Nahum 1:2 - Ika

² Chuku ẹnya a fụ lẹ hụn e mẹgwarịnị kẹ Osolobuẹ wụ; Osolobuẹ e mẹgwarị emẹgwarị, e bu olulu ọda-ọda; Osolobuẹ e mẹgwarị ndị iṅẹnrẹn ẹ, ọ tọ e buni ndị-iṅẹnrẹn ẹ olulu.

Nahum 1:2 Iomraidhean Croise

Jobu 20:23

O rijungụ ẹfọ, Chuku e gi okẹn olulu mẹ ẹ ihiẹn — kị nsọngbu nụman'a.

Ẹbụ-ọma 94:1

Osolobuẹ, Chuku hụn e mẹgwarị ndị-njọ; Chuku hụn e mẹgwarị ndị-njọ, dodo ghọsị nwan ẹka ị!

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Ọpụpụ 34:14

Efekwọlẹ ni mmọn ọwụlẹ cheni m, makẹni mmẹ, Osolobuẹ hụn ẹfan a wụ ‘Hụn Ẹnya A Fụ’, wụ Chuku hụn ẹnya a fụ.

Ọpụpụ 34:7

e mẹni onyẹ nkẹ ẹ d'e rudẹ agbọ nnụ-nnụ, a gbagharị eje-ihiẹn, nnupụ-isi lẹ njọ — bụ ara nị onyẹ mẹ eje-ihiẹn la ọfẹ; o gi njọ nẹdi mẹ e sọn ụmụ lẹ ụmụ-ụmụ d'e ru agbọ nke ẹtọ lẹ nke ẹnọ.”

Azaya 42:13

Osolobuẹ k'a pụha kẹ odogun-agha, o k'a kpasu enwẹn ẹ kẹ onyẹ-agha; o k'e weshi olu elu yi oro-agha, o k'e mẹri ndị-iṅẹnrẹn ẹ.

Azaya 51:17

Tẹnhin! Tẹnhin ụran! Jerusalẹm, lihi ọtọ! Ịyụ hụn ragụ afụnfụn hụn Osolobuẹ zihẹ imẹ mkpu hụn o buche ọnụma a; y'a ragụọ a, rachanpụdẹ ẹrụrụ a, mkpu hụ hụn e mẹ ịhịan a hanfie ụkụ.

Azaya 51:20

Ụmụ ị ikẹnnyẹ a sọhịgụọ, fiẹnrinsọnmẹ ọgbara-ogbe ile, nọkẹ mgbadan ọnyan nwụndọn. A ragụọ wẹ ọnụma Osolobuẹ, rajun ẹfọ — ya lẹ ọjụgbọ Chuku i jụgbọ wẹ.

Azaya 66:15

Lekwọn'a, Osolobuẹ gi ọkụn lala, ụgbọ-ẹshin ẹ nọ kẹ okẹn ufere, ọ lala d'e gi okẹn olulu ghọsị iwe rị a obi, ọ lala d'e gi ọkụn jụgbọ ọjụgbọ a.

Jerimaya 25:15

Lee ihiẹn Osolobuẹ wụ Chuku Izrẹlụ gwa m: “Narịn m mkpuni rị m ẹka — mkpu afụnfụn jun, n'ị hụn ụzọ mẹ ndị alị ile m zikọ ị rarị a.

Jerimaya 28:8

Gha alị lala, amụma agha lẹ ụnwụn lẹ eje-emu kẹ ndị-amụma hụn buni mmẹ lẹ ịyụ ụzọ bumẹ amụma busọnmẹ banyeni alị ichẹn-ichẹn bu ọda lẹ okẹn alị-eze bu ọda.

Jerimaya 3:5

n'ị tọ e ze ize? N'i busọnmẹ olulu jẹnrin ejẹn?’ Ẹnịna kẹ ụnụ e ku, kanị ụnụ e mẹsọnmẹ eje-ihiẹn ile a nị ụnụ e mẹ.”

Jerimaya 36:7

Ikẹnkwọ nị wẹ rịọghọ Osolobuẹ n'ọ gbagharị wẹ, onyẹ-onyẹ a latọ eje-obibi ẹ, makẹni Osolobuẹ e kugụọkwọ a n'o k'e gi okẹn iwe lẹ okẹn-ọnụma mẹshi ndịnị ikẹn.”

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 50:15

Yi ni n'ẹ oro-agha azụụn ile! Ọ rịọmagụọ dodo! Ụlọ-agha a ile a dangụọ! E tikpọchanrịn wẹ mgbọn ẹ! makẹni mmẹ wụ Osolobuẹ rị e mẹgwarị a. Mẹgwarị n'a! Mẹ n'ẹ ihiẹn o mẹ ndị ọzọ!

Ẹkwan 4:11

Osolobuẹ ebuhọdụnị olulu; o hupụhagụọ okẹn-olulu ẹ. Ọ mụgụọ ọkụn ye Zayọnụ, ọkụn hụn dụnpụ a ru iyetọ a.

Izikẹlụ 36:6

Osolobuẹ sị, “Bu nwan amụma banyeni alị Izrẹlụ, sị ugu lẹ òke lẹ mgbugbu lẹ ọdanmgbugbu: Osolobuẹ Nwọn Ihiẹn Ile sị: E gigụọ m ọnụma lẹ ẹnya rị a fụnị m ku oku yeni mkpari ụnụ rị a narịn ẹka alị ndị ọzọ.

Izikẹlụ 38:18

Lee ihiẹn k'e mẹni ụhụọhịn ahụn: Ogẹn Gọgụ e gi bịa d'a lụsọn alị Izrẹlụ agha, m k'e bu olulu ọda-ọda. Ya kẹ Osolobuẹ Nwọn Ihiẹn Ile ku.

Izikẹlụ 38:19

M rị e gi ẹnya rị a fụnị m lẹ okẹn olulu rị e buni m e ku ihiẹnni: nị alị k'e zinzin ọda-ọda imẹ alị Izrẹlụ ogẹn ahụn.

Izikẹlụ 39:25

“Osolobuẹ Nwọn Ihiẹn Ile sị: M k'e wepụha nwan ebọn Jekọpụ ẹka ndị gini wẹ. Ẹghẹẹ, m sikọ nwan d'e mẹ omikẹn Izrẹlụ ile; m sikọ d'e mẹ nị m dọnmẹ Ẹfan-nsọ m.

Izikẹlụ 5:13

“ ‘Ogẹn ahụn, olulu m a rọ, ọnụma m a kụsị; ẹfọ e jun m. Ya wụ, m mẹchanrịngụ wẹ ihiẹn m k'e gi ọnụma m mẹ wẹ, a marịn wẹ nị mmẹ wụ Osolobuẹ rị nwan e gi ẹnya rị a fụnị m a gwa wẹ ihiẹnni.

Izikẹlụ 6:12

Eje-emu k'e gbu ndị rị ebe teni, ọpịa-agha e gbu ndị rị nsue, ẹgụn e gbu ndị họdụnị wẹ gbulẹni, olulu m e ruchanrịn wẹ ẹhụ k'ọ rị m obi.

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Juwẹlụ 2:18

Ẹnya jẹnkọ d'a fụ Osolobuẹ makẹ alị a, o gi ẹ mẹni ndị nke ẹ omikẹn.

Lẹvitikọsụ 26:28

m k'e gi olulu bunụmanị ụnụ; mmẹ lẹ enwẹn m k'e ye ụnụ afụnfụn njọ ụnụ mmagi-mmagi, ụzọ ẹsa.

Maịka 5:15

M k'e gi iwe lẹ olulu mẹgwarị alị ndị ahụn humẹlẹnini m isi.”

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Zẹkaraya 1:14

Mmọn-ozi hụn rị a gwa m oku nọ sị m, ‘Gwa wẹ ihiẹnni: Ọnwan wụ ihiẹn Osolobuẹ ihiẹn ile rị okpuru ẹ ku: ezioku-ezioku, ọ rị a dụ m nị m dọnzi Jerusalẹm lẹ Zayọnụ; ọ rị a dụ m ọda-ọda,

Zẹkaraya 8:2

“Ọnwan wụ ihiẹn Osolobuẹ ihiẹn ile rị okpuru ẹ ku: Ụya Jerusalẹm rị e ri a fụka m; ọ hụ a fụ m, e bu m olulu ọda-ọda!

Ọgụngụn 25:11

“Finẹhasị nwa Ẹliẹza nwa Ẹrọnụ onyẹ nchụn-ẹjan a rọgụọ olulu m rị e busọn ndị Izrẹlụ, makẹni o giọlẹ ụdị ẹnya rị a ụfụnị m shi ọnwụn kẹni wẹ ye m ọghọ m; ịya haịn m gizilẹni gi ẹnya-ụfụ gbupụ wẹ.

Ndị Rom 12:19

Ndị ọwụ m, emẹgwarịlẹ ni; ka la nị mmẹgwarị tọnị Osolobuẹ, makẹni Ẹkụkwọ-nsọ sị, “Di-nwọnni-ẹnyi sị, ‘Mmẹ nwọn mẹgwarị; mmẹ k'a kụ ụgwọ.’ ”

Ndị Rom 13:4

Makẹni odibo Osolobuẹ k'ọ wụ: ọ rị a rụn n'ọ rịnị ị mma. Kanị, i mẹ eje-ihiẹn, egun ẹ ya tụmakwọ ị, nị ẹlẹ o gi ọpịa-agha hụ mmaka! Odibo Osolobuẹ k'ọ wụ, ịya kẹ Osolobuẹ gi e ye ndị mẹ eje-ihiẹn afụnfụn.

Ditrọnọmi 4:24

Makẹni, Osolobuẹ wụ Chuku ụnụ wụkwọ ọkụn e bu ihiẹn e ri, Chuku ghalẹni e gi ẹnya a hụn kẹ ihiẹn ọzọ weri ọnọdị a k'ọ wụ.

Ditrọnọmi 7:10

Nke ndị hụn ize ẹ e ze, o mẹgwarị wẹ idẹnya wẹ hụn o gi tikpọ wẹ; ẹghẹẹ, o mẹgwarị ndị ahụn ize ẹ e ze idẹnya wẹ, a ra lee ẹnya azụụn.

Hibru 10:30

Makẹni ẹnyi a marịnghọ Osolobuẹ, onyẹ hụn sị, “Mmẹ nwọn e mẹgwarị; m k'a kụ wẹ ụgwọ;” sịzị, “Di-nwọnni-ẹnyi jẹnkọ d'e kin ndị nke ẹ ikpe.”

Joshụa 24:19

Kanị Joshụa nọ sị wẹ, “Ụnụ asakọ ẹka fe Osolobuẹ, n'ọ wụkwọ Chuku rị nsọ; Chuku ẹnya a fụ ụfụ k'ọ wụ; ọ gbagharịkọkwọ ụnụ nnupụ-isi lẹ njọ.

Pita Nke Ẹbụọ 2:9

wẹ ile ghọsị nị Di-nwọnni-ẹnyi ma gbapụha ndị e fen'ẹ imẹ ọnwụnwan, e bu ndị-njọ e che imẹ afụnfụn d'e ru Ụhụọhịn okinkin-ikpe,