Rẹvẹleshọnụ 15:3 - Ika

³ Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 15:3 Iomraidhean Croise

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Ihiẹn Mẹni Nke Ibuzọ 6:49

kanị Ẹrọnụ lẹ ẹbozo ẹ sụọ wụ ndị a chụnyeni Osolobuẹ ẹjan ndị Izrẹlụ elu ukpo hụ wẹ gi a dụn ẹjan ọkụn lẹ ukpo wẹ n'a mụ nsẹnsi lẹ ọrụn ile w'a rụn imẹ Ebẹhụ Kachanrịn Nsọ — e gi ẹ a gbarị isi ndị Izrẹlụ, nọkẹ kẹ Mozizi wụ odibo Osolobuẹ dọn tumẹ ẹ.

Ihiẹn Mẹni Nke Ẹbụọ 24:6

Ya eze nọ kpọ Jehoyada onyẹ-isi nchụn-ẹjan, sị a, “Kị haịn i gilẹni ke mẹ ndị Livaị nama ndị Juda lẹ Jerusalẹm ụgwọ-isi odibo Osolobuẹ wụ Mozizi lẹ ndị Izrẹlụ sị wẹ k'a gha tụha makẹ ọrụn Ọdụ Ọshịa-ẹri wẹ nọ e fe Osolobuẹ?”

Nehemiah 9:14

Ị nọ mẹ wẹ marịn Ụhụọhịn Ezumikẹn i hụn rị nsọ, gwasọnmẹ wẹ ihiẹn wẹ sikọ d'e mẹ, yini wẹ uhi lẹ ụmụ-iwu ghahanị odibo i wụ Mozizi.

Jobu 36:24

Nyanhan ja ihiẹn ọ rụn mma, hụn ndị ichẹn-ichẹn gi ẹbụ ku nị ọrụn a arịka mma.

Jobu 5:9

Ọ rụnsọnmẹ ihiẹn a tụ ẹnya, hụn wẹ ghalẹni asẹka a ghọta ọrụn-atụmẹnya wẹ ghalẹni as'ẹka a gụngụ.

Ẹbụ-ọma 100:5

Makẹni Osolobuẹ arịka mma; o nwọnsọnmẹ ihiẹn-ọsụsụọ o kwe nkwa a jẹnrin ejẹn, ọ wụsọnmẹ onyẹ wẹ e gi dọn ẹnya, gha agbọ d'e ru agbọ.

Ẹbụ-ọma 105:5

Nyanhankwọ nị ọrụn-atụmẹnya ọ rụn, ihiẹn ile o gi ghọsị ikẹn ẹ lẹ eṅẹn ile o gi ọnụ a han,

Ẹbụ-ọma 111:2

Ihiẹn Osolobuẹ rụn e hikẹ ogbe! Ndị ile ọrụn-ẹka a a sụọ a lịlịma nị wẹ ghọta wẹ.

Ẹbụ-ọma 111:7

Ezioku lẹ ẹka ri mma k'o gi e mẹ ihiẹn ẹ ile; iwu ẹ ile furu wẹ gi e dọn ẹnya:

Ẹbụ-ọma 139:14

A kpanmịn m'ị, makẹni y'e kekẹ m ọhụnma, makẹni i ke m ichẹn; ọrụn-ẹka ị ile wụ ihiẹn a tụ ẹnya, ọhụn we m ẹnya ọhụnma-ọhụnma.

Ẹbụ-ọma 145:17

Osolobuẹ e mẹ ihiẹn ile ọhụnma; o mẹ ihiẹn ile k'o furu.

Ẹbụ-ọma 145:6

Wẹ k'a gha e ku oku ihiẹn hi-ogbe ị rụnsọnmẹ; m k'a gha e ku ẹ nị y'e hikẹ ogbe.

Ẹbụ-ọma 18:30

O mẹ nke Osolobuẹ, ụzọ a zu oke! Ntụ arị oku Osolobuẹ! Osolobuẹ wụ akpaịn hụn e che ndị gbaburun'ẹ nche.

Ẹbụ-ọma 78:12

Kanị ọ rụnghọ ọrụn atụmẹnya idẹnya ndị nẹdi wẹ, imẹ alị Ijiptu, ẹgbẹrẹ Zụanị;

Ẹbụ-ọma 92:5

Euu Osolobuẹ, ọrụn ẹka ị e hikẹ ogbe! Iroro i e mikẹ!

Ẹbụ-ọma 99:4

Eze hụn wụ Dikẹn, onyẹ ezioku a sụọ ụsụọ, y'e yegụọ ezigbo eṅẹn ọnọdị a; y'e mẹgụọ ihiẹn furuni lẹ ihiẹn rị mma imẹ ebọn Jekọpụ.

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Azaya 45:21

Gwalele ni m nwan ihiẹn k'e mẹ ihun, ku n'ẹ nwan! Wẹ tụgbama iroro kin ihiẹn wẹ k'e kin! Onyẹ kutọ oku ihiẹn ndịnị rị e mẹ kikẹnni? Onyẹ ku oku wẹ mbụ-mbụ — karị mmẹ wụ Osolobuẹ? Onwọnzikwọnị Chuku ọzọ rịnị wezụka m — Chuku hụn rị ọchan, hụn a zụọpụhanị; ọzọ arịa wezụka mmẹ.

Daniẹlụ 6:20

O ru ẹhụ olu hụ, ọ nọ gi uhue rị e huen'ẹ kpọcheni Daniẹlụ, sị, “Daniẹlụ-o, odibo Chuku ahụn rị ndụn, Chuku i, hụn y'e fe ogẹn ile a saghọ ẹka gbapụha ị ẹka ẹwọrọ?”

Daniẹlụ 9:11

Izrẹlụ ile a dangụọ iwu i, gbakitọ ị azụụn, ekweni wẹ mẹ ihiẹn ị sị wẹ mẹ. “Ya kẹ ọnụ-ẹsọn lẹ ihiẹn ile Osolobuẹ kun enwẹn ẹ n'o k'e mẹ, hụn wẹ deye imẹ Iwu Mozizi wụ odibo Osolobuẹ, gi nwan hukpu ẹnyi, makẹni ẹnyi e mẹọlẹ ị njọ.

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Maịka 7:20

I jẹnkọ d'e gi ezioku sọn odibo i wụ Jekọpụ; gi ihiẹn-ọsụsụọ sọn Ebraham kẹ i dọn kun enwẹn i kwe wẹ ndị nẹdi ẹnyi kanị nkwa ogẹn mbụ.

Zẹfanaya 3:5

Kanị Osolobuẹ egbehutọnị, kaka! Onyẹ ezi-omumẹ ọ wụ imẹ obodo ahụn k'ọ wụkwọ tan; ara mẹgbu ịhịan: ọ hụ a han eṅẹn ụhụọhịn ile, ara gberi ụhụọhịn. Kanị ifẹnrẹn arị emẹ ndị njọ.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Jọnụ 1:17

Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.

Ditrọnọmi 31:30

Ya Mozizi nọ bụ ẹbụnị gha isi ẹ d'e ru njẹndemẹ ẹ, bụ a nị ndị Izrẹlụ ile nụ a:

Ditrọnọmi 32:3

Makẹni m jẹnkọ d'a ja ẹfan Osolobuẹ mma. Ku n'ẹ nị Osolobuẹ ẹnyi e hikẹ ogbe!

Ditrọnọmi 34:5

Ya Mozizi wụ odibo Osolobuẹ nọ nwụntọ alị Mụabụ ebẹhụ kẹ Osolobuẹ dọn ku.

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Hibru 3:5

Mozizi a rụnghọ ọrụn a ọhụnma imẹ ụlọ Osolobuẹ ile; kanị ọ rụnhụ kẹ odibo wẹ zi d'a ghọsị ihiẹn Osolobuẹ jẹnkọ d'e ku ihun.

Joshụa 22:5

Ka dọnrinkwọ nị ẹnya mẹsọnmẹ ihiẹn odibo Osolobuẹ wụ Mozizi gwa ụnụ lẹ iwu o ye ụnụ, nị ụnụ sikọ d'e nwọn ihiẹn-ọsụsụọ Osolobuẹ wụ Chuku ụnụ, a gha ụzọ a ile, e mẹ ihiẹn o ku, e kwọnkẹnmẹ ẹ, e gi obi ụnụ ile lẹ umẹ-ndụn ụnụ ile e fe ẹ.”

Rẹvẹleshọnụ 1:8

“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.

Rẹvẹleshọnụ 11:17

a bụ ẹbụnị: “Ẹnyi rị e ye i ekele, Di-nwọnni ẹnyi, Chuku hụn nwọn ikẹn ile, onyẹ hụn rị kikẹnni, hụn rịzịkwọ mbụ. Makẹni y'e gigụọ ikẹn i hi-ogbe kịma.

Rẹvẹleshọnụ 14:3

Mmadụ nnụ ọgụn mmẹsatọ ahụn hụ a bụ ẹbụ ọhụn ihun ukpo-eze ahụn lẹ ihiẹn ẹnọ ahụn rị ndụn lẹ ndị-isi ahụn. Onwọnni onyẹ saẹka mụnrụn ẹbụ hụ wezụka mmadụ nnụ ọgụn-mmẹsatọ hụ wẹ gha imẹ ụwa gbapụha.

Rẹvẹleshọnụ 14:8

Mmọn-ozi ọzọ, hụn mẹ ẹ ẹbụọ, nọ pụha, a sị, “Ọ dangụọ! Obodo uku ahụn wụ Babilọnụ a dangụọ! Okpoho ahụn mẹ alị ile ra manya a hụn wụ ịgbaraja a!”

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”

Rẹvẹleshọnụ 4:8

Ihiẹn ẹnọ ndịnị rị ndụn nwọnsọnmẹ nku isin-isin. Ẹnya jun wẹ ẹhụ ile — kẹ okpuru nku wẹ. W'a ra bụbehi ẹbụ, kẹ uhinhin kẹ efinnaị, a bụ, “Nsọ, nsọ, nsọ! Di-nwọnni-ẹnyi Osolobuẹ hụn nwọn ikẹn ile rị nsọ — Onyẹ hụn rị mbụ, hụn rị kikẹnni, hụn lalanị.”