Rẹvẹleshọnụ 2:10 - Ika

¹⁰ Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 2:10 Iomraidhean Croise

Ẹbụ-ọma 31:23

Ihiẹn Osolobuẹ ya sụọma ụnụ, ụnụ ndị nsọ a. Osolobuẹ e dọnmẹ ndị e mẹ uche ẹ, kanị, o ye ndị a pacheni afụnfụn furuni wẹ, e ye wẹ ya mmagi-mmagi.

Ẹkwan 3:57

Y'a nọzụnhanghọ kẹ m kpọ ị, ị nọ sị, “Atụlẹ egun.”

Daniẹlụ 1:12

“Dodo, gi akpọhịn iri lele ẹnyi ndị idibo i: e yehụ ẹnyi ihiẹn-ugbo e ri, e ye ẹnyi mirin mmaka a ra,

Daniẹlụ 1:14

Ọ nọ kweyeni Daniẹlụ, gi akpọhịn iri hụ lele wẹ.

Habakọkụ 2:3

Makẹni ogẹn ihiẹnni k'e rugụ o kebe mẹ; o sikọ d'e mẹzurịrị — omẹkọ ntụ; ọsụọn'a o bie ebie, cheri ẹ, n'o k'e mẹrịrị — o bieghafekọ ogẹn ẹ.

Matiu 10:22

Ize ụnụ k'a ban ịhịan ile makẹ ufiri ẹfan m, kanị onyẹ hụn din ndidin d'e ru isi ẹ jẹnkọ d'e nwọn nzụọpụha.

Matiu 10:28

Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.

Matiu 24:13

Kanị onyẹ hụn din ndidin ru isi ẹ kẹ nzụọpụha jẹnkọ d'e ru ẹka.

Makị 13:13

Ize ụnụ jẹnkọ d'a ban ịhịan ile makẹ ufiri m. Kanị onyẹ din ndidin d'e ru njẹndemẹ kẹ Osolobuẹ sikọ d'a zụọpụha.

Makị 8:35

Makẹni, onyẹ chọ n'ọ ghe isi ẹ, isi ẹ a tọ a; onyẹ gi ufiri mmẹ lẹ oziọma tuhu ndụn a, ọ hụn ndụn a.

Luku 21:12

“Kanị, ihiẹn ndịnị ile gini d'e mẹ, wẹ jẹnkọ d'e mẹshi ụnụ ikẹn, kpokpo ụnụ, we ụnụ ye wẹ kin ikpe imẹ ụlọ-ofufe, tụ ụnụ ngan; wẹ sikọ d'e gi ufiri ẹfan m we ụnụ jẹnni ndị-nze lẹ ndị Gọvanọ.

Jọnụ 12:25

Onyẹ ndụn a a sụọ k'e tuhu ẹ, kanị onyẹ e legberi ndụn a elu-ụwanị rị e dọnmẹ ẹ a tọnị ndụn itẹbitẹ.

Jọnụ 13:2

Ebahụn wẹ nọ e ri ihiẹn-oriri ẹnyasị, Ekwensụ e bugụọl'a che Judasị nwa Saịmọnụ Iskarọtụ obi n'o d'e re Jizọsị.

Jọnụ 13:27

Ogẹn Judasị gi narịngụ brẹdi ahụn, Ekwensụ nọ banye imẹ ẹ. Jesu nọ sị a, “Mẹ ihiẹn ị k'e mẹ ozigbo!”

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 21:13

Ya kẹ Pọlụ nọ sị, “Kị ụnụ rị e mẹdẹ — a kwan ẹkwan, e tiwa m obi? A kwademẹgụọ m nị m jẹnkọ Jerusalẹm, ọsụọn'a nị wẹ k'e kẹn m ẹgbụn, ọ sụọdẹn'a nị m k'e gi ufiri ẹfan Di-nwọnni-ẹnyi wụ Jesu nwụnhụn ebẹhụ.”

Ndị Kọrẹntị Ibuzọ 9:25

Onyẹ-ọsọ ọwụlẹ chọ n'o mẹri a napụsọnmẹ enwẹn ẹ ihiẹn ile rị ichẹn-ichẹn. Wẹ e mẹ ihiẹnni ile nị wẹ gi okpu mmaka e wiwini tu wẹ ugọn. Kanị, ẹnyi nwẹn rị a gbanị hụn ghalẹni e wiwi.

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Ndị Ẹfẹsọsụ 6:12

Makẹni, ẹlẹ ịhịan nwọn ẹhụ lẹ ẹdeke kẹ ẹnyi lẹ wẹ rị a lụ ọgụn, kanị, eje-mmọn rị ichẹn-ichẹn: ndị-isi eje-mmọn lẹ ndị-ọkịkị wẹ lẹ eje-mmọn ndị rị e mẹ eluni a gba ishi lẹ mmọn ile rị imẹ elu rị a kwadọn njọ kẹ ẹnyi lẹ wẹ rị a lụ.

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Pita Ibuzọ 5:4

kẹni, Onyẹ-isi ndị-ndu atụnrụn bịa, o gi okpu-eze ọghọ ahụn ghalẹni a fapụ tu ụnụ ugọn.

Pita Ibuzọ 5:8

E dọnrin ni ẹnya; e che ni nche. Makẹni eṅẹnrẹn ụnụ wụ Ekwensụ rị a ghahunmẹ nọkẹ ẹwọrọ rị e dẹnni, a chọ onyẹ o k'a nwụn ri.

Rẹvẹleshọnụ 13:14

O gi ọrụn-atụmẹnya ndịnị wẹ ye ẹ ikẹn rụndọnni eje-anụ ibuzọ hụ dufie ndị bi elu-ụwa, sị wẹ kpụ eje-anụ ibuzọ ahụn wẹ gi ọpịa-agha begbu, hụn rịzị nwan ndụn.

Rẹvẹleshọnụ 13:2

Eje-anụnị tụsọnmẹ ẹkịrịka kẹ liopadị. Ụkụ alị a shịa ọda-ọda pu okẹn-mbụọ kẹ nke eje-anụ wụ Biẹ. Ọnụ a nọ kẹ nke Ẹwọrọ. Ya Dragọnụ nọ we ikẹn ẹ lẹ ukpo-eze ẹ ye eje-anụ hụ, bu ọkịkị che ẹ ẹka ọda-ọda.

Rẹvẹleshọnụ 13:7

Wẹ nọzị nị a lụsọn ndị-nsọ agha, mẹri wẹ; e wezikwọ wẹ ebọn ile lẹ ndị ile lẹ asụsụ ile lẹ alị ile che ẹ ẹka.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 2:13

A marịnghọ m ebe i bi, ebẹhụ ukpo Ekwensụ lẹ enwẹn ẹ rị, kanị i kwọndọnhụkwọ ẹfan m; y'a jụnị ihiẹn m sị ụnụ kweri, kẹ hụn ahụn wẹ gbudẹ ezigbo ọshẹri m wụ Antipasị, hụn wẹ gbu imẹ igunrun ụnụ imẹ obodo hụ Ekwensụ bi.

Rẹvẹleshọnụ 2:9

A marịngụọ m afụnfụn ụnụ rị a ta, marịnzịkwọ kẹ ụnụ mẹhan ogbẹnnyẹ (kanị m sị ụnụ nị ọdanfịn kẹ ụnụ wụ nke-esi). A marịnghọ m kẹ ndị ahụn kpọ enwẹn wẹ ndị Ju dọn rị e kuja oku ụnụ. Ẹlẹ ndị Ju kẹ wẹ wụ kanị ndị itu Ekwensụ!