Rẹvẹleshọnụ 1:9 - Ika

⁹ Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.

Rẹvẹleshọnụ 1:9 Iomraidhean Croise

Matiu 20:23

Ọ nọ sị wẹ, “Ezioku-ezioku, ụnụ jẹnkọ d'a ra ihiẹn rị imẹ mkpu m, kanị ẹlẹ mmẹ nwọn ku onyẹ k'a nọdị m ẹka-nni lẹ ẹka-ekpẹn; kama, ndị hụn Nẹdi m kwademẹn'ẹ wụ ndị k'a nọdị n'a.”

Makị 10:39

Wẹ nọ sị a, “Ẹnyi jẹnkọ d'a s'ẹka.” Jesu nọ sị wẹ, “Ezioku-ezioku, ụnụ jẹnkọ d'a ra mkpu afụnfụn m sikọ d'a ra, ri ụya m jẹnkọ d'e ri;

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Ọrụn Ndị-ozi 1:15

Ogẹnni kẹ Pita gi lihi ọtọ imẹ igunrun ndị kwerini, gwama wẹ oku. Wẹ rị ihiẹn nọ kẹ mmadụ ọgụn-isin gbakikomẹ ebẹhụ. Ọ sị wẹ,

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ndị Rom 8:17

O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Ndị Rom 8:25

Kanị, omẹni ẹnyi e ke hụn ihiẹn ẹnyi rị e lee ẹnya a, ẹnyi e din ndidin cheri ẹ.

Ndị Kọrẹntị Nke Ẹbụọ 1:7

Ẹnyi egibehikwọn'a nwan dọn nị ụnụ k'e mẹ ọhụnma imẹ ihiẹn Osolobuẹ. Makẹni, ẹnyi a marịnghọ nị kẹ ụnụ dọn e sọn ẹnyi a ta afụnfụn, ẹrịra kẹ ụnụ dọnzi e sọn ẹnyi e nwọnhẹn nkasị-obi.

Ndị Filipi 1:7

O furughọ nị oku ụnụ ile a rị m ẹnịna, makẹni ụnụ rị m obi ogẹn ile! Ẹghẹẹ, makẹni mmẹ lẹ ụnụ hụ e gi ihiẹn Osolobuẹ gi a gọzi ẹnyi e yetarị ẹka: kẹ ebe m rị imẹ ngan kẹ ebe m rị a kwadọn oziọma, e mẹ ihiẹn o gi e werichanrịn ọnọdị.

Ndị Filipi 4:14

K'osilẹrị, ụnụ e mẹkẹ ụnụ gi yeni m ẹka imẹ nsọngbu m.

Ndị Tẹsalonika Nke Ẹbụọ 3:5

Di-nwọnni-ẹnyi ya dodo du obi ụnụ ile ye ihiẹn-ọsụsụọ Osolobuẹ lẹ okẹn-ndidin Kraịstị.

Timoti Nke Ẹbụọ 1:8

Emẹkwọlẹ nwan ifẹnrẹn iku-oku Onyẹ-nwọnni-ẹnyi mọbụ ifẹnrẹn mmẹ nwẹn hụn rị nwan imẹ ngan makẹ ufiri ẹ. Kama, gi ikẹn Osolobuẹ sọn ẹnyi tanị oziọma afụnfụn.

Hibru 10:36

Ndidin kẹ ụnụ chọ, kẹni, ụnụ mẹgụ uche Osolobuẹ, ụnụ e gi ẹ nwọnhẹn ihiẹn o kwe nkwa a.

Pita Ibuzọ 5:1

M rị nwan a rịọ ndị-isi rị imẹ ụnụ, nọkẹ onyẹ-isi ibe ụnụ lẹ onyẹ gi ẹnya a hụn afụnfụn Kraịstị ta lẹ onyẹ rị ndị k'e nwọnhẹn ọghọ ahụn lalanị: dodo ni,

Rẹvẹleshọnụ 1:1

Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.

Rẹvẹleshọnụ 1:2

Jọnụ nkẹ e kugụọ nwan ihiẹn Osolobuẹ ku; o zigụọ ozi Jizọsị Kraịstị; o kugụọ ihiẹn ile ọ hụn.

Rẹvẹleshọnụ 1:4

Jọnụ rị e dejẹnni ụka ẹsa rị Ẹgbẹrẹ Eshịa ẹkụkwọnị. Ẹfọma lẹ udọn ya rịnị ụnụ, ẹfọma lẹ udọn onyẹ ahụn rị kikẹnni, Onyẹ ahụn rị mbụ, Onyẹ ahụn lalanị lẹ Mmọn ẹsa rị ihun ukpo ẹ

Rẹvẹleshọnụ 1:6

ọ nọ nwan mẹ ẹnyi wụrụ alị-eze, mẹ ẹnyi wụrụ ndị nchụn-ẹjan Osolobuẹ ẹ hụn wụ Nẹdi ẹ. Ọghọ lẹ ọkịkị ya wụrụ nke ẹ jẹnrin ejẹn! Isẹẹ.

Rẹvẹleshọnụ 11:7

Wẹ shịagụ ẹri wẹ, eje-anụ hụ hụn k'a gha mgbugbu hụ migbu enwẹn ẹ pụha k'a lụsọn wẹ agha, mẹri wẹ, gbu wẹ.

Rẹvẹleshọnụ 12:11

“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.

Rẹvẹleshọnụ 12:17

Iwe okpoho hụ nọ we Dragọnụ hụ, ọ pụ d'a lụsọn ụmụ okpoho hụ agha — ụmụ a ndị ọzọ, ndị hụn e mẹ ihiẹn Chuku ku, e kwọnkẹnmẹ oku Jesu;

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.

Rẹvẹleshọnụ 14:12

Ọnwan chọ ndidin ẹka ndị nsọ, ndị e mẹ ihiẹn Osolobuẹ ku, kwerini Jizọsị jẹnrin ejẹn.

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.

Rẹvẹleshọnụ 3:10

Makẹni y'e dingbuọlẹ ihiẹn ile kẹ m dọn gwa ị, anịkọ m afụnfụn lalanị wẹ jẹnkọ d'e gi lele ndị ile rị elu ụwa ru i ẹhụ.

Rẹvẹleshọnụ 6:9

Ogẹn Nwa-ebulu hụ gi tọpụ eriri nke isẹn, e lee m ẹnya okpuru ukpo nchụn-ẹjan, m nọ hụn umẹ-ndụn ndị wẹ gi ufiri oku Osolobuẹ lẹ ozi Jizọsị gbu.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.