Rẹvẹleshọnụ 14:13 - Ika

¹³ M nọ nụ olu gha elu-igwee sị, “De ihiẹnni: gha ogẹnni jẹnmẹ, ngọzi jẹnkọ d'a rịnị ndị nwụntọ imẹ Di-nwọnni-ẹnyi!” “E nwọngụọ wẹ ngọzi nke-esi! Wẹ k'e zu ikẹn ọrụn wẹ, ri ihiẹn wẹ rụn!” Ịya kẹ Mmọn-nsọ ku.

Rẹvẹleshọnụ 14:13 Iomraidhean Croise

Ẹbụ-ọma 19:11

Uwẹ a kuzi odibo i; erere a rịka idọnmẹni wẹ.

Ẹbụ-ọma 85:13

Ọrụn-ọma a k'e burun'ẹ ụzọ, kwan'a ụzọ o k'a gha.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Daniẹlụ 12:13

“Ịyụ nwẹn, jẹnmẹgụ n'o rugụ njẹndemẹ ogẹn. I k'e jẹn d'e zu ikẹn, ogẹn hụ zugụ, i k'e lihi d'e weri ihiẹn runi i.”

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Luku 16:25

“Ebraham nọ sị a, ‘Nwa m, nyanhan nị k'ị rị ndụn, ị hụ e nwọnhẹn ihiẹn rị mma, kanị Lazarọsụ hụ e nwọnhẹn ihiẹn ile jọ njọ. Ẹhụ fu ẹ nwan ebeni, yụ nwẹn hụ a ta afụnfụn.

Luku 16:9

“M rị a gwa ị: gi akụ-lẹ-ụba ụwanị han ọwụ, omẹni ọ gụ, kẹni ị hụn onyẹ jẹnkọ d'a nabanhan ị iwe ẹ biri jẹnrin ejẹn.

Ndị Rom 14:8

ẹnyi rị ndụn, Onyẹ-nwọnni-ẹnyi kẹ ẹnyi rịnị ndụn; ẹnyi nwụnhụn, Onyẹ-nwọnni-ẹnyi kẹ ẹnyi nwụnnị. Kẹ ẹnyi rị nwan kẹ ẹnyi nwụnhụn anwụnhụn, nke Onyẹ-nwọnni-ẹnyi kẹ ẹnyi wụ.

Ndị Kọrẹntị Ibuzọ 15:18

ya wụ nị nke ndị nke Kraịstị nwụnhụngụnị a gụgụọ.

Ndị Kọrẹntị Ibuzọ 15:20

Kanị, ezioku rịn'a wụ nị Osolobuẹ a ghagụọ ọnwụn weli Kraịstị, gi ẹ họnrin ihiẹn-ugbo ibuzọ o wepụha imẹ ndị nwụnhụnnị, gi ẹ ghọsị kẹ ndị họdụnị k'e jẹn.

Ndị Kọrẹntị Ibuzọ 15:58

Ezi umunẹ m, turu ni nwan; emẹhunmẹlẹ ni; a rụn nị ọrụn Di-nwọnni-ẹnyi a rụnwaye, ebe ụnụ marịn nị ọrụn ụnụ rụn imẹ Di-nwọnni-ẹnyi alakọ iwi.

Ndị Kọrẹntị Nke Ẹbụọ 5:8

Ẹghẹẹ, obi e ru ẹnyi alị, nke wụ nị ọ kadẹ ẹnyi mma nị ẹnyi gha imẹ ẹhụnị pụ, laburu Di-nwọnni-ẹnyi d'a nọdị ụlọ ẹnyi rị ebe ọ rị.

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Tẹsalonika Ibuzọ 4:14

Makẹni, kẹ ẹnyi dọn kweri nị Jesu nwụnhụn, lihizi, ẹrịra kẹ ẹnyi dọnzi kweri nị Osolobuẹ k'e gi Jesu wekinhẹn ndị hụn kwerinin'ẹ hụn rị ụran.

Ndị Tẹsalonika Ibuzọ 4:16

Makẹni, o ru ogẹn hụ, Di-nwọnni-ẹnyi k'e gi okẹn olu ku oku, olu onyẹ-isi ndị mmọn-ozi a han, opi Osolobuẹ a han, Di-nwọnni-ẹnyi a gha elu-igwee hidan; ndị nke Kraịstị ranhịngụnị e bu ụzọ gha ọnwụn lihi;

Ndị Tẹsalonika Ibuzọ 5:10

Di-nwọnni-ẹnyi wụ Jesu Kristi nwụnnị ẹnyi ọnwụn kẹni ẹnyi hụn ụzọ sọn ẹ bi: ọsụọn'a nị ẹnyi rị ndụn ọsụọn'a nị ẹnyi a nwụnhụngụọ.

Timoti Ibuzọ 5:24

O nwọn ndị njọ wẹ a pụhachanrịn ifọn, a ma wẹ ikpe, wẹ kebe kinmẹdẹ wẹ ikpe, kanị nke ndị họdụnị e sọn wẹ, wẹ kingụ wẹ ikpe ọ pụha ifọn.

Timoti Ibuzọ 5:25

Ẹrịra kẹ ọrụn ọma dọnzi a pụhachanrịn ifọn. Ọsụọdẹn'a n'o ke pụhachanrịn ifọn, o zuerisọnmẹkọ.

Rẹvẹleshọnụ 1:11

Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”

Rẹvẹleshọnụ 10:4

Akpara ẹsa ahụn a hangụ, m te nọ chọ nị m demẹ, kanị m nọ nụ olu gha elu-igwee sị, “Zuemẹ ihiẹn akpara ẹsa hụ ku, edetulẹ ẹ!”

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 11:19

Ya kẹ Ụlọ-NSỌ Osolobuẹ nọ gụnpụ imẹ elu-igwee: e lee Ẹkpẹti-nkwerigbama Osolobuẹ ebẹhụ. Amụma nọ besọnmẹ, igwere nọ dẹnsọnmẹ, akpara nọ hansọnmẹ; alị nọ zinzin, ẹkwan-igwere nọ dan ọda-ọda.

Rẹvẹleshọnụ 16:17

Mmọn-ozi nke ẹsa e hu ihiẹn rị afẹrẹ a ye imẹ ufere, okẹn olu nọ gha ukpo-eze hụ, imẹ Ụlọ-nsọ, sị, “Ọ mẹgụọ!”

Rẹvẹleshọnụ 19:9

Mmọn-ozi hụ nọ sị m, “De ihiẹnni: ‘Ngọzi a rịkakwọnị ndị hụ wẹ kpọ oriri agbamẹkụkwọ Nwa-ebulu hụ.’ ” Ọ nọzị sị m, “Ihiẹnni wụ oku Osolobuẹ nke-esi.”

Rẹvẹleshọnụ 2:1

“Dejẹnni onyẹ-isi ụka Ẹfẹsọsụ, sị a: Lee ihiẹn onyẹ hụ kokisẹ ẹsa hụ rịchanrịn ẹka-nni ẹ ku, onyẹ ahụn a ghahunmẹ imẹ obu-ukpẹ goru ẹsa hụ:

Rẹvẹleshọnụ 2:7

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụn mẹrini kẹ m k'a nị ri mkpụrụ-osisi ahụn e ye ndụn hụn rị Paradaịsị, Alị Ezumikẹn Osolobuẹ.

Rẹvẹleshọnụ 20:6

Ndị k'a gha ọnwụn lihi olihi ibuzọnị e nwọnkẹ ngọzi; wẹ rị nsọ. Ọnwụn nke mgbe ẹbụọ erukọ wẹ ẹhụ, kama, wẹ k'a wụ ndị nchụn-ẹjan Osolobuẹ lẹ Kraịstị, wẹ k'e sọn Kraịstị kị ahụa nnụ-uku.

Rẹvẹleshọnụ 21:5

Onyẹ hụ nọdị alị elu ukpo-eze hụ nọ sị, “Lee ẹ! M rị e kedọnzi ihiẹn ile!” Ọ nọ sịzị, “Detu ihiẹnni, makẹni oku ndịnị wụ ezioku lẹ oku furu w'e gi dọn ẹnya.”

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.

Rẹvẹleshọnụ 6:11

Ya wẹ nọ ye onyẹ-onyẹ imẹ wẹ ẹwuru ọchan tueni, sị wẹ zuzi ikẹn ẹkẹrẹ ni umunẹ wẹ lẹ idibo ibe wẹ zugụ ọnụ, umunẹ wẹ ịhịan jẹnkọ d'e gbu kẹ wẹ.