Rẹvẹleshọnụ 12:14 - Ika

¹⁴ Kanị, e ye wẹ okpoho hụ nku ẹbụọ, nku ugọn uku, kẹni ọ gha ebe agwọ hụ rị fepụ, shi imẹ atụ, ebe wẹ jẹnkọ d'a nọ e ye ẹ ihiẹn-oriri ahụa ẹtọ lẹ ifọn isin.

Rẹvẹleshọnụ 12:14 Iomraidhean Croise

Ẹbụ-ọma 55:6

M sị enwẹn m, “Omẹni m te nwọn nku kẹ nduru, nkẹ e fepụ m d'e zu ikẹn.

Ọpụpụ 19:4

‘Ụnụ lẹ enwẹn ụnụ a hụngụọ ihiẹn m mẹ Ijiptu lẹ kẹ m dọn bu ụnụ kẹ ugọn dọn e bu nwa a, buhẹ ụnụ ebe m rị.

Azaya 40:31

kanị nke ndị gi Osolobuẹ e dọn ẹnya, ndụn k'a banzị wẹ. Wẹ k'e fe imẹ-elu kẹ ugọn; wẹ k'a gba ọsọ, ndụn agụkọ wẹ; wẹ k'e jẹn ijẹn, asọhịkọ wẹ.

Daniẹlụ 12:7

Ya okẹnnyẹ ahụn yi ẹkwa linẹni hụn rị elu mirin-iyi ahụn nọ kịshi ẹka-nni lẹ ẹka-ekpẹn elu zinmẹ elu-igwee, m nọ nụ k'o kun Onyẹ Ahụn Rị Ndụn Jẹnrin-ejẹn, sị, “O k'a rị ahụa ohu cheni ahụa ẹbụọ lẹ mkpikpi. Hụn wẹ gihụ mẹrigụ ndị-nsọ, ihiẹn ndịnị ile k'e mẹzuchanrịn.”

Daniẹlụ 7:25

O k'e kuja oku Onyẹ hụ Kachanrịnnị, a bịangbu ndị-nsọ a, mẹmẹ n'o gbehutọ ogẹn mmẹmmẹ ichẹn-ichẹn lẹ iwu. Wẹ k'e we ndị-nsọ che ẹ ẹka n'o mẹshi wẹ ikẹn ahụa ẹtọ lẹ mkpikpi.

Daniẹlụ 8:14

Ọ nọ sị m, “O k'a nọ ẹnyasị lẹ ụtụntụn ọgụn-mmisẹn kwasị nnụ-isẹn (2,300); ogẹn ahụn kẹ w'e gi dọnzi Ụlọ-nsọ hụ rụnị.”

Rẹvẹleshọnụ 12:6

Ya okpoho hụ nọ gbashi imẹ atụ d'a nọdị ebẹhụ Osolobuẹ kwademẹn'ẹ, ebe wẹ k'a nọ e ye ẹ ihiẹn-oriri akpọhịn ọgụn-ẹtọ kwasị nnụ-ẹtọ, (1,260).

Rẹvẹleshọnụ 17:3

Ya mmọn-ozi hụ nọ buru m imẹ mmọn shi imẹ atụ, m nọ hụn okpoho nọdị alị elu eje-anụ ohu e nwun ufie-ufie. Wẹ de ẹfan ichẹn-ichẹn wẹ gi e kuja oku Osolobuẹ jun eje-anụ ufie ahụn ẹhụ. Isi ẹsa lẹ mpịn iri kẹ eje-anụ ufie ahụn nwọn.