ye wẹ afụnfụn, e mẹ wẹ e kuja oku Jesu. Olulu wẹ bu m ọda-ọda, nke wụ nị m'e jẹndẹ obodo ndị ọzọ d'e kpokpo wẹ.

Ndị Rom 12:12

A ghọghọ nị makẹ olilẹnya ụnụ nwọn; e nwọn ni ndidin imẹ nsọngbu ụnụ; e mẹ ni ekpere ogẹn ile.

Ndị Rom 2:17

Kanị, ị sị nị ị wụ onyẹ Ju? Ị hụ e gi Iwu Mozizi e dọn ẹnya, e gi Osolobuẹ a nyan isi;

Ndị Rom 5:3

Ẹlẹdẹ ọhụn sụọ, ẹnyi a ṅanzị nị ẹnyi rị a hụn nsọngbu ẹnyi rị a hụn, makẹni ẹnyi a marịnghọ nị nsọngbu e wẹhẹ ndidin;

Ndị Rom 8:35

Kịnị k'a sa nwan ẹka napụ ẹnyi ihiẹn-ọsụsụọ Kraịstị? Nsọngbu? Ra afụnfụn? Ra ukpokpo; ra ẹgụn; ra ahụnnị ẹkwa je; ra eje-ọnọdị; ra ọpịa-agha?

Ndị Rom 9:6

Ẹlẹni ihiẹn Osolobuẹ ku banyeni ndị Izrẹlụ aghazịnị. Mba. Makẹni, ẹlẹ ndị Izrẹlụ ile wụ ndị Izrẹlụ nke-esi.

Ndị Kọrẹntị Nke Ẹbụọ 6:10

ghahanị nị ẹnyi a ghọghọ ogẹn ile ọsụọn'a nị ihiẹn ẹkwan e mẹ ẹnyi ogẹn ile; ghahanị ịrị kẹ ndị igbẹnnyẹ bụ ẹnyi e mẹ ndị bu ọda a wụrụ ịdanfịn; ghahanị ịrị kẹ ndị nwọnlẹni ihiẹn ọwụlẹ bụ ihiẹn ile wụ nke ẹnyi.

Ndị Kọrẹntị Nke Ẹbụọ 8:2

ọsụọn'a nị wẹ rị imẹ okẹn nsọngbu cheni ogbẹnnyẹ mgbeleke wẹ wụ, okẹn ịghọghọ wẹ nwọn imẹ Di-nwọnni-ẹnyi anịnị ụya wẹ rị imẹ ẹ gbọndọn wẹ, wẹ nọ ye, ye ọda-ọda!

Ndị Kọrẹntị Nke Ẹbụọ 8:9

Makẹni, ụnụ a marịnghọ ẹfọma Onyẹ-nwọnni-ẹnyi wụ Jesu Kristi mẹ: nị, ọsụọn'a n'ọ wụ ọdanfịn, o gi ufiri ụnụ họnrin ogbẹnnyẹ kẹni ụnụ gi ogbẹnnyẹ o dan wụrụ ndị ịdanfịn.

Ndị Tẹsalonika Ibuzọ 3:4

Ẹnyi a gwadẹ ụnụ ya ogẹn ile kẹ ẹnyi lẹ ụnụ rị, nị wẹ jẹnkọ d'e kpokpo ẹnyi. Ụnụ a marịnghọ n'o mẹọlẹ nwan kẹ ẹnyi dọn gwa ụnụ.

Timoti Ibuzọ 1:13

ọsụọn'a nị m te kuja oku ẹ, kpokpo ndị nke ẹ, ye wẹ ụya ri. Kanị o mẹkwọnị m omikẹn, makẹni amarịn m ihiẹn m rị e mẹ ogẹn ahụn makẹni m'e ke kweri.

Timoti Ibuzọ 6:18

Sị wẹ e mẹ mma, a wụ ndị ịdanfịn ebe ịrụn ọrụn-ọma rị; wẹ a ha ẹka, a hụn a nị ihiẹn wẹ e ruzi ndị ọzọ ẹka ọhụnma —

Rẹvẹleshọnụ 1:9

Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.

Rẹvẹleshọnụ 2:13

A marịnghọ m ebe i bi, ebẹhụ ukpo Ekwensụ lẹ enwẹn ẹ rị, kanị i kwọndọnhụkwọ ẹfan m; y'a jụnị ihiẹn m sị ụnụ kweri, kẹ hụn ahụn wẹ gbudẹ ezigbo ọshẹri m wụ Antipasị, hụn wẹ gbu imẹ igunrun ụnụ imẹ obodo hụ Ekwensụ bi.

Rẹvẹleshọnụ 2:2

A marịnghọ m ihiẹn ile ị rị e mẹ: kẹ ị dọn rị a lụgbu enwẹn i lẹ kẹ ị dọn rị e dingbu ihiẹn ile, lẹni y'a ra ye ndị rị e mẹ eje-ihiẹn efe; a marịnghọ m nị y'e lelegụọ ndị ahụn kpọ enwẹn wẹ ndị-ozi pụ-ichẹn bụ ẹlẹ wẹ ndị ozi pụ-ichẹn. Y'a hụngụọ a nị wẹ wụ ndị-ntụ.

Rẹvẹleshọnụ 2:24

“Nke ụnụ ndị họdụnị, ndị rị ụka Tịatira ghalẹni e sọn nkuzini, ndị kelẹni mụnrụn ihiẹn ahụn wẹ rị a kpọ ‘Okẹn ihiẹn-nzuzue Ekwensụ,’ ebuyekọ m ụnụ ibu ọzọ;

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.