Nehemiah 1:3 - Ika

³ Wẹ nọ sị m, “Ndị Ju ẹnyi ghasọnmẹ alị ndị wẹ kpụnjẹn wẹ lụaha Juda rị imẹ okẹn nsọngbu lẹ ụya. Mgbọn Jerusalẹm rị mkpọkọ-mkpọkọ; ọnụ-mgbọn ndị rịn'a wẹ dụn ọkụn nọkwọ k'ọ nọ.”

Nehemiah 1:3 Iomraidhean Croise

Ndị-nze Nke Ibuzọ 9:7

ya wụ nị m k'e wepụ ndị Izrẹlụ imẹ alị m ye wẹ, a jụ m Ụlọ-nsọnị m dọngụ nsọ m gi e ye Ẹfan m ọghọ. Ogẹn ahụn, Izrẹlụ e họnrin eje-ihiẹn wẹ gi e lu ilu lẹ ihiẹn-ẹmụ ebe ndị alị ndị ọzọ rị.

Ndị-nze Nke Ẹbụọ 25:10

Ya ndị-agha Babilọnụ ile onyẹ-isi ndị nche eze wẹ kịha nọ kụtu mgbọn hụ ghahunmẹ Jerusalẹm.

Ihiẹn Mẹni Nke Ẹbụọ 36:19

Wẹ nọ yi Ụlọ-nsọ Chuku ọkụn, kụtu mgbọn Jerusalẹm, dụnpụ ụlọ ile rị mkpa rịn'a ọkụn, tikpọ ihiẹn ile rị mkpa rị ebẹhụ.

Ẹzra 2:1

Ndịnị wụ ndị Ju, ndị Ẹgbẹrẹni, hụn lụanị imẹ ndị wẹ kpụnrụn, ndị ahụn eze Babilọnụ wụ Nebukadineza kpụnrụn shi Babilọnụ. Wẹ lụaha Jerusalẹm lẹ Juda; onyẹ-onyẹ lashi obodo ẹ.

Ẹzra 5:8

O furu nị eze marịn nị ẹnyi jẹn Ẹgbẹrẹ Juda, jẹn Ụlọ-nsọ Chuku uku. Ndị ahụn rị e gi ọmụma hi-ogbe a tụn a, a dọ ogwe osisi e ye ụsụọ-ẹjan a. Wẹ rị a rụnshi ọrụn hụ ikẹn, ọ hụ a gha ihun ọhụnma-ọhụnma ẹka wẹ.

Nehemiah 11:3

Ndịnị wụ ndị-isi hụn bịa d'e biri Jerusalẹm. (Imẹrinmẹ ndị nchụn-ẹjan, ndị Livaị, ndị e jẹn ozi Ụlọ-nsọ lẹ ụmụ idibo Solomọnụ bi ụzọ ọzọ imẹ Juda, wẹ bisọnmẹ iwe wẹ imẹ obodo ichẹn-ichẹn rị Juda,

Nehemiah 2:13

M nọ gi imẹ abalị hụ jẹnmẹ, ghashi Ọnụ-mgbọn rị ibẹka Ọdanmgbugbu pụha, dọn ihun ibẹka Ọmị Jakalụ lẹ Ọnụ-mgbọn wẹ gha e kpọnpụ nsịn anụ; m hụ e jẹn, m hụ e lehunmẹ mgbọn Jerusalẹm wẹ tikpọ lẹ ọnụ-mgbọn ẹ ndị hụ wẹ gi ọkụn wiwi.

Nehemiah 2:17

M nọ nwan sị wẹ, “Ụnụ a hụngụọ nwan nsọngbu ẹnyi rị imẹ ẹ: Jerusalẹm mẹ mkpọkọ-mkpọkọ, ọnụ-mgbọn ẹ ndị wẹ dụn ọkụn nọkwọ ẹrịra. Bịa nị nwan nị ẹnyi dọnzi mgbọn Jerusalẹm, nị ẹnyi hụn ụzọ pụha imẹ ifẹnrẹn.”

Nehemiah 2:3

m nọ sị eze, “Agụ! Ẹlẹ oku m maị! Obodo m, ebe wẹ liye ndị nẹdi m mẹkwọ mkpọkọ-mkpọkọ, a dụngụọ wẹ ọnụ-mgbọn ndị rịsọnmẹn'ẹ ọkụn.”

Nehemiah 7:6

Ndịnị wụ ndị Ẹgbẹrẹni lụahanị imẹ ndị wẹ kpụnshi alị ichẹn-ichẹn ogẹn hụ Nebukadineza gi kpụnrụn ndị alịnị shi alị ndị ọzọ; wẹ lụakin Jerusalẹm lẹ Juda, onyẹ-onyẹ lashi obodo ẹ —

Ẹsta 1:1

Ihiẹn ndịnị mẹ ogẹn Ahazẹrusu gi wụ eze alị-eze Pẹshịa, Ahazẹrusu hụn kị Azụụn ẹsa kwasị ọgụn-isin (127) rị alị-eze Pẹshịa ogẹn hụ — ghakwọrị Ndịa d'e ru Ẹtiopịa.

Ẹbụ-ọma 79:4

Alị ndị nọkunmẹni ẹnyi e d'a mụgbu ẹnyi; ndị fihunmẹni ẹnyi hụ a kọ ẹnyi ọnụ, e woo ẹnyi!

Itẹn 25:28

Onyẹ ghalẹni as'ẹka e kwọndọn enwẹn ẹ nọhụ kẹ obodo mgbọn ẹ dankpọ.

Azaya 43:28

M jẹnkọ nwan d'a fa ndị okẹn ịhịan rị imẹ Ụlọ-nsọ ụnụ, m k'e gi Jekọpụ họnrin ihiẹn wẹ k'e tikpọ, ẹghẹẹ, e we m Izrẹlụ ye wẹ kpari.”

Azaya 5:5

Nị m gwa nwan ụnụ ihiẹn m k'e mẹ alị vaịnị m: m k'e wepụ ihiẹn m gi gbọnhunmẹ ẹ, e wiwi w'ẹ; e tikpọpụ m mgbọn ẹ, a zọtịta w'a.

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Jerimaya 29:18

Ẹghẹẹ, m k'e gi ọpịa-agha lẹ ụnwụn lẹ eje-emu chụ wẹ. Ndị alị-eze ile rị ụwa hụn ihiẹn m mẹ ndị ahụn, egun a tụ wẹ. Wẹ k'a wụrụ ihiẹn wẹ gi a bụ ọnụ, ihiẹn w'a hụn a jụpụ ẹsọn, ihiẹn w'a mụ ẹmụ lẹ ihiẹn-ifẹnrẹn ẹnya ndị alị ile m k'a chụjẹn wẹ.

Jerimaya 39:8

Ya ndị Babilọnụ nọ dụn Jerusalẹm ọkụn — kẹ obi-eze kẹ ụlọ ndị Jerusalẹm, kụtu mgbọn Jerusalẹm.

Jerimaya 42:18

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ jẹn alị Ijiptu, e gi m iwe-lẹ-olulu mẹshi ụnụ ikẹn kẹ m dọn mẹ ndị Jerusalẹm. M mẹgụ ụnụ ya, ụnụ e họnrin ihiẹn wẹ bụ ọnụ lẹ ihiẹn w'a sọ lẹ ihiẹn wẹ gi a bụ ọnụ, ihiẹn ifẹnrẹn. Ẹnya ụnụ ahụnkọzị alịnị.’

Jerimaya 5:10

D'e wiwisọnmẹ ugbo vaịnị a — ka ewiwichanrịnlẹ wẹ. Kwapụchanrịn a agala, nị ndịnị ẹlẹ nke Osolobuẹ.

Jerimaya 52:14

Ya ndị-agha Babilọnụ ile hụn Nebuzaradanị onyẹ-isi ndị nche Nebukadineza kịha nọ kụtusọnmẹ mgbọn hụ fihunmẹ Jerusalẹm.

Ẹkwan 1:7

Hụnnị Jerusalẹm rị a hụnjun ẹnya, a wahunmẹ, ọ hụ a nyanhan ihiẹn ile rị mkpa hụn o nwọn ogẹn mbụ. Ogẹn ndị nke ẹ gi danban ẹka eṅẹnrẹn, onwọnni onyẹ yen'ẹ ẹka. Ndị-iṅẹnrẹn ẹ e legụ a, wẹ nọ mụ a ẹmụ otikpọ wẹ tikpọ a.

Ẹkwan 2:9

Ọnụ-mgbọn Jerusalẹm a dangụọ; ọ kpagipụgụọ ihiẹn ndị wẹ gi fidọn wẹ, wiwipụ wẹ. Eze ẹ lẹ ndị-isi ẹ rị nwan alị ndị ọzọ; Iwu Osolobuẹ arịzị, ndị-amụma rịn'a ara hụnzị ihiẹn ọwụlẹ ebe Osolobuẹ rị.

Ẹkwan 3:61

Euu Osolobuẹ, y'a nụgụọ mkpari wẹ rị a kpari m, eje-ihiẹn ile wẹ romẹni m —

Ẹkwan 5:1

Euu Osolobuẹ, nyanhankwọ ihiẹn hụn mẹni ẹnyi, lee ẹnya n'ị hụn ụya ẹnyi rị e ri.

Lẹvitikọsụ 26:31

M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ: