Nahum 3:3 - Ika

³ E lee ndị-agha gi ẹshin zụnbankọ ọgbọ-agha! Ọpịa-agha hụ e fehunmẹ, obo wẹ hụ e gbuke. Ozun e jun alị, a dankwasị ibe wẹ. Onyẹ k'a saẹka gụn wẹ? Wẹ hụ a kpọgburu wẹ!

Nahum 3:3 Iomraidhean Croise

Jẹnẹsisi 3:24

Osolobuẹ a chụpụgụ ịhịan, ọ nọ bu Chẹrobu ẹbụọ nwọn nku lẹ ọpịa-agha rị e nwun ọkụn e fehunmẹ ohi-ohi che azụụn ọwụwa-ẹnyanwụn ugbo ahụn, gi chekin ebe wẹ gha e jẹn ukun osisi ahụn e ye ndụn.

Ndị-nze Nke Ẹbụọ 19:35

Imẹ uhinhin ahụn, mmọn-ozi Osolobuẹ nọ ban ebe ndị-agha Asiria ziẹntọ, gbu ndị-agha nnụ-uku isẹn-kwasị-nnụ-itenẹi (185,000). E tẹnhin wẹ ụran ụz'ụtụntụn, e lee ozun wẹ ile!

Azaya 34:3

Elikọ wẹ ozun wẹ; ozun wẹ k'e shingbarị; ẹdeke wẹ e huru elu ugu.

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Azaya 66:16

Makẹni Osolobuẹ sikọ d'e gi ọkụn lẹ ọpịa-agha a ye ụwa ile afụnfụn; Osolobuẹ k'e gbu ndị bu ọda.

Izikẹlụ 39:4

Elu ugu Izrẹlụ ebẹhụ k'i k'a nwụntọ, yụ lẹ ndị-agha ị ile lẹ ndị alị ọzọ hụ yụ lẹ wẹ wị. E we m ozun i ye nnụnụ e ri anụ lẹ nnụnụ ndị ọzọ lẹ anụmanụ rị ọfịa nị wẹ ri.

Lẹvitikọsụ 26:37

Wẹ k'a kpọgburusọnmẹ ibe wẹ nọ kẹ sị wẹ gbakọnị ọpịa-agha, ọsụọn'a onwọnni onyẹ rị a chụnị wẹ. Ya wụ, ụnụ asakọ ẹka che ndị iṅẹnrẹn ụnụ ọgụn.

Nahum 2:4

Ụgbọ-anyịnyan hụ a gba ẹra-ẹra ụwaya, a gbajẹn a gbalụa imẹ ughere, e nwun kẹ ọkụn-ọwa e feghafe nwaịn-nwaịn nọkẹ amụma!

Habakọkụ 3:11

ẹnyanwụn lẹ ifọn e wuzo ụzọ ohu imẹ elu, yeni ọbara-ụta ị rị e gbukeni lẹ obo i rị e be nwaịn-nwaịn fekọnị.