Nahum 1:6 - Ika

⁶ Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Nahum 1:6 Iomraidhean Croise

Ndị-nze Nke Ibuzọ 19:11

Osolobuẹ nọ sị a, “Pụha imẹ okporoni d'e wuzo elu-uguni ihun Osolobuẹ.” Osolobuẹ nọ ghafe: okẹn ufere nọ buruni Osolobuẹ ụzọ, e tiwa ugu hụ, e tikpọsọnmẹ ọmụma, kanị Osolobuẹ arị imẹ ufere hụ; ufere a kpọgụ, alị nọ mẹhunmẹ, kanị Osolobuẹ arịkwọ alị-ọmahihie hụ;

Jobu 26:11

Chuku ban mban, ihiẹn ndị gidọn elu-igwee e mẹhunmẹ, makẹni mban a a tụgbu wẹ ẹnya.

Jobu 40:11

Hupụha nwan ọnụma ị, lee onyẹ mpache ọwụlẹ ẹnya, y'e welụa a alị.

Jobu 9:5

O bupụ ugu wẹ gini d'a marịn; o hukpumẹdẹ wẹ ọ gha e bu olulu.

Ẹbụ-ọma 130:3

Ị gụnma njọ ịhịan, Osolobuẹ, onyẹ k'a s'ẹka wuzo?

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Ẹbụ-ọma 76:7

O furu nị w'a tụ egun i! Onyẹ k'a saẹka wuzo ihun i ebe ị rị e bu olulu?

Ẹbụ-ọma 76:8

Ị nọ gha elu-igwee ma ndị-iṅẹnrẹn i ikpe; alị nọ mama piripiri, gba nkịtịn,

Ẹbụ-ọma 90:11

Onyẹ k'a s'ẹka marịnchanrịn kẹ olulu i zehan? Kẹ ọnụma ị han kẹ wẹ gi a tụ egun i.

Azaya 10:16

Ufiri ẹ, Onyẹ-nwọnni-ẹnyi, hụn wụ Osolobuẹ Nwọn Ikẹn ile jẹnkọ d'e zi eje-emu e fie ịhịan ẹhụ ye imẹ igunrun ndị ahụn ile kin akwanran wẹ lẹ eze Asiria wị; ọghọ a jẹnkọ d'e nwunrun ọkụn nọkẹ ebe ọfịa rị e nwun ọkụn.

Azaya 13:13

M sikọ nwan d'e mẹhunmẹ elu-igwere, ụwa nkẹ e zinzinru alị yeni ọnụma Osolobuẹ ihiẹn ile rị okpuru ẹ, ụhụọhịn ahụn olulu ẹ k'a dụn kẹ ọkụn.

Azaya 27:4

Iwe arịzị e we m. Kanị, omẹni o puni m ogun-lẹ-ọkịnkan, a lụsọn m'a agha, e bi m ọkụn ye ẹ.

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Azaya 66:15

Lekwọn'a, Osolobuẹ gi ọkụn lala, ụgbọ-ẹshin ẹ nọ kẹ okẹn ufere, ọ lala d'e gi okẹn olulu ghọsị iwe rị a obi, ọ lala d'e gi ọkụn jụgbọ ọjụgbọ a.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Ẹkwan 2:3

Ọ gigụọ okẹn-olulu ẹ kwọnpụchanrịn mpịn ile Izrẹlụ gi a lụ ọgụn. O serigụọ ẹka-nni ẹ o gi a lụnị Izrẹlụ ọgụn — ihun ndị-iṅẹnrẹn wẹ. Ọ dụngụọ kẹ ọkụn imẹ alị Jekọpụ dụnpụ ihiẹn ile nọkunmẹn'ẹ.

Ẹkwan 2:4

O kwọngụọ ụta a nọkẹ eṅẹnrẹn, ẹka-nni ẹ a dọgụọ ụta a. O mẹgụọ kẹ onyẹ-iwe gbuchanrịn ndị ile rị mma ẹnya, o hugụọ ọnụma a kẹ ọkụn kpu Nwagbọọ wụ obodo Zayọnụ.

Ẹkwan 4:11

Osolobuẹ ebuhọdụnị olulu; o hupụhagụọ okẹn-olulu ẹ. Ọ mụgụọ ọkụn ye Zayọnụ, ọkụn hụn dụnpụ a ru iyetọ a.

Izikẹlụ 21:31

M k'e hu ọnụma m kpu i, fụ olulu ọkụn m kpu i; m k'e we i che ẹka ndị ẹfọ jọ, ndị ahụn marịn ẹnya ntikpọ.

Izikẹlụ 30:16

M k'a mụ ọkụn ye Ijiptu; alị Pelusumu Ijiptu k'a rị imẹ afụnfụn a marịrị; Tẹbẹsi nkẹ sikọ nwan d'a dan; ndị iṅẹnrẹn k'a maye Mẹmfisi ebe eki rị elu.

Izikẹlụ 39:6

M k'e zi ọkụn ye alị Magọgụ lẹ alị ndị hụ ẹhụ fu rị mkpẹnrẹn ohimin ibẹka hụ, e gi w'ẹ marịn nị mmẹ wụ Osolobuẹ.

Izikẹlụ 7:8

“M'e d'e gi olulu m mẹ ụnụ ihiẹn, mẹchanrịn ụnụ ya k'ọ han m obi; m k'e ye ụnụ afụnfụn ihiẹn ụnụ mẹ; m jẹnkọ d'a kụ ụnụ ụgwọ arụ ile ụnụ mẹ.

Nahum 1:2

Chuku ẹnya a fụ lẹ hụn e mẹgwarịnị kẹ Osolobuẹ wụ; Osolobuẹ e mẹgwarị emẹgwarị, e bu olulu ọda-ọda; Osolobuẹ e mẹgwarị ndị iṅẹnrẹn ẹ, ọ tọ e buni ndị-iṅẹnrẹn ẹ olulu.

Zẹfanaya 2:2

Mẹ n'ẹ Osolobuẹ gini d'e mẹ ụnụ ihiẹn o ku; amamgbe ogẹn ụnụ e gi wanahịn a ghafe kẹ ẹfịfịa ufere bupụ; amamgbe olulu Osolobuẹ nọ kẹ ọkụn e kunrun ụnụ, amamgbe ogẹn ahụn Osolobuẹ e gi ghọsị eje-olulu ẹ e kunrun ụnụ!

Malakaị 3:2

Kanị, onyẹ k'a hụn isi ogẹn o k'e gi bịa? Onyẹ k'a s'ẹka turu mgbe o gi pụha? Makẹni, ọ nọ kẹ ọkụn wẹ gi a dụnchanpụ nsịn-igwe lẹ ncha wẹ gi a sụ ẹkwa!

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Rẹvẹleshọnụ 16:1

Ya m nọ nụ kẹ olu hannị gha imẹ Ụlọ-nsọ elu-igwee ebẹhụ gwa ndị mmọn-ozi ẹsa hụ oku, sị wẹ, “D'e hu ni iwe-lẹ-ọnụma Osolobuẹ rị imẹ afẹrẹ ẹsanị ye elu-ụwa.”

Rẹvẹleshọnụ 16:8

Mmọn-ozi nke ẹnọ nọ hu ihiẹn rị afẹrẹ a ye ẹnyanwụn, mẹ anwụn ma ịhịan ọda-ọda.

Rẹvẹleshọnụ 6:17

makẹni okẹn ụhụọhịn wẹ e gi ghọsị ọnụma a bịagụọ! Onyẹ jẹnkọ d'a sa ẹka wuzo!”