Rẹvẹleshọnụ 1:4 - Ika

⁴ Jọnụ rị e dejẹnni ụka ẹsa rị Ẹgbẹrẹ Eshịa ẹkụkwọnị. Ẹfọma lẹ udọn ya rịnị ụnụ, ẹfọma lẹ udọn onyẹ ahụn rị kikẹnni, Onyẹ ahụn rị mbụ, Onyẹ ahụn lalanị lẹ Mmọn ẹsa rị ihun ukpo ẹ

Rẹvẹleshọnụ 1:4 Iomraidhean Croise

Ẹbụ-ọma 90:2

N'i d'e ke ugu ọwụlẹ, n'i d'e ke ụwa lẹ ndị rịn'a, ịyụ wụ Chuku; ị wụ Chuku ẹdẹi; ịyụ wụzịkwọ Chuku jẹnrin-ejẹn.

Ọpụpụ 3:14

Chuku nọ sị Mozizi, “Onyẹ M Wụ Kẹ M Wụ. Ihiẹnni k'i jẹnkọ d'a gwa wẹ: ‘Onyẹ M Wụ zihẹ m d'e kunrun ụnụ.’ ”

Azaya 11:2

Mmọn Osolobuẹ k'a rị imẹ ẹ — Mmọn amamihiẹn lẹ nghọta; Mmọn ndụnmọdụn, Mmọn o gi e nwọn ikẹn; Mmọn o gi a marịn ihiẹn, Mmọn o gi a tụ egun Osolobuẹ;

Azaya 41:4

Onyẹ wụ onyẹ hụn mẹ ihiẹnni, mẹ ẹ ru alị? A gha isi mbidọn a kpọtọ agbọ ndị rị ihun? Mmẹ wụ Osolobuẹ rọ — mmẹ lẹ ndị ibuzọ rị, mmẹ lẹ ndị ikpanzụụn rịzịkwọ.”

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Zẹkaraya 3:9

E butọgụọ m ọmụma ihun Joshụa; akpụ-ọmụma ohu hụn nwọn ihun ẹsa. M sikọ d'e deye ihiẹn ẹhụ a kẹ w'e deye ihiẹn elu ọmụma: M k'e gi akpọhịn ohu wepụ njọ alịnị mẹ. Ya kẹ Osolobuẹ ihiẹn ile rị okpuru ẹ ku.

Zẹkaraya 4:10

“Onyẹ rị nwan e lelịa ihiẹn ndịnị ogẹnni wẹ mẹ ẹkẹrẹ? Ịghọghọ jẹnkọ d'a rị ogẹn wẹ e gi hụn kẹ Zerubabẹlụ tụngụ a, kwọndọn plọmụ wẹ gi e lele k'o zinghọ. “Ukpẹ ẹsa ndị hụ ị hụn wụ ẹnya Osolobuẹ hụn rị e lehunmẹ ụwa ile.”

Zẹkaraya 6:5

Mmọn-ozi hụ nọ sị m, “Ndịnị wụ mmọn ẹnọ rị elu-igwee hụn gha ihun Osolobuẹ nwọn ụwa ile pụla kẹ wẹ jẹngụ n'ọ hụn wẹ!

Jọnụ 1:1

Isi mbidọn, onyẹ hụ wụ Oku Chuku rị arị; onyẹ hụ wụ Oku Chuku lẹ Chuku rị; onyẹ hụ wụ Oku Chuku wụ Chuku.

Ọrụn Ndị-ozi 19:10

O mẹ ihiẹnni ọrọgbọ ahụa ẹbụọ, nke wụ nị ndị ile bi Ẹgbẹrẹ Eshịa nọ nụ oku Di-nwọnni-ẹnyi, kẹ ndị Ju kẹ ndị ọzọ.

Ọrụn Ndị-ozi 2:9

Kẹ ndị Patịa kẹ ndị Mẹdịa kẹ ndị Ẹlam; kẹ ndị bi Mẹsopotemịa lẹ Judia lẹ Kapadoshịa lẹ Pọntusu lẹ Eshịa

Ndị Rom 1:7

M rị e dejẹnni ndị ile Osolobuẹ nwọn ihiẹn-ọsụsụọ wẹ imẹ Rom, ndị ọ kpọ d'a wụrụ ndị-nsọ. Ẹfọma lẹ udọn gha ẹka Osolobuẹ Nẹdi ẹnyi lẹ Di-nwọnni-ẹnyi wụ Jesu Kristi a bịa ya rịnị ụnụ.

Ndị Kọrẹntị Ibuzọ 1:3

Ẹfọma lẹ udọn Osolobuẹ wụ Nẹdi ẹnyi lẹ Di-nwọnni-ẹnyi wụ Jizọs Kraịstị nọyeni ụnụ.

Ndị Kọrẹntị Nke Ẹbụọ 1:2

Ẹfọma lẹ udọn hụn gha ẹka Osolobuẹ Nẹdi ẹnyi lẹ Di-nwọnni-ẹnyi wụ Jizọsị Kraịstị bịa ya rịnị ụnụ.

Hibru 13:8

Jizọsị Kraịstị wụkwọ ihiẹn ọ wụ ụnyanhụn, tannị lẹ jẹnrin ejẹn.

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Rẹvẹleshọnụ 1:1

Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.

Rẹvẹleshọnụ 1:11

Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”

Rẹvẹleshọnụ 1:17

Ogẹn m gi hụn a, m nọ fiẹnrin alị ụkụ a kẹ onyẹ nwụnhụnnị. Kanị, ọ nọ bu ẹka-nni ẹ kwasị m, sị, “Atụlẹ egun. Mmẹ wụ Ibuzọ lẹ Ikpanzụụn.

Rẹvẹleshọnụ 1:20

“O mẹ nke kokisẹ ẹsa ahụn ị hụn ẹka-nni m lẹ obu-ukpẹ ẹsa hụ, lee ihiẹn wẹ wụ: kokisẹ ẹsa ahụn wụ ndị-isi ẹsa a nọkin ẹnya ụka ẹsa ahụn. Obu-ukpẹ ẹsa ahụn wụ ụka ẹsa ahụn.

Rẹvẹleshọnụ 1:8

“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.

Rẹvẹleshọnụ 1:9

Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.

Rẹvẹleshọnụ 16:5

Ya kẹ m nọ nụ kẹ mmọn-ozi mirin ile rị ẹka a sị, “Euu Onyẹ-nsọ, onyẹ hụn rị kikẹnni hụn rịzịkwọ mbụ, ihiẹn furuni k'i mẹ ebe ị nọ ye afụnfụn ndịnị.

Rẹvẹleshọnụ 2:12

“Dejẹnni onyẹ-isi ụka Pẹgamọm, sị a: “Lee ihiẹn onyẹ hụ ọpịa-agha ọnụnaị tụ nkọ rị ọnụ a ku:

Rẹvẹleshọnụ 2:18

“Dejẹnni onyẹ-isi ụka Tịatira, sị a: “Lee ihiẹn Nwa Osolobuẹ ku, onyẹ ahụn ẹnya a e nwun kẹ ọkụn; onyẹ ahụn ụkụ-alị a nọ kẹ igwe bronzu wẹ finchan ọhụnma-ọhụnma rị e gbukeni: ọ sị,

Rẹvẹleshọnụ 2:8

“Dejẹnni onyẹ-isi ụka Sụmẹna, sị a: ‘Lee ihiẹn onyẹ hụ wụ Ibuzọ lẹ Ikpanzụụn ku, onyẹ ahụn nwụnhụnnị hụn rịzị nwan ndụn: ọ sị,

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”

Rẹvẹleshọnụ 22:8

Mmẹ wụ Jọnụ gi ntịn m nụ ihiẹn ndịnị, gi ẹnya hụn wẹ. Ogẹn m gi nụgụ wẹ, hụngụ wẹ, m nọ dan alị nị m kụnị mmọn-ozi ahụn ghọsịnị m wẹ isi alị.

Rẹvẹleshọnụ 3:1

“Dejẹnni onyẹ-isi ụka Sadisi, sị a: “Lee ihiẹn onyẹ hụ gi Mmọn ẹsa Osolobuẹ lẹ kokisẹ ẹsa hụ ku: a marịnghọ m ihiẹn ị rị e mẹ. W'e weri i kẹ onyẹ rị ndụn, kanị y'a nwụnhụngụọ!

Rẹvẹleshọnụ 3:14

“Dejẹnni onyẹ-isi ụka Laodishia, sị a, “Lee ihiẹn onyẹ hụ wụ Isẹẹ — Ọshẹri ahụn wụ onyẹ ezioku furu wẹ gi e dọn ẹnya; Onyẹ hụ ihiẹn ile Osolobuẹ ke gha ẹka a bịa: ọ sị,

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,

Rẹvẹleshọnụ 4:5

Amụma hụ a gha ukpo-eze hụ e bepụha; mirin hụ e dẹn, akpabọ hụzị a gha ukpo-eze hụ a hanpụha. Ukpẹ ẹsa rị ihun ukpo hụ e nwun — ukpẹ ẹsanị wụ Mmọn ẹsa Osolobuẹ.

Rẹvẹleshọnụ 4:8

Ihiẹn ẹnọ ndịnị rị ndụn nwọnsọnmẹ nku isin-isin. Ẹnya jun wẹ ẹhụ ile — kẹ okpuru nku wẹ. W'a ra bụbehi ẹbụ, kẹ uhinhin kẹ efinnaị, a bụ, “Nsọ, nsọ, nsọ! Di-nwọnni-ẹnyi Osolobuẹ hụn nwọn ikẹn ile rị nsọ — Onyẹ hụn rị mbụ, hụn rị kikẹnni, hụn lalanị.”

Rẹvẹleshọnụ 5:6

Ya m nọ hụn Nwa-ebulu hụn nọ kẹ sị wẹ te gbu ẹ egbu; o turu etintinnaị ihun ukpo-eze hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ e fihunmẹ ẹ. Nwa-ebuluni nwọn mpịn ẹsa lẹ ẹnya ẹsa hụn wụ Mmọn ẹsa Osolobuẹ, hụn Osolobuẹ zijẹn elu-ụwa ile.

Rẹvẹleshọnụ 8:2

Ya kẹ m nọ hụn ndị mmọn-ozi ẹsa hụn e turu ihun Osolobuẹ. Wẹ nọ ye wẹ opi ẹsa.