Nahum 1:7 - Ika

⁷ Osolobuẹ a rịka mma, ebe zeni w'a gbaban ogẹn nsọngbu k'ọ wụ. O marịnghọ ndị gbọnnin'ẹ, o lepụ wẹ ẹnya.

Nahum 1:7 Iomraidhean Croise

Ihiẹn Mẹni Nke Ibuzọ 16:34

Ye ni Osolobuẹ ekele makẹni ọ rịka mma; ihiẹn-ọsụsụọ a rị jẹnrin ejẹn.

Ihiẹn Mẹni Nke Ibuzọ 5:20

E nwọnhẹnkẹ wẹ eyemẹka imẹ agha hụ, Chuku haịn wẹ gi mẹri ndị Hagi lẹ ndị ile wẹ lẹ ndị Hagri wị — makẹni wẹ kwanghọsị a imẹ agha ahụn. Ọ za wẹ ekpere makẹni wẹ gi ẹ dọn ẹnya.

Ihiẹn Mẹni Nke Ẹbụọ 13:18

Wẹ nọ mẹri ndị Izrẹlụ Ẹbamịn-ugu ogẹn ahụn. Ndị Juda mẹri wẹ makẹni wẹ gi Osolobuẹ wụ Chuku ndị nẹdi wẹ dọn ẹnya.

Ihiẹn Mẹni Nke Ẹbụọ 32:11

Hezikaya rị a sị ụnụ, ‘Osolobuẹ wụ Chuku ẹnyi k'a gbapụha ẹnyi ẹka eze Asiria,’ ọ rị e dufiekwọ ụnụ kẹni ẹgụn lẹ ẹgụn mirin gbu ụnụ.

Ihiẹn Mẹni Nke Ẹbụọ 32:21

Ya Osolobuẹ nọ zi mmọn-ozi ohu, mmọn-ozi hụ nọ gbuchanrịn ndị-agha ile lẹ ndị-ndu lẹ ndị-isi ile rị ebẹhụ ndị-agha eze ndị Asiria ziẹntọ. Ya Sẹnakẹribụ nọ gi ifẹnrẹn lashi alị a. Ogẹn o gi banye ụlọ-mmọn a d'a rụa a, ụmụ ẹfọ a nọ gi ọpịa-agha gbu ẹ.

Ihiẹn Mẹni Nke Ẹbụọ 32:8

Ikẹn ịhịan mmaka sụọ k'o gi lala, kanị ẹnyi lẹ Osolobuẹ wụ Chuku ẹnyi hụn jẹnkọ d'e yeni ẹnyi ẹka, lụnị ẹnyi ọgụn, wị.” Ndị hụ nọ gi oku Hezikaya gwa wẹ kasị enwẹn wẹ obi.

Ẹzra 3:11

Wẹ hụ a bụ ẹbụ wẹ gi a ja Osolobuẹ mma lẹ hụn wẹ gi a kpanmịn a, a sị: Ọ rịka mma: O nwọn ihiẹn-ọsụsụọ Izrẹlụ jẹnrin ejẹn. Ịhịan ile nọ yini Osolobuẹ okẹn oro ịja-mma, makẹni e gbegụọ wẹ iyetọ ụlọ Osolobuẹ.

Ẹbụ-ọma 1:6

Osolobuẹ rị onyẹ ezi-omumẹ azụụn ụzọ hụ ọ ghakọ, kanị ụzọ ndị-njọ shikọ ntikpọ.

Ẹbụ-ọma 100:5

Makẹni Osolobuẹ arịka mma; o nwọnsọnmẹ ihiẹn-ọsụsụọ o kwe nkwa a jẹnrin ejẹn, ọ wụsọnmẹ onyẹ wẹ e gi dọn ẹnya, gha agbọ d'e ru agbọ.

Ẹbụ-ọma 20:1

Osolobuẹ ya dodo za ị oku ogẹn nsọngbu! Ẹfan Chuku Jekọpụ ya che i nche!

Ẹbụ-ọma 25:8

Onyẹ rị mma lẹ onyẹ zinrinni kẹ Osolobuẹ wụ; ya haịn o gi a kuzi ndị-njọ ụzọ a.

Ẹbụ-ọma 27:5

Makẹni, nsọngbu bịa, n'o chemẹghọ m imẹ Ụlọ a; n'o zuemẹghọ m imẹ Ụlọ-nsọ a, bu m che elu ọmụma jẹn elu.

Ẹbụ-ọma 37:39

Ẹka Osolobuẹ kẹ nzụọpụha gha a bịanị ndị ezi-omumẹ; ịya e kpumẹ wẹ ogẹn nsọngbu.

Ẹbụ-ọma 37:40

Osolobuẹ e yeni wẹ ẹka, a gbapụha wẹ; ọ gbapụha wẹ ẹka ndị-njọ, mẹ wẹ hụn isi makẹni ịya kẹ wẹ gbọnni.

Ẹbụ-ọma 46:2

Ya wụ, egun atụkọ ẹnyi, ọsụọn'a nị alị zinzin mọbụ nị ugu ile danyesọnmẹ ohimin;

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Ẹbụ-ọma 59:16

Mmẹ nwẹn, m k'e gi ẹbụ ku oku ikẹn i; ụtụntụn ile e gi m ihiẹn-ọsụsụọ ị bụ ẹbụ. Makẹni y'a wụrụgụọ ebe m'a gbaban, ebe m nọ a wanahịn nsọngbu.

Ẹbụ-ọma 71:3

Wụrụnị m ọmụma e che m nche, ebe m'a gbashi ogẹn ile; y'e kuọlẹ n'i k'a zụọpụha m, makẹni ịyụ wụ ọmụma m lẹ ebe m'a gbaban.

Ẹbụ-ọma 86:7

M'a kpọku i ogẹn nsọngbu, makẹni y'a za m aza.

Ẹbụ-ọma 9:10

Ndị marịnn'ị gi i e dọn ẹnya, makẹni onwọnni ogẹn yụ wụ Osolobuẹ gi a latọ ndị bịa d'e kunrunn'i.

Ẹbụ-ọma 91:15

O k'a kpọku m, a za m'a, m k'a nọyen'ẹ ogẹn nsọngbu; m k'a zụọpụha a, ye ẹ ọghọ.

Itẹn 18:10

Ẹfan Osolobuẹ wụ okẹn ụlọ zeni; ndị ezi-omumẹ gbaban a, a hụn wẹ isi.

Azaya 25:4

Ịyụ wụ ebe ndị igbẹnnyẹ a gbaban, ebe onyẹ mkpa gi a gbaban ogẹn nsọngbu ẹ, y'e kpumẹ ịhịan ebe okẹn ẹbi rị a kpọ, ị wụzị igungun ogẹn anwụn rị ma. Makẹni ihiẹn ndị ẹfọ-njọ rị e mẹ ịhịan nọ kẹ okẹn ẹbi rị a kpọ ẹhụ-ụlọ,

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 17:17

Dodo, erọnlẹ m nwan egun; ịyụ kẹ m'a gbaburu ogẹn nsọngbu.

Jerimaya 24:5

“Lee ihiẹn mmẹ Osolobuẹ hụn wụ Chuku Izrẹlụ rị e ku: Ogbe figi ndị ahụn rị mma wụ ndị Juda hụn m zipụ shi alị ndị Kal'di wụ Babilọnụ. M k'e weri wẹ kẹ ndị rị mma.

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Ẹkwan 3:25

Osolobuẹ e mẹyekẹni ndị gi ẹ dọn ẹnya — onyẹ ọwụlẹ hụn a chọ uche ẹ;

Daniẹlụ 3:28

Ya Nebukadineza nọ yi, “Ịja mma y'a rịnị Chuku Shẹdrakị, Mishakị lẹ Abẹdnego, hụn zi mmọn-ozi ẹ d'a gbapụha idibo ẹ, idibo ẹ hụn gi ẹ dọn ẹnya, pa oku eze, kweri ọnwụn, hụn nkẹ w'e gi fe mọbụ gbaye mmọn ọwụlẹ wezụka Chuku wẹ.

Daniẹlụ 6:23

Ẹfọ nọ sụọ eze ụsụọ ọda-ọda, ọ nọ zi wẹ d'a dọpụha Daniẹlụ imẹ olu hụ. A dọpụha wẹ Daniẹlụ, wẹ nọ hụn a n'o nwọnni ebe ọ rụ ẹhụ, makẹni o gi Chuku ẹ dọn ẹnya.

Juwẹlụ 3:16

Olu Osolobuẹ k'a gha Ugu Zayọnụ hanpụha kẹ olu ẹwọrọ rị e dẹnni; olu ẹ k'a gha Jerusalẹm hanpụha kẹ akpara (akpabọ). Elu-igwee lẹ ụwa k'e mẹhunmẹ. Kanị Osolobuẹ lẹ enwẹn ẹ k'e che ndị nke ẹ nche, ebe ndị Izrẹlụ a gbaban.

Zẹfanaya 3:12

M k'a latọnị ụnụ ndị nwọnlẹni ihiẹn wẹ kpọ wẹ lẹ ndị w'e legberi; wẹ k'e gi ẹfan Osolobuẹ dọn ẹnya.

Matiu 27:43

O gi Osolobuẹ dọn ẹnya; Osolobuẹ ya zụọpụha a nwan omẹni ọ chọghọ a. Makẹni, ọ sị, ‘Mmẹ wụ Nwa Osolobuẹ.’ ”

Matiu 7:23

Ogẹn hụ, m sikọ d'a gwapụ wẹ, sị, ‘Onwọnni ogẹn m gi marịn ụnụ; pụ nị ebeni, ndị e bi k'ọ sụọnị wẹ!’

Jọnụ 10:14

“Mmẹ wụ ezigbo onyẹ-ndu atụnrụn. A marịnghọ m atụnrụn m; atụnrụn m a marịnghọ m —

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Ndị Rom 11:22

Ebeni kẹ ẹnyi nọ hụn ẹfọma Osolobuẹ lẹ ẹka a zeni: ẹka zeni o gi e sọn ndị hụn danpụnị lẹ ẹfọma o gi e sọn ụnụ ndị kwerini — kasị a mẹ ni ụnụ nọdịhụkwọ ebe ẹfọma a nọ e ru ụnụ ẹka. Kanị, omẹni ụnụ anọdịsọnmẹni, ọ kwapụzịkwọ ụnụ nwẹn.

Ndị Galeshịa 4:9

Kanị hụnnị ụnụ marịngụ Osolobuẹ, mba, hụnnị Osolobuẹ marịngụ ụnụ, kị ụnụ burukọzịnị mmọn lẹ iwu lẹ ihiẹn ndị ahụn nwọnlẹni isi ndụn rịlẹni hụn ịhịan mmaka gi e dọn ẹnya nị ụnụ d'e họnrinzi igbọn wẹ?

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”