Rẹvẹleshọnụ 2:14 - Ika

¹⁴ “Kanị, o nwọnghọ ihiẹn ndị ị rị e mẹ rị e ze m ize: o nwọnghọ ndị rị imẹ ụnụ ebẹhụ rị e sọn nkuzi Balaam hụn kuzi Balakị ihiẹn Balakị gi bu uke cheni ụmụ Izrẹlụ, mẹ wẹ ri ihiẹn-oriri wẹ gi rụa mmọn, mẹzikwọ wẹ ghẹrẹ.

Rẹvẹleshọnụ 2:14 Iomraidhean Croise

Azaya 57:14

O ru ogẹn ahụn, wẹ k'a sị, “Rụndọnzi n'ẹ, rụndọnzi n'ẹ! Dọnzi ni ụzọ! Wepụnị nị ndị nke m ihiẹn rịsọnmẹ ụzọ.”

Jerimaya 6:21

Lee nwan ihiẹn Osolobuẹ ku: “M k'e butọnị ndịnị uke; kẹ ndị nẹdi kẹ ụmụ k'a kpọgburusọnmẹ; kẹ ndị idumu ịhịan kẹ ndị ọwụ a k'a la iwi.”

Izikẹlụ 3:20

“O mẹzikwọnị onyẹ ezi-omumẹ a latọ ezi-omumẹ ẹ, mẹmẹ eje-ihiẹn, nị e bu m uke tọn'a; o k'a nwụn. Ebe o mẹ ni y'a gban'a mkpịnsịn-ẹka ẹnya, o k'a nwụn makẹ njọ a. Anyanhankọ m ihiẹn rị mma o mẹ; ẹdeke ẹ jẹnkọ d'a rị ị ẹka.

Izikẹlụ 44:12

Kanị, ebe o mẹ ni a rụngụọnị wẹ ndị Izrẹlụ ọrụn ihun mmọn ndị hụ wẹ fe, gi ẹ mẹ ndị Izrẹlụ mẹ njọ, e weshigụọ m nwan ẹka elu kun enwẹn m nị wẹ k'e gi isi wẹ buru njọ wẹ. Ya kẹ Osolobuẹ Nwọn Ihiẹn Ile ku.

Ọgụngụn 24:14

“M laburukọ nwan ndị nke m; ka gọn nwan ntịn nị m gwatọ ị ihiẹn ndị Izrẹlụ jẹnkọ d'e mẹ ndị nke i ihun.”

Ọgụngụn 31:16

Lee ẹnya, uwẹ gi ọdụn Balaam dụn wẹ mẹ Izrẹlụ gbakịtọ Osolobuẹ azụụn imẹ alị Pioru, hụn ọnwụn gi gbu ndị o gbu imẹ igunrun ndị nke Osolobuẹ!!

Ọgụngụn 31:8

Wẹ gbuzikwọ ndị-nze Midianị ndịnị cheni ikẹnnyẹ wẹ gbu: Ẹvi, Rẹkẹm, Zọ, Họ lẹ Reba — ndị-nze Midianị isẹn; wẹ gi ọpịa-agha gbuzikwọ Balaam nwa Bioru.

Matiu 18:7

Ọ jọka njọ nị ihiẹn e buhẹ njọ rị arị elu-ụwa! Ọnwụnwan k'a bịakwọ, kanị ọ k'a jọ onyẹ wẹ gha ẹka a bịa njọ.

Ọrụn Ndị-ozi 15:29

erilẹ ni ihiẹn-oriri wẹ gi rụa mmọn lẹzi ẹdeke lẹzi anụ wẹ rụkwọn olu; aghẹrẹlẹ ni. Ụnụ la ihiẹn ndịnị wẹ tọ, o k'a rịnị ụnụ mma. Nọdị nị ọhụnma.”

Ọrụn Ndị-ozi 21:25

O mẹ nke ndị alị ọzọ kwerini Jesu, ẹnyi e dejẹngụọnị wẹ ẹkụkwọ-ozi sị wẹ erilẹ ihiẹn wẹ gi rụa mmọn; w'e rilẹ ẹdeke mọbụ anụ ọwụlẹ wẹ rụkwọn olu; w'a ghẹrẹlẹ.”

Ndị Rom 11:9

Defidi sị, “Ihiẹn-oriri wẹ ya wụrụ ihiẹn wẹ gi shini wẹ ọnyan, ya wụrụ ọmụma w'a kpọgburu; ya wụrụ ihiẹn wẹ gi mẹgwarị wẹ.

Ndị Rom 14:13

Nị ẹnyi mabehi ni nwan ibe ẹnyi ikpe. Kama, nị ẹnyi kwademẹ obi ẹnyi nị ẹnyi ebutọkọnị onyẹ otu-Kraịstị ibe ẹnyi ọmụma kpọgburu mọbụ buhẹn'ẹ ọnwụnwan.

Ndị Rom 14:21

Ọ ka mma nị y'e erini anụ mọbụ ra manya mọbụ mẹ ihiẹn ọzọ ọwụlẹ k'e mẹ nwẹnẹ i imẹ Kraịstị dan.

Ndị Rom 9:32

Kị haịn wẹ gilẹni sa ẹka? Makẹni egini wẹ okukwe mẹ ẹ, ọrụn wẹ kẹ wẹ gi dọn ẹnya, ya wẹ nọ kpọgburu Ọmụma ahụn ịhịan a kpọgburu,

Ndị Kọrẹntị Ibuzọ 1:23

Kanị ẹnyi hụ e zisọnmẹ ozi Kraịstị wẹ kpọgbu elu obe: ebe ndị Ju rị, ihiẹn pụ-ichẹn w'a ghọtafie rọ; ebe ndị wụlẹni ndị Ju rị nzuzu rọ.

Ndị Kọrẹntị Ibuzọ 7:2

Kanị, makẹni ughẹrẹ jun ụzọ ile, okẹnnyẹ ọwụlẹ ya lụrụ nwunyẹ; okpoho ọwụlẹ ya lụrụ di.

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Joshụa 24:9

Ogẹn Balakị nwa Zipọ hụn wụ eze Mụabụ gi kwademẹ nọ lụsọn Izrẹlụ agha, o zi wẹ kpọ Balaam nwa Bioru n'ọ bụ ụnụ ọnụ.

Pita Ibuzọ 2:8

Ọ wụrụgụọzị “Ọmụma w'a kpọgburu; nkumẹ a han wẹ a dan.” Agbayeni wẹ oku hụ haịn wẹ gi kpọgburu kẹ wẹ dọn detọnị wẹ ya.

Pita Nke Ẹbụọ 2:15

A latọgụọ wẹ Ụzọ rị mma kpahu, ghasọnmẹ ụzọ Balaam nwa Bioru hụn erere eje-ihiẹn a sụọ,

Judu 1:11

O k'a jọnị wẹ njọ! E sọnmẹgụọ wẹ ụzọ Keni hụn gbu ọchụn; e gigụọ wẹ ufiri egho mẹmẹ kẹ Balaam; e nupụgụọ wẹ isi kẹ Kora a la ntikpọ kẹ ịya.

Rẹvẹleshọnụ 2:20

Kanị, ọnwan wụ ihiẹn ị rị e mẹ rị e ze m ize: y'e ye okpoho hụ wụ Jezibẹlụ efe, Jezibẹlụ ahụn kpọ enwẹn ẹ onyẹ-amụma, hụn gi ihiẹn ọ rị a kuzi e dufie idibo m, e mẹ wẹ a ghẹrẹ, e ri ihiẹn-oriri wẹ gi rụa mmọn.

Rẹvẹleshọnụ 2:4

“Kanị, ọnwan wụ ihiẹn ị rị e mẹ rị e ze m ize: ụnụ a latọgụọ ihiẹn-ọsụsụọ ahụn ụnụ nwọn mbụ.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.