Rẹvẹleshọnụ 14:4 - Ika

⁴ Ndịnị wụ ndị gilẹni ikpoho mẹrụ enwẹn wẹ, wẹ wụ ikẹnnyẹ marịnlẹni ikpoho. W'e sọn Nwa-ebulu hụ ebe ọwụlẹ o jẹnkọ. Osolobuẹ lẹ Nwa-ebulu hụ a ghagụọ imẹ ịhịan ile gbapụha ndịnị nọkẹ mkpụrụ-ibuzọ.

Rẹvẹleshọnụ 14:4 Iomraidhean Croise

Ẹbụ-ọma 45:14

Ẹwuru wẹ kpayesọnmẹ ihiẹn k'o yi; wẹ dula a d'e kunrun eze; ịgbagba dukọ a sọnkọ a.

Ẹbụ-ọma 74:2

Nyanhankwọ ndị nke i hụn i nwọnrin ẹdẹi, ndị hụn ị gbarị nị wẹ wụrụ ebọn nke i. Nyanhan Ugu Zayọnụ rị Jerusalẹm, ebẹhụ ị bịa d'e biri.

Ẹbụ Solomọnụ 1:3

Udẹn hụn i te rị e kun fuẹin; ẹfan ị rị e kundẹ fuẹin kẹ udẹn wẹ hupụha — ya haịndẹ i ihiẹn i gi a sụọ ịgbagba!

Ẹbụ Solomọnụ 6:8

Inyẹnmẹ eze nwọn ikẹn rị ọgụn-ẹtọ, ndị mgba nwọn ikẹn rị ọgụn-ẹnọ, ịgbagba nwọnzikwọ ikẹn karị hụn w'a gụn;

Jerimaya 2:3

Izrẹlụ te wụchanrịn nke Osolobuẹ sụọ, ya wụ mkpụrụ ibuzọ ọ ghọrị ugbo ẹ; Osolobuẹ a ma ndị ile bu ẹ ri ikpe njọ, eje-ihiẹn e kunrun wẹ.’ Ya kẹ Osolobuẹ ku.

Emọsụ 6:1

Nsọngbu rị Ugu Zayọnụ ẹhụ fu lẹ ndị rị Ugu Sameria obi ru alị; ndị wẹ marịn-amarịn imẹ Izrẹlụ alị nwẹn ka alị, ndị hụn Izrẹlụ ile e buruhẹ!

Matiu 19:12

O nwọn ndị ghalẹni a lụ di-lẹ-nwunyẹ makẹni enwọn wẹ ẹhụ kete wẹ mụlẹ wẹ; o nwọn ndị ghalẹni a lụ di-lẹ-nwunyẹ makẹni wẹ wara wẹ awara; o nwọn ndị sị nị alụkọ wẹ makẹ ufiri Alị-eze elu-igwee. Onyẹ k'a saẹka nabanhan okuni ya nabanhan a.”

Matiu 25:1

“Ogẹn ikpanzụụn ahụn, ihiẹn jẹnkọ d'e mẹ imẹ Alị-eze elu-igwee jẹnkọ d'a nọ kẹ ebe ịgbagba iri nọ weri ukpẹ wẹ jẹnmẹ d'a nabanhan okẹnnyẹ lala d'a gba ẹkụkwọ.

Matiu 8:19

Ya onyẹ-nkuzi Iwu nọ bịa d'a sị a, “Di-nwọnni-ẹnyi, m k'e sọn i ebe ọwụlẹ i jẹnkọ.”

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Jọnụ 12:26

Onyẹ chọ n'ọ gbanị m odibo ya sọnmẹ m, nị ebe m rị kẹ odibo m k'a rị; Nẹdi m jẹnkọ d'e ye onyẹ k'a gbanị m odibo ọghọ.

Jọnụ 13:37

Pita nọ sị a, “Di-nwọnni-ẹnyi, kị wụnị asa m ẹka sọn i kikẹnni? Nị m nwụnghọdẹni i ọnwụn!”

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ndị Kọrẹntị Ibuzọ 16:15

Umunẹ m, dodo ni, makẹni ụnụ a marịnghọ nị ikpụlọ Stẹfanasị wụ ndị ibuzọ kwerini Jesu Ẹgbẹrẹ Akaya lẹni e wepụhagụọ wẹ enwẹn wẹ nị w'e yeni ndị nke Osolobuẹ ẹka,

Ndị Kọrẹntị Ibuzọ 6:20

Wẹ ṅọn ụnụ e ṅọn; e gi ni nwan ẹhụ ụnụ e ye Osolobuẹ ọghọ.

Ndị Kọrẹntị Ibuzọ 7:28

kanị ị lụrụ nwunyẹ, y'e mẹni njọ; okpoho kelẹni lụ di lụrụ di, o mẹni njọ. Kanị, ndị lụ di mọbụ nwunyẹ jẹnkọ d'e nwọn nsọngbu elu ụwanị. Nsọngbu ahụn kẹ m chọkọ nị m napụ ụnụ.

Ndị Kọrẹntị Nke Ẹbụọ 11:2

Ẹnya hụn a fụ Osolobuẹ rị a fụ m makẹ ọnọdị ụnụ. Ụnụ wụ nwagbọọ m kwe okẹnnyẹ ohu sụọ nkwa. Okẹnnyẹ ahụn wụ Kraịstị. M kwe ẹ nkwa nị m jẹnkọ d'e we ụnụ ye ẹ ebe ụnụ kelẹni marịn okẹnnyẹ.

Ndị Ẹfẹsọsụ 1:14

makẹni Mmọn-nsọ k'o bu ụzọ e ye nọkẹ mbi, o kebe bịa d'e gbarị ndị ọ ṅọntọgụ. Osolobuẹ mẹ ẹ kẹni ụnụ nwẹn wụrụzị ihiẹn wẹ gi a ja Osolobuẹ mma n'o hikẹ ogbe!

Ndị Ẹfẹsọsụ 5:27

kẹni o wepụha ụka ọghọ jun ẹhụ ihun ẹ, ẹlẹ ụka nwọn ntụpọ mọbụ se alịlị mọbụ ihiẹn ọwụlẹ nọ ẹrịra, kama n'ọ hụn ụzọ wụrụ ụka rị nsọ, nwọnlẹni ihiẹn wẹ gi kọrịan'a.

Timoti Ibuzọ 4:3

Wẹ k'a kuzimẹ ịhịan w'a lụlẹ di-lẹ-nwunyẹ, w'e rilẹ ụfọdụ ihiẹn-oriri, ihiẹn Osolobuẹ ke kẹni ndị hụn kwerini hụn marịn ezioku hụn ụzọ e ri, a kpanmịn a.

Hibru 12:23

Ụnụ a bịagụọ d'e kunrun igunrun ụmụ ibuzọ Osolobuẹ wẹ deye ẹfan wẹ elu-igwee lẹ Osolobuẹ lẹ enwẹn ẹ, hụn k'e kin ịhịan ile ikpe. Ụnụ a bịagụọ d'e kunrun ndị ezi-omumẹ Osolobuẹ mẹgụ nwan mmọn wẹ zu oke.

Jemisi 1:18

Ịya gi uche ẹ mụnrụn ẹnyi, ghahanị oku ẹ hụn wụ ezioku, kẹni ẹnyi wụrụ nke ẹ imẹ ihiẹn ile o ke, nọkẹ mkpụrụ ibuzọ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 21:22

Ahụnnị m ụlọ-nsọ imẹ obodo hụ — makẹni Di-nwọnni-ẹnyi Osolobuẹ hụn nwọn ikẹn ile lẹ enwẹn ẹ wụ ụlọ-nsọ obodo hụ, ya lẹ Nwa-ebulu hụ.

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Rẹvẹleshọnụ 3:4

“Kanị, o nwọnghọ ndị bulẹni ọda rị Sadisi kelẹni ru ẹkwa wẹ unyin. Wẹ jẹnkọ d'e yi ẹkwa ọchan sọn m e jẹnhunmẹ, makẹni wẹ furu efuru.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.