Nehemiah 1:4 - Ika

⁴ Ogẹn m gi nụ ihiẹn ndịnị, m nọ nọdị alị kwan ẹkwan, emẹshịanị m ẹhụ akpọhịn ole-lẹ-ole; m hụ e bu ọnụ, e mẹ ekpere a rịọ Chuku rị elu-igwee,

Nehemiah 1:4 Iomraidhean Croise

Samuẹlụ Nke Ẹbụọ 12:16

Defidi a rịọ Osolobuẹ n'ọ zụọ nwata hụ; o bu ọnụ; ọ ban imẹ ụlọ a d'a nọdị; o dinẹ akpakalị eki e we fọn.

Ndị-nze Nke Ẹbụọ 22:19

Ebe o mẹni ọ fụ ị afụ lẹni i welụa enwẹn i alị ihun mmẹ wụ Osolobuẹ ogẹn i gi nụ ihiẹn m ku ni m k'e mẹ obodoni lẹ ndị rịn'a, nị wẹ k'a wụrụ ihiẹn wẹ bụ ọnụ lẹ ihiẹn la iwi, ị nọ dọka ẹwuru ndị i yi ye enwẹn i olu, kwan ẹkwa ihun mmẹ wụ Osolobuẹ — a nụgụọ m; ya kẹ Osolobuẹ ku.

Ihiẹn Mẹni Nke Ẹbụọ 6:13

Solomọnụ rụntọ mgbankpo igwe-bronzu o k'e wuzo. Usue ẹ lẹ ụshịa a wụsọnmẹ ọb'ụkụ ẹsa lẹ mkpikpi, ojijẹn-elu ẹ ọb'ụkụ ẹnọ lẹ mkpikpi. Ahanmahan ezi-ọgwa k'o butọ a. Elu ẹ k'o wuzo nwan. O gbu osekpu idẹnya Izrẹlụ ile, ya lẹ ẹka ẹbụbụọ ọ shịapụ buzinmẹ elu-igwere.

Ẹzra 1:2

“Ọnwan wụ ihiẹn Saịrọsị eze Pẹshịa ku: Ọ sị, ‘Osolobuẹ, Chuku rị elu-igwee, e yegụọ m alị-eze ile rị ụwa; o tumẹgụọ m nị m tụnn'a Ụlọ-nsọ imẹ Jerusalẹm hụn rị Juda.

Ẹzra 10:1

Hụn ahụn Ẹzra rị ebẹhụ e mẹ ekpere, a sị “Osolobuẹ, ẹnyi e mẹọlẹ njọ”, a kwan, e we enwẹn ẹ e gbe alị ihun Ụlọ Chuku, ndị Izrẹlụ bugbu enwẹn wẹ ọda nọ gbakikomẹmẹ, fihunmẹ ẹ — kẹ ikẹnnyẹ kẹ ikpoho kẹ ụmụ-ẹka. Wẹ nwẹn hụzị a kwan ẹkwan ọda-ọda.

Ẹzra 9:3

Ogẹn m gi nụ ihiẹnni, m nọ tika ẹwuru m lẹ ẹkwa m yiye elu ẹ, e huepụ m ntutu m lẹ ẹtu m, nọdị alị, ụya e ru m olu.

Ẹzra 9:5

O ru ogẹn wẹ gi a chụn ẹjan ẹnyasị, m nọ gha ebẹhụ m bu enwẹn m gbama alị lihi, mmẹ lẹ nkanka ẹkwa ndị hụ m dọkaye enwẹn m olu; m nọ gbu osekpu, shịapụ ẹka m ẹbụbụọ zinmẹ Osolobuẹ wụ Chuku m,

Nehemiah 2:20

Ya m nọ sị wẹ, “Osolobuẹ rị elu-igwee k'e mẹ ẹ ghanị ẹnyi, ẹnyi ndị idibo ẹ e lihi dọnzi ẹ. O mẹ nke ụnụ, onwọnni ebe Jerusalẹm nọ wụ nke ụnụ, onwọnni hụn ọwụlẹ k'e ru ụnụ ẹka imẹ ẹ; onwọnni ogẹn Jerusalẹm gi wụ nke ụnụ.”

Nehemiah 2:4

Eze nọ sị m, “K'ị chọ?” Ya m nọ mẹ ekpere ozigbo jẹnni Osolobuẹ rị elu-igwee.

Ẹbụ-ọma 102:15

Alị ile k'a gbaye ẹfan Osolobuẹ; ndị-nze ile rị elu ụwa k'a gbaye ị makẹ ọghọ ị.

Ẹbụ-ọma 136:26

Kpanmịn nị Chuku hụn rị elu-igwee, makẹni ihiẹn-ọsụsụọ a rị jẹnrin ejẹn!!

Ẹbụ-ọma 137:1

Mkpẹnrẹn iyi rị Babilọnụ kẹ ẹnyi nọdị alị a kwan ẹkwan, ogẹn ẹnyi gi nyanhan obodo Zayọnụ.

Daniẹlụ 10:2

Ogẹn hụ, mmẹ wụ Daniẹlụ emẹshịanị ẹhụ ọrọgbọ izuka ẹtọ.

Daniẹlụ 2:18

Ọ nọ sị wẹ rịọ Chuku rị elu-igwee n'o mẹni wẹ omikẹn ebe ihiẹn-omimini rị, amamgbe w'e gbu ya nwẹn wụ Daniẹlụ lẹ ibe ẹ cheni ndị a hụn ụzọ rị Babilọnụ.

Daniẹlụ 9:3

Ya m nọ bu ihun zinmẹ Di-nwọnni-ẹnyi wụ Chuku, mẹmẹ ekpere, rịọma a, e bu ọnụ, e yi ẹkwa-achọ wẹ gi a kwan ụya, e kpọn m ntụn ye isi nke onyẹ ihiẹn mẹ.

Jona 1:9

Jona nọ za, sị, “M wụ onyẹ Hibru; Osolobuẹ kẹ m'e fe, Chuku hụn rị elu-igwee, onyẹ hụn ke ohimin lẹ akpakalị.”

Zẹfanaya 3:18

“M k'e wegbamazị ndị ọ rị a fụ nị arịzị wẹ e jẹn mmẹmmẹ nsọ m rị ichẹn-ichẹn, makẹni ụya kẹ o te wụ ụnụ olu.

Ndị Rom 12:15

Sọn ni ndị rị a ghọghọnị ghọghọ, ụnụ e sọn ndị rị a kwannị kwan.