Rẹvẹleshọnụ 12:12 - Ika

¹² Elu-igwee ya ghọghọma nwan; ịya lẹ ndị bi imẹ ẹ! Kanị o k'a jọnị ụwa lẹ ohimin njọ, makẹni Ekwensụ e hidangụọ d'e kunrun ụnụ. O gi okẹn olulu bịa — makẹni o marịngụọ nị ogẹn ẹ họdụ ẹkẹrẹ!”

Rẹvẹleshọnụ 12:12 Iomraidhean Croise

Azaya 44:23

Igwere, bụma ẹbụ ịghọghọ, makẹni Osolobuẹ e mẹgụọ ihiẹnni! Alị, yi oro! Ugu ichẹn-ichẹn, bụye ni ẹbụ — kẹ ọfịa lẹ osisi ile rịn'a! Makẹni Osolobuẹ a gbapụhagụọ ebọn Jekọpụ, o giọlẹ ụmụ Izrẹlụ ghọsị ọghọ a.

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Luku 15:10

M rị a gwa ụnụ, ẹrịra kẹ ịghọghọ dọn a rị imẹ igunrun ndị mmọn-ozi Osolobuẹ makẹni onyẹ-njọ rogharị erogharị.”

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Hibru 10:37

Nọkẹ kẹ Ẹkụkwọ-nsọ dọn ku, “Ọ họdụ ẹkẹrẹ, onyẹ hụn lalanị a bịa — o biekọ.

Pita Nke Ẹbụọ 3:8

Ka azọkwọlẹ ni ihiẹn ohuni, ezigbo umunẹ m: nị akpọhịn ohu nọkẹ ahụa nnụ-uku ẹnya Di-nwọnni-ẹnyi, ahụa nnụ-uku nọzị a kẹ akpọhịn ohu.

Rẹvẹleshọnụ 10:6

kun ẹfan Onyẹ hụ rị ndụn jẹnrin ejẹn hụn ke elu-igwee lẹ ihiẹn ile rịn'a, ụwa lẹ ihiẹn ile rịn'a lẹ ohimin lẹ ihiẹn ile rịn'a, sị, “Ebiekọzị wẹ, kaka;

Rẹvẹleshọnụ 11:10

Ndị bi ụwa k'a rị a ghọghọ, e mẹ mmẹmmẹ, e yetarị ihiẹn, nị madụ ẹbụbụọ hụ a nwụnhụn, makẹni ndị oku-Chuku ẹbụọnị te bu afụnfụn tọnị ndị ile rị elu-ụwa.

Rẹvẹleshọnụ 11:14

Nsọngbu nke ẹbụọ a ghafegụọ; lee ẹ, nke ẹtọ lala ozigbo-ozigbo.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 13:6

Ọ shịapụ ọnụ kujasọnmẹ oku Osolobuẹ lẹ ẹfan a lẹ elu-igwee ebe o bi lẹ ndị rị elu-igwee.

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 8:13

M nọ lee ẹnya elu, hụn ugọn ohu k'o fekọ imẹ elu, yikọ, “Nsọngbu! Nsọngbu! Okẹn nsọngbu jẹnkọ d'a rịnị ndị ile bi elu-ụwa ogẹn ndị mmọn-ozi ẹtọ họdụnị e gi gbu opi ndị họdụnị!”

Rẹvẹleshọnụ 9:12

Nsọngbu nke ibuzọ a ghafegụọ; lee ẹ, ẹbụọ lalazị.