Rẹvẹleshọnụ 13:16 - Ika

¹⁶ Eje-anụnị nọzị mẹ wẹ ye ịhịan ile ahịma ẹka-nni mọbụ ezimezi ihun — kẹ onyẹ uku kẹ onyẹ-nta, kẹ ọdanfịn kẹ ogbẹnnyẹ, kẹ igbọn kẹ onyẹ nwọn enwẹn ẹ —

Rẹvẹleshọnụ 13:16 Iomraidhean Croise

Ihiẹn Mẹni Nke Ẹbụọ 15:13

nị onyẹ sị o fekọ Osolobuẹ wụ Chuku Izrẹlụ, e gbu w'ẹ, kẹ onyẹ-uku kẹ onyẹ-nta, kẹ okẹnnyẹ kẹ okpoho.

Jobu 34:19

Ẹlẹ ịya wụ onyẹ hụn ghalẹni e gbeyeni ndị-ọkịkị, onyẹ hụn ghalẹni emẹyeni ọdanfịn a hapụ ogbẹnnyẹ, makẹni ya mẹmẹ wẹ ile?

Ẹbụ-ọma 115:13

o k'a gọzi ndị ile a tụ egun Osolobuẹ: kẹ onyẹ uku kẹ onyẹ nta!

Ẹbụ-ọma 49:2

kẹ ndị uku kẹ ndị nta, kẹ ọdanfịn kẹ ogbẹnnyẹ!

Ọpụpụ 13:9

Ọdịnalịnị jẹnkọ d'a nọ kẹ ahịma rị ị ẹka lẹ ihiẹn-nnyanhan rị ị ezimezi ihun, kẹni Iwu Osolobuẹ rịsọnmẹ i ọnụ ogẹn ile, makẹni Osolobuẹ gi ikẹn hi-ogbe wepụha ụnụ imẹ alị Ijiptu.

Izikẹlụ 9:4

Ọ sị a, “Ghagbama ọgbara-ogbe ile rị obodoni wụ Jerusalẹm d'e buchesọnmẹ ahịma ezimezi ihun ndị ile rị a kwan a sụn udẹn makẹ arụ ile rị e mẹ imẹ ẹ.”

Zẹkaraya 13:6

Onyẹ sị wẹ, ‘Kị wẹ rụsọnmẹn'i nwan ẹhụ ndịnị?!’ A sị w'a, ‘Iwe ndị ọwụ m kẹ wẹ nọkwọ rụ m ẹhụ!’

Ọrụn Ndị-ozi 26:22

Kanị Osolobuẹ hụ e yeni m ẹka d'e rukwọ nwan tannị; ya kẹ m gi wuzo ebeni a shịa ẹri, a gwa kẹ onyẹ uku kẹ onyẹ-nta okuni. Arị m e ku ihiẹn ọzọ karị ihiẹn ndị-amụma lẹ Mozizi ku n'o jẹnkọ d'e mẹ:

Ndị Kọrẹntị Ibuzọ 12:13

Makẹni, Osolobuẹ gha ẹka Mmọn ohu bu ẹnyi ile che ẹhụ ohu, kẹ ndị Ju kẹ ndị ọzọ, kẹ igbọn kẹ ndị nwọn enwẹn wẹ, mẹ ẹnyi ile rarị Mmọn ohu ahụn.

Ndị Galeshịa 3:28

Ya wụ nị onwọnzini ihiẹn rị ichẹn ẹgbata ndị Ju lẹ ndị wụlẹni ndị Ju; ẹgbata igbọn lẹ onyẹ nwọn enwẹn ẹ; ẹgbata ikẹnnyẹ lẹ ikpoho: ẹnyi ile wụ ohu imẹ Kraịstị wụ Jizọsị.

Ndị Galeshịa 6:17

Gha ogẹnni e jẹn, ịhịan ya eyezilẹ m nsọngbu, makẹni apa (aparị) wẹ gi a marịn onyẹ wụ nke Jesu hụsọnmẹ m ẹhụ.

Ndị Ẹfẹsọsụ 6:8

Makẹni ụnụ a marịnghọ nị Di-nwọnni-ẹnyi jẹnkọ d'a kụ onyẹ-onyẹ ụgwọ ihiẹn-ọma o mẹ — kẹ igbọn kẹ onyẹ nwọn enwẹn ẹ.

Ditrọnọmi 11:18

Bu ni oku ndịnị m rị a gwa ụnụ che obi, e ro wẹ; kẹn ni wẹ ye ẹka n'ọ wụrụ ihiẹn a gba ama, ụnụ e kẹn wẹ ye ezimezi ihun.

Ditrọnọmi 6:8

Kẹn ni wẹ ye ẹka lẹ ezimezi ihun nị wẹ wụrụ ihiẹn a nyanhannị ụnụ.

Ndị Kolosị 3:11

Imẹ ndụn ọhụnnị, onwọnzini ihiẹn nọ kẹ ndị Ju lẹ ndị wụlẹni ndị Ju mọbụ ndị kwa ugun lẹ ndị kwalẹni mọbụ ndị rị imẹ ọfịa lẹ ndị walẹni ẹnya mọbụ igbọn lẹ onyẹ nwọn enwẹn ẹ. Kraịstị sụọ wụ ihiẹn ile; Kraịstị rị imẹ wẹ ile.

Timoti Nke Ẹbụọ 3:8

Kẹ Janesi lẹ Jambresi dọn papụ oku Mozizi, ẹrịra kẹ ndịnị uche wẹ rụgụ, hụn o mẹni a jụgụọlẹ wẹ wẹ ebe ofufe Kraịstị rị, dọn a papụ ezioku.

Rẹvẹleshọnụ 11:18

Alị ile e te kpọghọ ọnụma; kanị y'e gigụọ iwe-lẹ-ọnụma ị mẹ wẹ ihiẹn. Ogẹn y'e gi kin ndị nwụnhụnnị ikpe e rugụọ. Ogẹn y'e gi kụ idibo i ụgwọ e rugụọ nwan — idibo i ndị-amụma — lẹ ndị-nsọ lẹ ndị a tụ egun i — kẹ ndị uku kẹ ndị nta. Ogẹn y'e gi tikpọ ndị rị e tikpọ ụwa e rugụọzị!”

Rẹvẹleshọnụ 15:2

M nọ hụn ihiẹn nọ kẹ ohimin ughegbe wẹ gwọgbama ya lẹ ọkụn, hụnzị ndị hụ mẹri eje-anụ hụ lẹ enwẹn ẹ lẹ hụn wẹ leri ẹ kpụ lẹ ahịma a. Wẹ turu mkpẹnrẹn ohimin ughegbe hụ. Wẹ gisọnmẹ ụbọ Osolobuẹ.

Rẹvẹleshọnụ 19:18

D'e ri ni anụ ndị-nze lẹ ndị ọkị-agha uku lẹ ndị odogun-agha; anụ ẹshin lẹ ndị e nyinni wẹ; anụ ịhịan ile — kẹ ndị nwọn enwẹn wẹ kẹ igbọn, kẹ ndị uku kẹ ndị nta!”

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 19:5

Olu nọ gha ukpo hụ sị, “Ja nị Chuku ẹnyi mma, ụnụ idibo ẹ ile lẹ ndị ile a tụ egun ẹ, kẹ onyẹ-uku kẹ onyẹ-nta!”

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.

Rẹvẹleshọnụ 6:15

Ya ndị-nze ụwa lẹ ndị uku lẹ ndị ndu-agha uku lẹ ndị ịdanfịn lẹ ndị ile wẹ gi oku wẹ e dọn lẹ ndị ọzọ ile — kẹ igbọn kẹ ndị nwọn enwẹn wẹ — wẹ ile nọ shi imẹ okporo lẹ ọmụma ndị rịsọnmẹ elu ugu d'a warị,

Rẹvẹleshọnụ 7:3

sị wẹ, “E ke wiwilẹ ni ụwa mọbụ ohimin mọbụ osisi ọwụlẹ; cheri ni nị ẹnyi yegụ idibo Osolobuẹ ẹnyi ahịma ezimezi ihun.”