Rẹvẹleshọnụ 13:1 - Ika

¹ M nọ hụn eje-anụ ohu k'ọ gha imẹ ohimin pụla. Mpịn iri lẹ isi ẹsa k'o nwọn. Okpu-eze ohu-ohu rịsọnmẹ elu mpịn ndị hụ. Ẹfan rị ichẹn-ichẹn e kuja oku Osolobuẹ rịsọnmẹ elu isi ẹsa hụ.

Rẹvẹleshọnụ 13:1 Iomraidhean Croise

Jerimaya 5:22

Osolobuẹ sị: Ụnụ atụkọ egun m? Egun m ara tu ụnụ? Mmẹ gi ẹjan gbọndọn ohimin, mgbọn itẹbitẹ o jẹnkọlẹni d'a saẹka fetu, ẹbi-mirin nwọn ikẹn kpọ-ntan kpọ-imọn, ọ sakọ ẹka ghafe ẹ; ya zụndẹ ụzụn ile o k'a zụn, ọ sakọ ẹka hughafe ẹ.

Daniẹlụ 11:36

“Eze alị rị ẹbamịn-ugu k'e mẹ k'ọ sụọn'a. O k'a sị ya ka mmọn ile lẹ ihiẹn ile w'e fe, kujama oku Chuku hụn ka mmọn ile. Ihiẹn k'a rị a ghan'a d'e ru mgbe Osolobuẹ e gi ghọsịgụ ọnụma a hụn ọ rị e gi ẹ a ghọsị, makẹni ihiẹn Osolobuẹ kutọgụ sikọ d'e mẹrịrị.

Daniẹlụ 2:41

K'i dọn hụn ụkụ-alị a lẹ mkpịnsịn-ụkụ a, nị wẹ wụ ụrụa lẹ igwe, ẹrịra kẹ alị-eze hụ sikọ d'e kebe, kanị ikẹn igwe jẹnkọ d'a rịzịkwọ a — nọkẹ k'i dọn hụn igwe wẹ gwọgbama ya lẹ ụrụa.

Rẹvẹleshọnụ 11:7

Wẹ shịagụ ẹri wẹ, eje-anụ hụ hụn k'a gha mgbugbu hụ migbu enwẹn ẹ pụha k'a lụsọn wẹ agha, mẹri wẹ, gbu wẹ.

Rẹvẹleshọnụ 12:3

Ihiẹn ọzọ pụ ichẹn nọzị pụha imẹ elu-igwee: eje-anụ hi-ogbe wụ dragọnụ; o nwun ufie-ufie. Isi ẹsa lẹ mpịn iri k'o nwọn. Okpu-eze ohu-ohu rịsọnmẹ ẹ isi ẹsa hụ.

Rẹvẹleshọnụ 13:11

Ya m nọ hụn eje-anụ ọzọ k'ọ gha imẹ alị pụla. Mpịn ẹbụọ k'o nwọn rịkẹ nwa-ebulu kanị o ku kẹ eje-anụ uku wụ Dragọnụ.

Rẹvẹleshọnụ 13:14

O gi ọrụn-atụmẹnya ndịnị wẹ ye ẹ ikẹn rụndọnni eje-anụ ibuzọ hụ dufie ndị bi elu-ụwa, sị wẹ kpụ eje-anụ ibuzọ ahụn wẹ gi ọpịa-agha begbu, hụn rịzị nwan ndụn.

Rẹvẹleshọnụ 13:15

A nịzịghọ w'a saẹka mẹ ihiẹn o mẹ eje-anụ ibuzọ ahụn wẹ kpụ nọ rị ndụn, kwọnmẹ, kumẹdẹ oku, mẹdẹ wẹ gbu ndị ile jụ nị efekọ w'a.

Rẹvẹleshọnụ 15:2

M nọ hụn ihiẹn nọ kẹ ohimin ughegbe wẹ gwọgbama ya lẹ ọkụn, hụnzị ndị hụ mẹri eje-anụ hụ lẹ enwẹn ẹ lẹ hụn wẹ leri ẹ kpụ lẹ ahịma a. Wẹ turu mkpẹnrẹn ohimin ughegbe hụ. Wẹ gisọnmẹ ụbọ Osolobuẹ.

Rẹvẹleshọnụ 16:13

M nọ hụn eje-mmọn ẹtọ rịsọnmẹ kẹ ẹwọ kẹ wẹ ghasọnmẹ ọnụ Dragọnụ lẹ ọnụ eje-anụ hụ lẹ ọnụ onyẹ amụma-ntụ hụ pụla.

Rẹvẹleshọnụ 17:16

“Nke mpịn iri hụ ị hụn, ize ịgbaraja hụ k'a ban wẹ lẹ eje-anụ ufie hụ; wẹ k'a napụchanrịn a ihiẹn ile, gbarị a ọtọ, ripụ uru-ẹhụ a, kpọ a ọkụn,

Rẹvẹleshọnụ 17:3

Ya mmọn-ozi hụ nọ buru m imẹ mmọn shi imẹ atụ, m nọ hụn okpoho nọdị alị elu eje-anụ ohu e nwun ufie-ufie. Wẹ de ẹfan ichẹn-ichẹn wẹ gi e kuja oku Osolobuẹ jun eje-anụ ufie ahụn ẹhụ. Isi ẹsa lẹ mpịn iri kẹ eje-anụ ufie ahụn nwọn.

Rẹvẹleshọnụ 17:5

O nwọn ẹfan wẹ deye ẹ ezimezi ihun w'a kọwa akọwa — ẹfan ahụn wụ “Babilọnụ Uku, Nnẹ Ndị-ịgbaraja Lẹ Ihiẹn Ile Rụnị Rị Imẹ Ụwa.”

Rẹvẹleshọnụ 19:19

Ya kẹ m nọ hụn eje-anụ hụ lẹ ndị-nze ụwa lẹ ndị-agha wẹ ebe wẹ gbakikomẹ nị wẹ d'a lụsọn Onyẹ ahụn rị e nyin ẹshin hụ lẹ ndị-agha a ọgụn.