Rẹvẹleshọnụ 14:10 - Ika

¹⁰ o k'a ra manya ahụn wụ iwe-lẹ-ọnụma Osolobuẹ hụn Osolobuẹ gburọlẹni, o k'e gi mkpu iwe-lẹ-ọnụma a ye wẹ ya. Wẹ k'e gi ọkụn lẹ nsịn-ẹnyanwụn ye wẹ eje-afụnfụn idẹnya ndị mmọn-ozi rị nsọ lẹ idẹnya Nwa-ebulu hụ;

Rẹvẹleshọnụ 14:10 Iomraidhean Croise

Jẹnẹsisi 19:24

ya kẹ Osolobuẹ nọ gi ẹka a gha elu-igwee hu nsịn-ẹnyanwụn lẹ ọkụn kpu alị Sodọm lẹ alị Gomora nọkẹ mirin rị e zueni;

Jobu 18:15

Ihiẹn ọ marịnlẹni e mẹ iwe ẹ; w'e fedẹ nsịn-ẹnyanwụn e ye ihiẹn ẹ ile.

Jobu 21:20

N'o gi ẹnya a hụn ntikpọ ya lẹ enwẹn ẹ; n'ọ rarị ọnụma Onyẹ Hụ Nwọn Ikẹn Ile.

Ẹbụ-ọma 11:6

O k'e hu ikeke-ọkụn lẹ nsịn ẹnyanwụn rị e rẹn ọkụn kpu ndị-njọ; ufere rị e bi ọkụn wụ nke wẹ.

Ẹbụ-ọma 37:34

Cheri Osolobuẹ, y'e sọnsọnmẹ ụzọ a. O k'e bushi i elu kẹni alị hụn ụzọ họnrin nke i; ị k'a hụn kẹ wẹ gbupụ ndị-njọ.

Ẹbụ-ọma 52:6

Ndị ezi-omumẹ k'a hụn ihiẹn mẹn'i, egun a tụ wẹ; a mụma wẹ i ẹmụ, a sị,

Ẹbụ-ọma 60:3

Y'e mẹgụọ ndị nke i hụnjun ẹnya; y'e yegụọ ẹnyi ọnụma ị ra kẹ manya, ọ hụ e mẹ ẹnyi a dan ẹgẹlẹgẹ.

Ẹbụ-ọma 73:10

Ndị nke wẹ hụ e buruhẹ wẹ — e lura ihiẹn ile wẹ ku rịkẹ mirin!

Ẹbụ-ọma 75:8

Makẹni Osolobuẹ gi mkpu manya ẹka; manya zeni rị a gbọ ụfọfọ jun ẹ; o huyegụọnị wẹ ya ra; ndị-njọ ile rị ụwa k'a ra a, rachanpụ.

Ẹbụ-ọma 91:8

Ẹnya kẹ y'e gihụ e lee, e legha afụnfụn wẹ rị e ye ndị njọ.

Azaya 29:9

Ya tụ ụnụ ẹnya, gbagbu ụnụ ngharị ẹnya; tikpọdẹ ni enwẹn ọnụ ẹnya, nị ọnụ leghabehi ụzọ; Nọ nị kẹ ndị manya — bụ manya arị a tụ ụnụ; hanfiemẹ ni ụkụ, bụ ụnụ aranị manya!

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Azaya 34:9

Ogẹn ahụn, mirin alị Ẹdọm k'e wiwi, họnrin korota wẹ gi a rụn ụzọ; ẹjan rị alị hụ k'e họnrin nsịn-ẹnyanwụn rị a dụn ọkụn; alị Ẹdọm ile e họnrin korota rị a dụn ọkụn.

Azaya 51:17

Tẹnhin! Tẹnhin ụran! Jerusalẹm, lihi ọtọ! Ịyụ hụn ragụ afụnfụn hụn Osolobuẹ zihẹ imẹ mkpu hụn o buche ọnụma a; y'a ragụọ a, rachanpụdẹ ẹrụrụ a, mkpu hụ hụn e mẹ ịhịan a hanfie ụkụ.

Jerimaya 25:27

Osolobuẹ sị m, “Sị wẹ nị Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Ra nị tụ, gbọma ẹgbọ, dangungwọn, yeni ọpịa-agha m zila imẹ igunrun ụnụ.’

Jerimaya 49:12

Ẹghẹẹ, Osolobuẹ sị, “Ebe o mẹni ndị furulẹni nị wẹ rarị afụnfụn rị imẹ mkpuni sikọ d'a rarịrị a, nị ụnụ la ọfẹ? Mba, ụnụ k'a tarịrị afụnfụn hụ.

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Ẹkwan 4:21

Ghọghọmakwọ nwan, Nwagbọọ wụ alị Ẹdọm, ẹfọ ya sụọma ụnụ ndị bi alị Uzu ụsụọ. Kanị mkpu afụnfụnnị k'e ruzirịrị yụ nwẹn ẹka — y'a ra a, tụ, gbarị ọtọ.

Izikẹlụ 20:48

Ịhịan ile k'a hụn a nị mmẹ wụ Osolobuẹ mụye ọkụn hụ; ọkụn hụ anịkọ wẹ tinyụn.’ ”

Izikẹlụ 38:22

M k'e gi eje-emu lẹ ogbugbu ye ẹ afụnfụn; m k'e hu okẹn-mirin lẹ ẹkwan-igwere lẹ ọkụn lẹ nsịn-ẹnyanwụn kpu Gọgụ lẹ ndị-agha a lẹ alị ndị ọzọ ahụn bu ọda ya lẹ wẹ wị.

Habakọkụ 2:16

Ụya k'i k'a hụn hụnjun ẹfọ, ẹlẹ ọghọ; razị nwan ụya nke i tụ nị wẹ hụn ọtọ ị! Mkpu afụnfụn hụn rị ẹka Osolobuẹ k'e ru yụ nwẹn ẹka, e gi wẹ ifẹnrẹn nọkin ẹnya ọghọ ị ahụn.

Matiu 20:22

Kanị Jizọsị nọ sị, “Ụnụ amarịn ihiẹn ụnụ rị a rịọ. Nị ụnụ s'ẹka ra ihiẹn rị imẹ mkpu m jẹnkọ d'a ra?” Wẹ nọ sị, “Nị ẹnyi saghọ ẹka.”

Matiu 25:41

“Ogẹn hụ, o sikọ d'a sị ndị hụ rị ẹka-ekpẹn ẹ, ‘Pụnị nị m ebeni, ndị wẹ bụ ọnụ! Shi ni ọkụn itẹbitẹ hụn wẹ kwademẹni Ekwensụ lẹ ndị mmọn-ozi ẹ!

Matiu 26:39

O jẹnshi ihun ẹkẹrẹ, ọ nọ tụha enwẹn ẹ ye alị, bu ihun kpumẹ alị, mẹ ekpere, sị, “Baba, omẹni ọ rịghọ nfe, anịlẹ m ra mkpuni; kanị, uche i y'a mẹ, ẹlẹ uche m.”

Makị 8:38

Onyẹ mẹ ifẹnrẹn mmẹ lẹ oku m imẹ eje-agbọnị ẹnya rịlẹni ụzọ ohu, mmẹ wụ Nwa nke Ịhịan sikọ d'e mẹ ifẹnrẹn ẹ ogẹn m k'e gi gi ọghọ Nẹdi m bịa, mmẹ lẹ ndị mmọn-ozi rị nsọ.”

Makị 9:44

Ọhọrị rị ebahụn ara nwụn; ọkụn rịn'a ara tinyụn.

Ọrụn Ndị-ozi 10:22

Wẹ nọ za, sị, “Kọnẹlusu zi ẹnyi. Onyẹ a kị ndị-agha ọgụn-isẹn rọ, onyẹ ezi-omumẹ a tụ egun Osolobuẹ; ndị Ju ile e ku oku ẹ ọhụnma. Mmọn-ozi nsọ gwa a d'a kpọ ị, n'ị bịa iwe ẹ kẹni ọ nụ ihiẹn i k'e ku.”

Ditrọnọmi 29:23

Alị ahụn ile sikọ d'a la iwi, họnrin alị nnu lẹ nsịn-ẹnyanwụn, alị e wiwi ihiẹn, alị wẹ ghalẹni a kụnye ihiẹn, ihiẹn ghalẹni e pu mọbụ e sue imẹ ẹ. O k'a nọ kẹ ntikpọ wẹ tikpọ alị Sodọm lẹ Gomora lẹ Adima lẹ Zẹbo, hụn Osolobuẹ gi okẹn-ọnụma a tikpọpụ.

Ndị Tẹsalonika Nke Ẹbụọ 1:7

mẹ ụnụ nwẹn rị a ta afụnfụn zu ikẹn, mẹzikwọ ẹnyi nwẹn zu ikẹn. O jẹnkọ d'e mẹ ẹ ogẹn Di-nwọnni-ẹnyi Jesu k'e gi gha elu-igwee bịa, ya lẹ ndị mmọn-ozi ẹ hụ kin akwanran.

Judu 1:7

Ẹrịra kẹ ndị Sodọm lẹ Gomora lẹ obodo ndị nọkunmẹni wẹ mẹzi, bu enwẹn wẹ che ughẹrẹ lẹ ihiẹn-ụrụ, ya wẹ nọ narịn afụnfụn ọkụn-itẹbitẹ. Wẹ nọ wụrụ ihiẹn wẹ gi a gba ịhịan mkpịnsịn-ẹka ẹnya.

Rẹvẹleshọnụ 15:7

Ohu imẹ ihiẹn ẹnọ ahụn rị ndụn nọ buye ndị mmọn-ozi ẹsa hụ afẹrẹ goru ẹsa. Ihiẹn jun afẹrẹ ndị hụ wụ iwe-lẹ-ọnụma Osolobuẹ, Onyẹ hụ rị ndụn jẹnrin ejẹn.

Rẹvẹleshọnụ 16:19

Ya kẹ obodo uku hụ nọ kebe ụzọ ẹtọ; obodo shịa ẹfọ rịsọnmẹ alị ile nọ tikpọchanrịn. Osolobuẹ a nyanhan Babilọnụ uku hụ, we mkpu hụ iwe-lẹ-ọnụma a rị ye ẹ ra kẹ manya.

Rẹvẹleshọnụ 18:3

Makẹni alị ile a raọlẹ eje-manya a wụ ughẹrẹ, ọ tụgbarị wẹ; ndị-nze rị ụwa e mẹgụọ mgba a; ndị-afịa ụwa e gigụọ ihiẹn o gi obibi mmẹ-nwọn-enwẹn-m nwọnhẹn họnrin ndị-ịdanfịn.”

Rẹvẹleshọnụ 18:6

“Mẹ ẹ ihiẹn o mẹ ndị-ọzọ! Mẹgwarị a ya ụzọ ẹbụọ! Gbaye ẹ manya k'o dọn gbaye ndị ọzọ, y'a gbayedẹ ẹ ya ụzọ ẹbụọ!

Rẹvẹleshọnụ 19:15

Ọpịa-agha tụnị o k'e gi mẹ alị ile ihiẹn rị a ọnụ. O k'e gi ọkpọ-igwe kị wẹ. O k'a zọkpụkpọ wẹ imẹ ebẹhụ Osolobuẹ nwọn ikẹn ile nọ e gi iwe-lẹ-ọnụma a a zọkpụkpọ ndị-njọ kẹ akpụrụ vaịnị.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 20:10

Wẹ nọ tụ Ekwensụ hụn dufieni wẹ ye imẹ odiyiri ọkụn lẹ nsịn-ẹnyanwụn, ebẹhụ eje-anụ hụ lẹ onyẹ amụma-ntụ hụ rị. Wẹ k'e ye wẹ afụnfụn uhinhin lẹ efinnaị jẹnrin ejẹn.

Rẹvẹleshọnụ 20:14

Ya wẹ nọ tụ Ọnwụn lẹ Alị-mmọn ye imẹ odiyiri ọkụn hụ. Odiyiri ọkụnnị wụ ọnwụn nke mgbe ẹbụọ.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”