Nehemiah 1:2 - Ika

² nwẹnẹ m ohu w'a kpọ Hanani nọ gha alị ẹnyi wụ Juda bịa, ya lẹ ikẹnnyẹ ya lẹ wẹ wị. M nọ jụ wẹ ukwere ndị Ju ẹnyi ghasọnmẹ alị ndị wẹ kpụnjẹn wẹ lụaha lẹ isi-obodo ẹnyi wụ Jerusalẹm.

Nehemiah 1:2 Iomraidhean Croise

Jẹnẹsisi 14:10

Ogẹn ahụn, Ọdanmgbugbu Sidim mẹ mkpọkọ-olu, mkpọkọ-olu. Ebe ndị-nze alị Sodọm lẹ alị Gomora lẹ ibe wẹ gbakọ makẹni agha a karịgụọ wẹ ẹka, ụfọdụ nọ danbansọnmẹ imẹ olu ndị ahụn, ndị họdụnị a gbashi elu-ugu nọkunmẹ ọdanmgbugbu ahụn.

Ndị-nze Nke Ẹbụọ 24:14

Nebukadineza nọ kpụnrụnchanrịn ndị Jerusalẹm, ndị-isi ile lẹ ndị-agha ile lẹ ndị omẹ-nka ile lẹ ndị a kpụ ụzụn; uwẹ ile rị mmadụ nnụ-uku iri (10,000). Ndị kachanrịn ogbẹnnyẹ e mẹ sụọ họdụ imẹ alị hụ.

Ndị-nze Nke Ẹbụọ 25:12

Kanị, o nwọnghọ ndị kachanrịn ogbẹnnyẹ e mẹ ọ latọ imẹ ẹ kẹni wẹ hụn ụzọ e lepụ ihiẹn wẹ kụn alị vaịnị lẹ ugbo ẹnya.

Ẹzra 9:14

“Nị ẹnyi pamazị nwan oku i, sọn ndịnị ihiẹn ndịnị y'a sọ lụtarịma di-lẹ-nwunyẹ? O runi nwan hụn y'e gi gi olulu sọn ẹnyi, gbuchanrịn ẹnyi ile, onwọnkọzị onyẹ k'a họdụ mọbụ bikin ugbẹ ẹnyi?

Nehemiah 7:2

Ya m nọ bu Jerusalẹm che nwẹnẹ m okẹnnyẹ wụ Hanani ẹka, ịya lẹ Hanania, ọkị-agha hụn kị ndị agha eze imẹ Jerusalẹm. M mẹ ẹrịra makẹni Hanani wụ ịhịan esi, ọ tụzịkwọ egun Osolobuẹ karị imẹrinmẹ ịhịan.

Jerimaya 44:14

Onwọnni akpụ onyẹ ohu imẹ ndị Juda họdụnị hụn lashi Ijiptu d'e biri hụn jẹnkọ d'a wanahịnnị mọbụ hụn isi lakin alị Juda, ọsụọn'a n'ọ rị nwan a dụ wẹ nị wẹ lakin alị Juda d'e biri; onwọnni akpụ onyẹ ohu imẹ wẹ k'a lakinni mmanị akpụ madụ ole.”

Izikẹlụ 6:9

Ndị hụ hụn isi imẹ ụnụ k'a nyanhan m imẹ alị ichẹn-ichẹn ndị hụ wẹ kpụnjẹn wẹ, nyanhan kẹ obi dọn gbawapụ m yeni obi wẹ rịlẹni ụzọ ohu, obi wẹ hụn pụchanrịn ebe m rị shi mmọn wẹ ndị hụ chanban wẹ ẹnya, ize enwẹn wẹ a ban wẹ yeni eje-ihiẹn ile wẹ mẹ lẹ arụ ile wẹ mẹ.

Izikẹlụ 7:16

“Ndị k'a hụn isi gbapụ k'a gbashi elu ugu, a rịa lekẹ nduru rị ọdanmgbugbu, onyẹ-onyẹ hụ a kwannị njọ a.