Rẹvẹleshọnụ 11:3 - Ika

³ “M k'e ye ndị ọshẹri m ẹbụọ ikẹn ku oku-Chuku, ọrọgbọ akpọhịn ọgụn-ẹtọ kwasị nnụ-ẹtọ, (1,260), wẹ k'e yisọnmẹ achọ (ahịọ) wẹ gi a kwan ịhịan.”

Rẹvẹleshọnụ 11:3 Iomraidhean Croise

Jẹnẹsisi 37:34

Ya kẹ Jekọpụ nọ dọwa ẹkwa ye enwẹn ẹ olu, yiri ẹkwa achọ, gi akp'ọhịn ole-lẹ-ole kwan Josẹfụ.

Samuẹlụ Nke Ẹbụọ 3:31

Ya Defidi nọ sị Jụabụ lẹ ndị ile ya lẹ wẹ wị, “Dọka nị ẹkwa ọnụ! Yiri ni ẹkwa ndị ihiẹn mẹ; kwan nị Abna!” Defidi nke ẹ nọ sọn ozun Abna azụụn kẹ wẹ bukọ a d'e li.

Ndị-nze Nke Ibuzọ 21:27

Ogẹn Ehabụ gi nụgụ ihiẹn ndịnị Ẹlaịja ku, ọ nọ tika ẹwuru ẹ, yiri ẹkpa-mkpụrụ hụn wụ ẹkwa-achọ, nọkẹ onyẹ njọ a rị e wutẹ; o bu ọnụ. O yi ẹkpa ahụn ranhịn; o mẹshịazịnị ẹhụ.

Ndị-nze Nke Ẹbụọ 19:1

Ogẹn eze wụ Hezikaya gi nụ ihiẹn ọnụ-eze Asiria ku, ọ nọ dọka ẹkwa ye enwẹn ẹ olu, yiri ẹkwa-achọ ndị rị a kwan ịhịan, shi imẹ Ụlọ-nsọ Osolobuẹ.

Ihiẹn Mẹni Nke Ibuzọ 21:16

Defidi e lee ẹnya elu, ọ nọ hụn mmọn-ozi Osolobuẹ hụ k'o wuzo ẹgbata igwere lẹ alị; ọpịa-agha o sepụha bu zinmẹ Jerusalẹm hụkwọ a ẹka. Ya Defidi lẹ ndị-ichẹn nọ dan alị bu ihun kpumẹ alị, wẹ ile yi ẹkwa-achọ (ahịọ) wẹ gi a kwan ụya.

Nehemiah 9:1

Nke akpọhịn ẹnọ kwasị ọgụn imẹ ifọn hụ, ndị Izrẹlụ nọ zu. Wẹ rị e bu ọnụ, wẹ yisọnmẹ ẹkwa ahịọ ndị eje-ihiẹn mẹ, kpọn uzunzun yesọnmẹ isi.

Jobu 16:15

Ẹkwa-achọ wẹ gi a kwan ụya a nyanrịngụọ m ẹhụ; ọghọ m rị nwan alị.

Ẹbụ-ọma 69:11

e yiri m ẹkwa-achọ, a mụma wẹ m ẹmụ.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Jerimaya 1:10

Lee ẹ, e tumẹgụọ m'ị tannị, bu alị lẹ alị-eze ichẹn-ichẹn che i ẹka, kẹn'i huepụ lẹ n'i kụtu; kẹn'i tikpọ lẹ n'i nutu; kẹn'i tụn lẹ n'i kụn.”

Ẹkwan 2:10

Ndị-ichẹn rị imẹ Nwagbọọ wụ obodo Zayọnụ gwọrị nwan alị, gbachanrịn nkịtịn; a bụọgụọ wẹ uzunzun ye isi, yirisọnmẹ ẹkwa-achọ nke ndị ihiẹn mẹ. Ịgbagba Jerusalẹm rị nwan e bu ihun a kọma alị.

Izikẹlụ 4:6

“I mẹgụ ọhụn, y'e dinẹ nkọ ẹka-nni i gi tazịkwọ afụnfụn njọ ndị ikpụlọ Juda. Akpọhịn ọgụnnaị kẹ m tumẹ y'e gi mẹ ẹ: akpọhịn ohu sikọ d'a nọkin ẹnya ahụa ohu.

Daniẹlụ 12:7

Ya okẹnnyẹ ahụn yi ẹkwa linẹni hụn rị elu mirin-iyi ahụn nọ kịshi ẹka-nni lẹ ẹka-ekpẹn elu zinmẹ elu-igwee, m nọ nụ k'o kun Onyẹ Ahụn Rị Ndụn Jẹnrin-ejẹn, sị, “O k'a rị ahụa ohu cheni ahụa ẹbụọ lẹ mkpikpi. Hụn wẹ gihụ mẹrigụ ndị-nsọ, ihiẹn ndịnị ile k'e mẹzuchanrịn.”

Daniẹlụ 7:25

O k'e kuja oku Onyẹ hụ Kachanrịnnị, a bịangbu ndị-nsọ a, mẹmẹ n'o gbehutọ ogẹn mmẹmmẹ ichẹn-ichẹn lẹ iwu. Wẹ k'e we ndị-nsọ che ẹ ẹka n'o mẹshi wẹ ikẹn ahụa ẹtọ lẹ mkpikpi.

Daniẹlụ 8:14

Ọ nọ sị m, “O k'a nọ ẹnyasị lẹ ụtụntụn ọgụn-mmisẹn kwasị nnụ-isẹn (2,300); ogẹn ahụn kẹ w'e gi dọnzi Ụlọ-nsọ hụ rụnị.”

Juwẹlụ 1:13

Ndị nchụn-ẹjan, yiri ni ẹkwa-achọ kwanma: ụnụ ile ndị ọrụn ukpo nchụn-ẹjan Osolobuẹ! D'e yiri ni ẹkwa-achọ chu ụran; ụnụ ndị a rụnnị Chuku m ọrụn! N'o nwọnzini ọka lẹ manya rịnị wẹ e gi chụn ẹjan imẹ Ụlọ-nsọ Chuku ụnụ.

Jona 3:5

Ya ndị Ninivẹ nọ kweri ozi Osolobuẹ. Wẹ nọ kpọye ibu-ọnụ. Kẹ ndị-uku kẹ ndị-nta, ịhịan ile nọ yiri ẹkwa achọ wẹ gi a kwan ụya.

Jona 3:8

Ịhịan ile lẹ anụmanụ ile wẹ yiri ẹkpa tikanị, wẹ weshi olu elu kpọku Osolobuẹ ọhụnma-ọhụnma! Onyẹ ọwụlẹ ya bihutọ ẹka, ya latọ eje-obibi lẹ ẹka-ikẹn ẹ!!

Ọgụngụn 11:26

Kanị o nwọn ikẹnnyẹ ẹbụọ ẹfan wẹ wụ Ẹdadị lẹ Mẹdadị hụn ghalẹni ebe wẹ ziẹntọ pụha d'e kunrun Mozizi. Wẹ rị ndị wẹ gụnye ndị-isi, kanị ejẹnni wẹ Ọdụ-nsọ ahụn. Kanị Mmọn hụ nọ banyezi wẹ nwẹn, wẹ nọ nọ ebe wẹ rị bumẹ amụma ozigbo-ozigbo.

Matiu 11:21

Ọ sị, “Ndị Korazini, o sikọ d'a fụ ụnụ ọrụn! Ndị Bẹtisaịda, o sikọ d'a fụ ụnụ ọrụn! Makẹni, omẹni alị Taya-lẹ-Sidọnụ mẹgbu enwẹn wẹ njọ kẹ wẹ te nọ rụn ọrụn-atụmẹnya ile wẹ rụn imẹ ụnụ, nkẹ o tekẹ ndị Taya-lẹ-Sidọnụ rogharị, yiri ẹkwa achọ, kpọn ntụn kpu enwẹn wẹ gi ghọsị nị e rogharịgụọ wẹ.

Matiu 18:16

Kanị, omẹni o gọnni i ntịn, y'e weri onyẹ ohu mọbụ mmadụ ẹbụọ jẹnzi d'a hụn a kẹni wẹ gi oku-ọnụ madụ ẹbụọ mọbụ ẹtọ gi oku dọn.

Luku 10:13

“Okẹn nsọngbu jẹnkọ d'a rịnị ndị obodo Korazini! Okẹn nsọngbu jẹnkọ d'a rịzịkwọnị ndị obodo Bẹtisaịda! Makẹni, omẹni imẹ alị Taya-lẹ-Sidọnụ kẹ wẹ nọ rụn ọrụn-atụmẹnya ndị wẹ rụn imẹ ụnụ, nkẹ o tekẹ ndị Taya-lẹ-Sidọnụ rogharịgụ, yiri ẹkwa-achọ, bụọ ntụn kpu enwẹn wẹ, nọdị akpakalị gi ghọsị n'e rogharịgụọ wẹ!

Luku 24:48

Ụnụ nwọn shịa ẹri ihiẹn ndịnị ile.

Jọnụ 15:27

Ụnụ lẹ enwẹn ụnụ sikọ d'a shịazịkwọnị m ẹri, makẹni mmẹ lẹ ụnụ rị gha isi mbidọn lala.

Jọnụ 3:27

Jọnụ nọ shịarị wẹ, sị, “Onwọnni ihiẹn e ru ịhịan ẹka mmanị wẹ gha elu-igwee y'ẹ ya.

Ọrụn Ndị-ozi 1:8

Kama, ụnụ jẹnkọ d'e nwọnhẹn ikẹn ogẹn Mmọn-nsọ e gi hidankwasịgụ ụnụ, ụnụ a wụrụ ndị ọshẹri m imẹ Jerusalẹm lẹ imẹ Judia ile lẹ imẹ Sameria d'e ru ebe ụwa ru.”

Ọrụn Ndị-ozi 13:31

Ọ nọ pụhasọnmẹ ọrọgbọ akpọhịn ole-lẹ-ole, e we enwẹn ẹ a ghọsị ndị gha Galili sọnhẹn ẹ Jerusalẹm. Uwẹ rị nwan a shịa ẹri, a gwa ịhịan ile oku ẹ.

Ọrụn Ndị-ozi 2:32

Osolobuẹ a ghagụọ nwan ọnwụn weli Jesuni, ẹnyi ile rị ihun ụnụ kikẹnni gi ẹnya ẹnyi hụn a.

Ọrụn Ndị-ozi 3:15

Ụnụ nọ gbu onyẹ hụn e ye ndụn, kanị Osolobuẹ nọ gha ọnwụn weli ẹ. Ihiẹnni mẹye ẹnyi ile ẹnya.

Ndị Kọrẹntị Ibuzọ 12:28

Imẹ ndị ụka, Osolobuẹ e tumẹgụọ ndị rị ichẹn-ichẹn: nke ibuzọ wụ ndị-ozi pụ-ichẹn; nke ẹbụọ wụ ndị-amụma lẹ ndị e zi ozi Osolobuẹ; nke ẹtọ wụ ndị-nkuzi; ndị ọzọ wụ ndị a rụn ọrụn-atụmẹnya, ndị a zụọ emu, ndị e yeni ndị ọzọ ẹka, ndị nwọn oyiye ịkị-ọkịkị lẹ ndị a sụ asụsụ rị ichẹn-ichẹn.

Ndị Kọrẹntị Nke Ẹbụọ 13:1

Ọnwan k'e mẹ mgbe ẹtọ m lala d'a hụn ụnụ: “Madụ ẹbụọ mọbụ ẹtọ sikọ d'a shịarịrị ẹri wẹ kebe gi oku ọwụlẹ dọn.”

Ndị Ẹfẹsọsụ 4:11

Ịya yesọnmẹ ụka a ndị-ozi pụ-ichẹn, ndị-amụma e zi ozi Osolobuẹ, ndị e jẹnhunmẹ e zi oziọma, ndị ụkọ-Chuku lẹ ndị-nkuzi.

Ditrọnọmi 17:6

Ẹri mmadụ ẹbụọ mọbụ ẹtọ shịa kẹ wẹ gi e gbu ịhịan; egikọ wẹ ẹri onyẹ ohu sụọ gbu ịhịan.

Ditrọnọmi 19:15

Omẹni ịhịan mẹ njọ mọbụ eje-ihiẹn, egikọ wẹ ẹri onyẹ ohu sụọ shịa ma a ikpe. Madụ ẹbụọ mọbụ ẹtọ sikọ d'a shịagụrịrị ẹri wẹ kebe gi oku hụ dọn.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 11:2

Ka amalẹ ihun-ezi Ụlọ-NSỌ, hapụ ọhụn makẹni o bugụọ a che ẹka ndị alị ọzọ. Wẹ k'a zọ obodo nsọ hụ ụkụ ọrọgbọ ifọn ẹbụọ kwasị ọgụnnaị.

Rẹvẹleshọnụ 11:6

Wẹ nwọn ikẹn wẹ gi a kpọkin igwere mẹ mirin ezuelẹ ọrọgbọ hụ ile wẹ rị e ku oku-Chuku. Wẹ nwọnzi ikẹn wẹ gi e mẹ mirin rị elu ụwa e họnrin ẹdeke; wẹ nwọnzikwọ ikẹn wẹ e gi mẹ ụwa ihiẹn ọwụlẹ wẹ chọ ogẹn wẹ gi chọ a.

Rẹvẹleshọnụ 12:6

Ya okpoho hụ nọ gbashi imẹ atụ d'a nọdị ebẹhụ Osolobuẹ kwademẹn'ẹ, ebe wẹ k'a nọ e ye ẹ ihiẹn-oriri akpọhịn ọgụn-ẹtọ kwasị nnụ-ẹtọ, (1,260).

Rẹvẹleshọnụ 13:5

Wẹ ye eje-anụ hụ ọnụ o gi e ku okẹn ihiẹn, e ku arụ, ye ẹ ikẹn ọrọgbọ ifọn ẹbụọ kwasị ọgụnnaị.

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.