Rẹvẹleshọnụ 13:8 - Ika

⁸ Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 13:8 Iomraidhean Croise

Jẹnẹsisi 22:7

Aziki a hị nẹdi ẹ oku, sị, “Baba-ee!” Ya ọ nọ sị a, “Ee, nwa m!” Aziki nọ sị a, “Baba, ẹnyi bu ọkụn lẹ nkụn. Elebe atụnrụn ẹnyi e gi chụn ẹjan w'a dụn ọkụn rị?”

Ẹbụ-ọma 69:28

Wẹ finchanpụ ẹfan wẹ imẹ ẹkụkwọ ndị k'a rị ndụn; w'a gụnkwọlẹ wẹ ye imẹ ndị ezi-omumẹ!

Ọpụpụ 32:32

Dodo nwan, gbagharị wẹ njọ; omẹni y'a gbagharịkọ wẹ, finchanpụ nwan ẹfan m imẹ ẹkụkwọ i de.”

Azaya 4:3

Wẹ k'a kpọ ndị k'a họdụ imẹ Zayọnụ, imẹ Jerusalẹm, “Ndị rị nsọ”, ndị hụ ile Osolobuẹ detu ẹfan wẹ nị wẹ k'a rị ndụn imẹ Jerusalẹm.

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Luku 10:20

K'osilẹrị, aghọghọlẹ ni nị eje-mmọn rị e humẹni ụnụ isi, ka ghọghọ nị n'e deyegụọ wẹ ẹfan ụnụ imẹ elu-igwee.”

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Ndị Ẹfẹsọsụ 1:4

Nị Osolobuẹ d'e kedẹ ụwa, ọ họtọgụọlẹ ẹnyi imẹ Kraịstị makẹni o nwọn ihiẹn-ọsụsụọ ẹnyi, nị ẹnyi jẹnkọ d'a wụrụn'a ndị rị nsọ, nwọnlẹni nkọrịanị.

Ndị Filipi 4:3

Ẹghẹẹ, yụ wụ onyẹ-ọrụn ibe m furu wẹ gi e dọn ẹnya, m rị a rịọ ị n'ị yeni ikpoho ndịnị ẹka, makẹni e sọngụọ wẹ m lụnị oziọma ọgụn, uwẹ lẹ Klemẹnti lẹ ndị ọzọ ile mmẹ lẹ wẹ gba a rụn ọrụn — ndị ẹfan wẹ rị imẹ ẹkụkwọ ndụn-itẹbitẹ.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Rẹvẹleshọnụ 12:15

Ya kẹ agwọ hụ, dragọnụ hụ, nọ gha ọnụ a hupụha mirin nọ kẹ iyi, n'o hukpu okpoho ahụn, huru ẹ,

Rẹvẹleshọnụ 13:12

Eje-anụnị rị a kpanị nke ibuzọ ikẹn o ye ẹ. Ọ mẹ ụwa ile e ferịrị eje-anụ hụn ibuzọ ahụn ebe wẹ gi gbu ẹ lagụ.

Rẹvẹleshọnụ 17:8

“Eje-anụ ufie hụ ị hụn te rị mbụ; ọ rịzị a nwan; kanị, o d'a gha mgbugbu hụ migbu enwẹn ẹ pụha. Ọ pụhagụ, ọ la ntikpọ. Ogẹn ndị rị elu-ụwa k'e gi hụn kẹ eje-anụ ufie hụ pụhazị, ndị ahụn ile wẹ deyelẹni ẹfan wẹ imẹ ẹkụkwọ ndụn-itẹbitẹ ogẹn ụwa gi bidọn, o k'a tụ wẹ ẹnya. Makẹni, o te rị arị, bụ ọ rịzị a nwan, kanị ọ lalazị alala.

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.

Rẹvẹleshọnụ 3:10

Makẹni y'e dingbuọlẹ ihiẹn ile kẹ m dọn gwa ị, anịkọ m afụnfụn lalanị wẹ jẹnkọ d'e gi lele ndị ile rị elu ụwa ru i ẹhụ.

Rẹvẹleshọnụ 3:20

“Lee ẹ, m turu nwan ọnụmụzọ a dụ ẹka, onyẹ nụ olu m gụnpụ ụzọ, a banhan m d'e kunrun ẹ, e sọn m'ẹ ri, o sọn m ri.

Rẹvẹleshọnụ 3:5

Onyẹ hụn mẹrini k'e yi ẹkwa ọchan; onwọnni ogẹn m'e gi finchanpụ ẹfan a imẹ ẹkụkwọ ndụn-itẹbitẹ! M k'a nọ idẹnya Nẹdi m lẹ ndị mmọn-ozi ẹ kpọ ẹfan hụnyẹ, ku oku ẹ ọhụnma.

Rẹvẹleshọnụ 5:12

Wẹ hụ e gi okẹn olu a bụ, “Nwa-ebulu hụ wẹ gbu furu hụn w'a ja mma, nị ikẹn lẹ akwanran lẹ ẹfe lẹ amamihiẹn lẹ mgbaye lẹ ọghọ lẹ ọjịja-mma wụ nke ẹ!”

Rẹvẹleshọnụ 5:13

M nọ nụzị kẹ ihiẹn ile Osolobuẹ ke rị a bụ ẹbụ — kẹ ndị rị elu-igwee kẹ ndị rị elu-ụwa kẹ ndị rị okpuru ụwa kẹ ndị rị imẹ ohimin. Ihiẹn wẹ rị a bụ wụ: “Ọjịja-mma lẹ mgbaye lẹ ọghọ lẹ ọkịkị wụ nke Onyẹ hụ nọdị ukpo-eze lẹ Nwa-ebulu hụ — jẹnrin ejẹn!”

Rẹvẹleshọnụ 6:1

Ya m nọ hụn kẹ Nwa-ebulu hụ tọpụ eriri ohu imẹ eriri ẹsa hụ wẹ gi kẹnmẹ ẹhụhụọ hụ, m nọ nụ kẹ ohu imẹ ihiẹn ẹnọ hụ rị ndụn gi okẹn olu nọ kẹ akpabọ, sị, “Pụha!”