Rẹvẹleshọnụ 1:1 - Ika

¹ Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.

Rẹvẹleshọnụ 1:1 Iomraidhean Croise

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Daniẹlụ 8:16

M nọ nụ olu okẹnnyẹ rị a gha Ote-mirin Ulaị a hị, “Gebrẹlụ, gwa okẹnnyẹ hụ ihiẹn ọhụn ahụn wụ.”

Daniẹlụ 9:21

hụn ahụn m rịkwọ e mẹ ekpere, Gebrẹlụ, okẹnnyẹ ahụn m hụn imẹ ọhụn m isi ibuzọ nọ pụha ọpụha a tụ egun; ibẹka ogẹn wẹ gi a chụn ẹjan ẹnyasị k'o gi pụha.

Daniẹlụ 9:23

Ogẹn i gihụ mẹmẹ ekpere hụ kẹ Osolobuẹ gi za. Azịza hụ kẹ m wẹhẹni i nwan, makẹni Osolobuẹ ara gi i gu egu. Leban nwan ẹnya ozi hụ, nị ị hụn ụzọ ghọta ọhụn ahụn:

Emọsụ 3:7

Ezioku-ezioku, Di-nwọnni-ẹnyi wụ Osolobuẹ ara mẹ ihiẹn-anaị bụ ọ ghọsịgụnị idibo ẹ ndị-amụma ihiẹn o bu obi.

Jọnụ 12:49

Makẹni, ẹlẹ m gi uche m e ku; Nẹdi m hụn zihẹni m gwa m ihiẹn m sikọ d'a sị lẹ ihiẹn m sikọ d'e ku.

Jọnụ 15:15

Arịzị m a kpọ ụnụ igbọn, makẹlẹ igbọn amarịn ihiẹn di-nwọnn'ẹ rị e mẹ. Ọwụ kẹ m kpọ ụnụ, makẹni a gwagụọ m ụnụ ihiẹn ile m nụ ọnụ Nẹdi m.

Jọnụ 17:8

makẹlẹ a gwagụọ m wẹ ihiẹn ndị hụ ị sị m gwa wẹ. A nabanhangụọ wẹ oku ndị hụ; a marịngụọ wẹ nwan nị m gha ebe ị rị bịa nke-esi. E kwerigụọ wẹ nị yụ zihẹ m.

Jọnụ 3:32

Ọ hụ e ku ihiẹn ọ hụn lẹ ihiẹn ọ nụ, kanị onwọnni onyẹ e gi ẹri ẹ e dọn.

Jọnụ 8:26

M nwọn ihiẹn bu ọda nkẹ m'e ku ma ụnụ ikpe; kanị, onyẹ zihẹni m furu wẹ gi e dọn ẹnya, m'a gwahụ ụwa ihiẹn m nụ ọnụ a.”

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Galeshịa 1:12

amụnarịnnị m ịhịan ya; ẹlẹ ịhịan kuzi m'ẹ. Kama, Jesu Kristi lẹ enwẹn ẹ we ẹ ghọsị m.

Ndị Ẹfẹsọsụ 3:3

ụnụ a nụgụọzị k'o dọn ghọsị m ihiẹn-omimini. Ịya kẹ m beni tan ụnụ nke-nke imẹ ẹhụhụọ-ozini.

Taịtọsụ 1:1

Mmẹ wụ Pọlụ de ẹkụkwọ-ozini. M wụ igbọn Osolobuẹ lẹ onyẹ-ozi pụ-ichẹn Jizọs Kraịstị. Ọrụn m wụ ịkwadọn okukwe ndị hụ Osolobuẹ họrị lẹ imẹ ịhịan marịn ezioku wẹ gi e fe Osolobuẹ k'o furu.

Rẹvẹleshọnụ 1:19

“Detu nwan ihiẹn ị rị a hụn: ihiẹn rị ogẹnni lẹ ihiẹn jẹnkọ d'e mẹ ihun.

Rẹvẹleshọnụ 1:9

Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.

Rẹvẹleshọnụ 17:1

Mmọn-ozi ohu imẹ wẹ ẹsa hụ gi afẹrẹ nọ bịa d'e kunrun m, sị m, “Bịa, nị m ghọsị ị afụnfụn wẹ sikọ d'e ye okẹn ịgbaraja hụ nọdị alị elu iyi bu ọda,

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”

Rẹvẹleshọnụ 19:9

Mmọn-ozi hụ nọ sị m, “De ihiẹnni: ‘Ngọzi a rịkakwọnị ndị hụ wẹ kpọ oriri agbamẹkụkwọ Nwa-ebulu hụ.’ ” Ọ nọzị sị m, “Ihiẹnni wụ oku Osolobuẹ nke-esi.”

Rẹvẹleshọnụ 21:2

M nọ hụn obodo nsọ hụ, Jerusalẹm ọhụn, k'ọ gha ẹka Osolobuẹ imẹ elu-igwee hidanla. Ọ nọ kẹ nwagbọọ chọgụ mma agbamẹkụkwọ rị e che di ẹ.

Rẹvẹleshọnụ 21:9

Ya kẹ mmọn-ozi ohu imẹ wẹ ẹsa ahụn bu afẹrẹ afụnfụn ikpanzụụn ẹsa nọ bịa, sị m, “Bịa: m k'a ghọsị ị onyẹ hụ ya lẹ Nwa-ebulu hụ jẹnkọ d'a gba ẹkụkwọ, nwunyẹ Nwa-ebulu hụ.”

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”

Rẹvẹleshọnụ 22:6

Mmọn-ozi hụ nọ sị m, “Ihiẹn ndịnị ile wụ ezioku furu wẹ gi e dọn ẹnya, makẹni Di-nwọnni-ẹnyi lẹ enwẹn ẹ, Chuku hụn a gwa mmọn rị imẹ ndị-amụma ihiẹn ndị-amụma e ku, zihẹ nwan mmọn-ozi ẹ d'a ghọsị idibo ẹ ihiẹn ndị k'e mẹrịrị ẹgwa.”

Rẹvẹleshọnụ 22:8

Mmẹ wụ Jọnụ gi ntịn m nụ ihiẹn ndịnị, gi ẹnya hụn wẹ. Ogẹn m gi nụgụ wẹ, hụngụ wẹ, m nọ dan alị nị m kụnị mmọn-ozi ahụn ghọsịnị m wẹ isi alị.

Rẹvẹleshọnụ 22:9

Kanị ọ nọ sị m, “Emẹkwọlẹ a! M wụ odibo nọkẹ ịyụ lẹ umunẹ i wụ ndị-amụma lẹ ndị e mẹ ihiẹn ozi rị imẹ ẹkụkwọnị ku. Fe Osolobuẹ!”

Rẹvẹleshọnụ 4:1

Ọhụn e mẹgụ, m nọ lee ẹnya hụn ọnụmụzọ gụnpụnị imẹ elu-igwee. Olu ahụn nọ kẹ opi hụn gwa m oku mbụ nọ sị m, “Bịa elu ebeni nị m ghọsị ị ihiẹn jẹnkọ d'e mẹ ihun.”

Rẹvẹleshọnụ 5:7

Nwa-ebulu hụ nọ jẹn d'e weri ẹkụkwọ hụ rị ẹka-nni onyẹ rị nọdị ukpo-eze.