Rẹvẹleshọnụ 1:10 - Ika

¹⁰ O ru ụhụọhịn ohu, Ụhụọhịn Di-nwọnni-ẹnyi, ebe m rị imẹ-mmọn, m nọ nụ okẹn olu nọ kẹ opi azụụn m.

Rẹvẹleshọnụ 1:10 Iomraidhean Croise

Ọgụngụn 24:2

O lee ẹnya, ọ hụn ndị Izrẹlụ kẹ wẹ ziẹntọsọnmẹ ebọn-ebọn, Mmọn Osolobuẹ nọ ban imẹ ẹ,

Matiu 22:43

Ọ nọ sị wẹ, “Nanị Mmọn-nsọ dọn nwan mẹ Defidi kpọ a ‘Di-nwọnni m’ ebẹhụ Ẹkụkwọ-nsọ nọ sị,

Jọnụ 20:19

Ẹnyasị ụhụọhịn ahụn wụ ụhụọhịn ibuzọ imẹ izuka, ndị nsọnmazụụn Jesu gi egun ndị-ndu ndị Ju kpọkin enwẹn wẹ ye mmụlọ wẹ rị. Ya Jesu nọ nwọnpụha idẹnmizi, turu imẹ igunrun wẹ, sị, “Udọn ya rịnị ụnụ!”

Jọnụ 20:26

Hụn mẹ ẹ izuka, ebe ndị nsọnmazụụn Jesu rịzị imẹ ụlọ wẹ lẹ Tamọsị; ụzọ kpọkin akpọkin kanị Jesu nọzị nwọnpụha, turu imẹ igunrun wẹ, sị, “Udọn ya rịnị ụnụ.”

Ọrụn Ndị-ozi 20:7

O ru ụhụọhịn ibuzọ imẹ izuka (hụn wụ nwan Sọnde), ogẹn ẹnyi gi nọgbama nị ẹnyi ri Oriri-nsọ, Pọlụ nọ gwama wẹ oku; ebe o mẹ ni eki fọnhụ, ọ lama, ọ nọ kusọnmẹ oku hụ d'e ru imẹ abalị.

Ndị Kọrẹntị Ibuzọ 12:3

M chọ nwan n'o we ụnụ ẹnya nị onwọnni onyẹ gi ikẹn Mmọn Osolobuẹ e ku hụn a sị, “Jesu arị mma.” Onwọnzikwọnị onyẹ k'a saẹka sị, “Jesu wụ Di-nwọnni-ẹnyi” mmanị Mmọn-nsọ mẹ ẹ ku ẹ.

Ndị Kọrẹntị Ibuzọ 16:2

ụhụọhịn ibuzọ imẹ izuka, onyẹ-onyẹ imẹ ụnụ y'a gha ihiẹn Osolobuẹ ye ẹ e wepụha, e dọnmẹ — amamgbe m'a bịa ụnụ a tụma ihiẹn.

Rẹvẹleshọnụ 17:3

Ya mmọn-ozi hụ nọ buru m imẹ mmọn shi imẹ atụ, m nọ hụn okpoho nọdị alị elu eje-anụ ohu e nwun ufie-ufie. Wẹ de ẹfan ichẹn-ichẹn wẹ gi e kuja oku Osolobuẹ jun eje-anụ ufie ahụn ẹhụ. Isi ẹsa lẹ mpịn iri kẹ eje-anụ ufie ahụn nwọn.

Rẹvẹleshọnụ 21:10

Ọ nọ buru m imẹ-mmọn shi elu ugu hi-ogbe jẹn elu, ghọsị m obodo nsọ hụ wụ Jerusalẹm k'ọ gha ẹka Osolobuẹ imẹ elu-igwee hidanla.