Rẹvẹleshọnụ 2:3 - Ika

³ A marịnghọ m nị ị gi ufiri ẹfan m dingbu ihiẹn ile bụ ndụn eke gụkwọ ị nwan.

Rẹvẹleshọnụ 2:3 Iomraidhean Croise

Ẹbụ-ọma 37:7

La ihiẹn ile tọnị Osolobuẹ, y'e nwọn ndidin cheri ẹ; agbakalẹ obi nị ọ hụ a ghanị onyẹ rị e mẹ ihiẹn ẹ, onyẹ rị e rotọ eje-ihiẹn e mẹ ẹ.

Ẹbụ-ọma 69:7

Makẹni, oku i haịn wẹ gi a kpari m, ịya haịn m gi nwan rị imẹ okẹn ifẹnrẹn.

Maịka 7:9

Nị m narịn afụnfụn Osolobuẹ ye m makẹ njọ m mẹ ẹ, d'e ru n'o leban ẹnya ọnọdị m, hannị mmẹ lẹ ndị o gi e ye m afụnfụn eṅẹn. O wepụhazị m ebe ukpẹ rị, a hụn m nzụọpụha a.

Makị 15:21

E ru wẹ ụzọ, ndị-agha hụ nọ wa obe ahụn wẹ jẹnkọ d'e gi kpọgbu Jesu ye okẹnnyẹ ohu w'a kpọ Saịmọnụ olu buru. Saịmọnụ gha alị ọfịa lala imẹ obodo. (Saịmọnụ wụ nẹdi Alẹzanda lẹ Rufọsụ; onyẹ alị Saịrini k'ọ wụ).

Luku 14:27

onyẹ burulẹni obe nke ẹ sọnmẹ m asakọ ẹka wụ onyẹ nsọnmazụụn m.

Luku 18:1

Jizọsị nọ gi ilu ghọsị ndị nsọnmazụụn n'o furu nị wẹ e mẹ ekpere e mẹsọnmẹ, anịnị wẹ ndụn gụ wẹ.

Luku 21:19

Ndidin kẹ ụnụ k'e gi nwọn nzụọpụha.

Luku 5:5

Saịmọnụ nọ sị a, “Diọkpa, ẹnyi nọ ebeni eki e we fọn, ẹnyi anwụnnị ihiẹn-anaị. Kanị, ebe o mẹni y'e kuọlẹ, m jẹnkọ d'a tụye ọga ndị hụ.”

Luku 8:15

“Ezigbo alị hụ mkpụrụ ndị hụ danye wụ ndị ahụn nụ oku-Chuku, gi obi wẹ ile nabanhan a, kwọnkẹnmẹ ẹ, din ndidin, mị mkpụrụ.

Jọnụ 15:21

Wẹ k'e gi ufiri ẹfan m mẹ ụnụ ihiẹn ndịnị, makẹni amarịn wẹ Onyẹ ahụn zihẹni m.

Ndị Rom 12:12

A ghọghọ nị makẹ olilẹnya ụnụ nwọn; e nwọn ni ndidin imẹ nsọngbu ụnụ; e mẹ ni ekpere ogẹn ile.

Ndị Rom 16:12

Kele ni Traịfina lẹ Traịfosa, ikpoho hụn a rụnshi ọrụn Di-nwọnni-ẹnyi ikẹn. Kele ni ezi ọwụ m wụ Pẹsisi hụn a gbakẹnmẹ ihiẹn Di-nwọnni-ẹnyi ọda-ọda.

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Rom 8:25

Kanị, omẹni ẹnyi e ke hụn ihiẹn ẹnyi rị e lee ẹnya a, ẹnyi e din ndidin cheri ẹ.

Ndị Kọrẹntị Ibuzọ 13:7

Onwọnni ihiẹn a gụ ihiẹn-ọsụsụọ ndụn, ara nwọnbehi okukwe, ara nwọnbehi olilẹnya, ndụn ndidin ara gụ a.

Ndị Kọrẹntị Ibuzọ 16:16

m rị a sị ụnụ humẹni ndị nọ ẹrịra isi, wẹ lẹ ndị ile rịzị a rụn ọrụn Osolobuẹ, a rụnshi ẹ ikẹn.

Ndị Kọrẹntị Nke Ẹbụọ 10:15

Ẹnyi ara kukarị enwẹn ẹnyi, e gi ihiẹn ndị ọzọ rụn a nyan isi. Ẹnyi rị e lee ẹnya nị okukwe ụnụ k'a gha e suewaye, kẹni ẹnyi nwọnwaye oghere ẹnyi e gi rụn ọrụn imẹ igunrun ụnụ,

Ndị Kọrẹntị Nke Ẹbụọ 11:23

omẹni wẹ wụ ndị-ọrụn Kraịstị, nị m kusọnmẹ rịkẹ onyẹ isi zulẹni oke, mmẹ ka wẹ onyẹ-ọrụn Kraịstị a wụ — makẹni mmẹ ka ọrụn a rụn, mmẹ ka ngan e jẹn, mmẹ kẹ wẹ ka mkpịnsịn a fịan — mgbe ole-lẹ-ole kẹ wẹ fịanpụ m mkpịnsịn. Ọnwụn a kpọsọnmẹzi m ihun.

Ndị Kọrẹntị Nke Ẹbụọ 4:1

Ebe o mẹ ni omikẹn Osolobuẹ kẹ ẹnyi gha nwọnhẹn ọrụnnị, ndụn ara gụ ẹnyi.

Ndị Kọrẹntị Nke Ẹbụọ 4:16

Ndụn agụkọ nwan ẹnyi: ọsụọn'a nị ẹhụ rị a kpọ ẹnyi nkụn, ẹnyi hụ e nwọnwaye ndụn ọhụn imẹ-mmọn ụhụọhịn-ụhụọhịn.

Ndị Kọrẹntị Nke Ẹbụọ 5:9

Ufiri ẹ, ẹnyi a lịlịma nị ẹnyi e mẹ ihiẹn a sụọ a ụsụọ ogẹn ile, kẹ ẹnyi rị ndụn imẹ ẹhụnị wụ ụlọ ẹnyi kẹ ẹnyi arị.

Ndị Kọrẹntị Nke Ẹbụọ 6:5

ghahanị ili lẹ mkpịnsịn wẹ e gbu ẹnyi; ghahanị ngan w'a tụ ẹnyi lẹ ọkpụkpụ w'a kpụ ẹnyi e gbu; ghahanị ọlụgbu ẹnyi a lụgbu enwẹn ẹnyi lẹ ụran ẹnyi e chu lẹ ẹgụn ẹnyi e din;

Ndị Galeshịa 6:2

E bu ni ibu ibe ụnụ, e gi ẹ e mẹzu iwu Kraịstị.

Ndị Galeshịa 6:9

Ya wụ, ndụn imẹ-mma y'a gụkwọlẹ ẹnyi. Makẹni, omẹni ẹnyi anịnị ndụn gụ ẹnyi, ogẹn ru, ẹnyi jẹnkọ d'e ri erere ẹ.

Ndị Filipi 2:16

E kwọnkẹnmẹ ni oku hụn e ye ndụn, kẹni m hụn ihiẹn m'e gi nyan isi Ụhụọhịn Kraịstị k'a bịa, nị ọsọ m gba lẹ ọrụn m rụn alanị iwi.

Ndị Filipi 4:3

Ẹghẹẹ, yụ wụ onyẹ-ọrụn ibe m furu wẹ gi e dọn ẹnya, m rị a rịọ ị n'ị yeni ikpoho ndịnị ẹka, makẹni e sọngụọ wẹ m lụnị oziọma ọgụn, uwẹ lẹ Klemẹnti lẹ ndị ọzọ ile mmẹ lẹ wẹ gba a rụn ọrụn — ndị ẹfan wẹ rị imẹ ẹkụkwọ ndụn-itẹbitẹ.

Ndị Kolosị 1:11

Ya gi ikẹn ẹ hụ hi-ogbe hụn e ye ẹ ọghọ mẹ ụnụ kẹnrẹn ụzọ ile, kẹni ụnụ saẹka e kwọnkẹnmẹ okukwe ụnụ, e gi ịghọghọ e dingbu ihiẹn ile,

Ndị Tẹsalonika Ibuzọ 1:3

Ẹnyi hụ a nyanhan ụnụ ihun Osolobuẹ ẹnyi wụ Nẹdi ẹnyi: ihiẹn ile ụnụ rị e gi okukwe ụnụ a rụn, kẹ ụnụ dọn rị a lịlịma makẹni ụnụ nwọn ihiẹn-ọsụsụọ lẹzi kẹ ụnụ dọn rị e gi olilẹnya ụnụ nwọn imẹ Di-nwọnni-ẹnyi wụ Jesu Kristi e dingbu ihiẹn ile.

Ndị Tẹsalonika Ibuzọ 2:9

Umunẹ, ụnụ a nyanhanghọ kẹ ẹnyi dọn e gi ẹka ẹnyi a lụrụ ogẹn hụ, a rụngbu enwẹn ẹnyi kẹ uhinhin kẹ efinnaị, amamgbe ẹnyi gha a wụrụnị onyẹ ọwụlẹ ibu imẹ ụnụ ebe ẹnyi rị e zi ụnụ oziọma Osolobuẹ.

Ndị Tẹsalonika Ibuzọ 5:12

Kanị, umunẹ, ẹnyi rị a rịọ ụnụ nị ụnụ gbaye ndị rị a rụnshi ọrụn ikẹn imẹ ụnụ, ndị e lepụ ụnụ ẹnya imẹ Di-nwọnni-ẹnyi, a dụn ụnụ ọdụn.

Ndị Tẹsalonika Nke Ẹbụọ 3:13

Nke ụnụ, umunẹ, ndụn imẹ ihiẹn rị mma agụkwọlẹ ụnụ.

Ndị Tẹsalonika Nke Ẹbụọ 3:5

Di-nwọnni-ẹnyi ya dodo du obi ụnụ ile ye ihiẹn-ọsụsụọ Osolobuẹ lẹ okẹn-ndidin Kraịstị.

Ndị Tẹsalonika Nke Ẹbụọ 3:8

onwọnni onyẹ ẹnyi narịn ihiẹn-oriri ọfẹ. Ẹnyi a rụngbu enwẹn ẹnyi uhinhin lẹ efinnaị, amamgbe ẹnyi a wụrụnị ịhịan ibu imẹ igunrun ụnụ.

Timoti Ibuzọ 4:10

Ịya haịn ẹnyi gi a rụngbu enwẹn ẹnyi, a lụgbu enwẹn ẹnyi, makẹni ẹnyi gi Chuku rị ndụn dọn ẹnya, Chuku hụn wụ Onyẹ-nzụọpụha ịhịan ile, tụmadụ ndị kwerini.

Timoti Ibuzọ 5:17

Ndị-isi ụka rị a kị ọhụnma furu w'e ye ọghọ lẹ ụgwọ-ọrụn furu w'e ye ndị-isi, ye wẹ ya ụzọ ẹbụọ, tụmadụ ndị rị a gbakẹnmẹ ebe iku oku-Chuku lẹ ikuzin'ẹ rị.

Hibru 10:36

Ndidin kẹ ụnụ chọ, kẹni, ụnụ mẹgụ uche Osolobuẹ, ụnụ e gi ẹ nwọnhẹn ihiẹn o kwe nkwa a.

Hibru 12:1

Ya wụ, ebe o mẹ nwan ni igunrun ndị ọshẹri han ẹnịna fihunmẹ ẹnyi lekẹ ọgbọ, nị ẹnyi latọ nwan ihiẹn ọwụlẹ a dọkin ẹnyi azụụn, lẹ njọ ahụn a kụ ẹnyi kẹ ẹgbụn, ẹnyi e dikẹnmẹ, gba ọsọnị Osolobuẹ ketọnị ẹnyi,

Hibru 13:13

Nị ẹnyi gha nị nwan imẹ obodo pụ d'e kunrun ẹ ebẹhụ d'e sọn ẹ narịn ifẹnrẹn wẹ gbeye ẹ ihun,

Hibru 6:10

Makẹni, Osolobuẹ ara mẹgbu ịhịan; ọ zọkọ ọrụn ụnụ lẹ ihiẹn-ọsụsụọ ụnụ ghọsị a ebe ụnụ nọ gi ufiri ẹfan a yeni ndị nke ẹ ẹka, hụn ụnụ rịkwọ nwan e mẹ.

Hibru 6:12

amamgbe ụnụ a lama nzụnzụn; kama, nị ụnụ e sọn nzọmụkụ ndị gi okukwe lẹ ndidin nwọnhẹn ihiẹn Osolobuẹ kwe nkwa a.

Hibru 6:15

Ebraham nọ din ndidin cheri; o mẹgụ, ọ nọ nwọnhẹn ihiẹn hụ Osolobuẹ kwe ẹ nkwa a.

Pita Nke Ẹbụọ 1:6

Wezi ni ikwọndọn-enwẹn ịhịan cheni ịmarịn-ihiẹn. E we ni ezigbo ndidin e cheni ikwọndọn-enwẹn ịhịan; ụnụ e we ibini Osolobuẹ e cheni ezigbo ndidin.

Rẹvẹleshọnụ 1:9

Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.

Rẹvẹleshọnụ 3:10

Makẹni y'e dingbuọlẹ ihiẹn ile kẹ m dọn gwa ị, anịkọ m afụnfụn lalanị wẹ jẹnkọ d'e gi lele ndị ile rị elu ụwa ru i ẹhụ.