Nahum 1:12 - Ika

¹² Osolobuẹ sị Izrẹlụ: Ọsụọn'a nị ndị Ninivẹ e zekẹ, ọsụọn'a nị e bukẹ wẹ ọda, wẹ k'e tikpọ wẹ, nke wẹ a gụ. Ọsụọn'a nị e yeọlẹ m ụnụ afụnfụn nkesi, eyekọzị m ụnụ afụnfụn.

Nahum 1:12 Iomraidhean Croise

Ndị-nze Nke Ẹbụọ 19:35

Imẹ uhinhin ahụn, mmọn-ozi Osolobuẹ nọ ban ebe ndị-agha Asiria ziẹntọ, gbu ndị-agha nnụ-uku isẹn-kwasị-nnụ-itenẹi (185,000). E tẹnhin wẹ ụran ụz'ụtụntụn, e lee ozun wẹ ile!

Ndị-nze Nke Ẹbụọ 19:37

Ụhụọhịn ohu, ebe ọ rị imẹ ụlọ-mmọn Nis'rọkụ hụn wụ mmọn a, a rụa a, ya ụmụ a ikẹnnyẹ ẹbụọ wụ Adramẹlẹki lẹ Sharẹza nọ gi ọpịa-agha gbu ẹ, gbashi alị Araratị. Ya kẹ nwa a wụ Ẹsahadọnụ nọ nọkin ẹnya a, kịma.

Ọpụpụ 12:12

“M jẹnkọ d'a ghagbarị alị Ijiptu uhinhinni, gbupụ okẹnnyẹ ibuzọ ọwụlẹ — kẹ ịhịan kẹ anụ, hangbu mmọn ile ndị Ijiptu e fe eṅẹn. Mmẹ wụ Osolobuẹ.

Azaya 10:16

Ufiri ẹ, Onyẹ-nwọnni-ẹnyi, hụn wụ Osolobuẹ Nwọn Ikẹn ile jẹnkọ d'e zi eje-emu e fie ịhịan ẹhụ ye imẹ igunrun ndị ahụn ile kin akwanran wẹ lẹ eze Asiria wị; ọghọ a jẹnkọ d'e nwunrun ọkụn nọkẹ ebe ọfịa rị e nwun ọkụn.

Azaya 17:14

Ẹnyasị, okẹn egun a tụma wẹ idẹnmizi; eki gini d'e fọn, arịkọzị w'a! Ịya e mẹ ndị a kwanarịn ẹnyi ihiẹn ẹnyi, ya wụ ihiẹn rịnị ndị e gbu ẹnyi e weri ihiẹn ẹnyi.

Azaya 30:19

Ụnụ ndị Zayọnụ, ndị bi Jerusalẹm, ụnụ akwankọzị ẹkwan. O jẹnkọ d'e mẹni ụnụ omikẹn ọda-ọda ụnụ kwanghọsị a! Hụn o gihụ nụ ẹkwan ụnụ, o k'a za ụnụ.

Azaya 31:8

“Ogẹn hụ, ọpịa-agha k'e gbu ndị Asiria, kanị ẹlẹ ọpịa-agha ịhịan; ọpịa-agha Osolobuẹ k'e gbu wẹ, ẹlẹ nke ịhịan, a gbanị wẹ ọpịa-agha hụ ọsọ; wẹ k'a nwụndọn ikorọbịa wẹ, gi wẹ họnrin igbọn.

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Azaya 51:22

Di-nwọnni-ẹnyi wụ Osolobuẹ, Chuku i, hụn a lụnị ndị nke ẹ ọgụn, sị, “Lee ẹ, a napụgụọ m'ị mkpu ahụn e te mẹ i a hanfie ụkụ; y'a rakọzị ihiẹn rị imẹ mkpu hu, mkpu hụ m buche ọnụma m.

Azaya 7:20

Ogẹn ahụn, Osolobuẹ jẹnkọ d'a gha alị rị nfetu Iyi Yufretisi wẹhẹ ẹbeke-isi, hụn wụ eze Asiria, gi ẹ kọpụchanrịn ịhịan ntutu lẹ ẹṅẹnrẹn-ụkụ, gizi ẹ kpụnpụ ịhịan ẹtu.

Azaya 8:8

huru Juda ile, rukpumẹ ẹ, rudẹ ịhịan olu. Ẹka-nku ẹ k'a shịakpumẹchanrịn alị ị, ịyụ, Imanuẹlụ.”

Daniẹlụ 11:10

Mmụ a k'a kwademẹ agha, wegbama igunrun hi ogbe ndị jẹnkọ d'a lụ agha, e huru wẹ kẹ okẹn mirin wẹ ghalẹni a sa ẹka e gbọndọn lụ ọgụn ahụn d'e rukwọrị obi-eze eze alị rị ẹbamịn-ndịdan.

Juwẹlụ 2:19

Ọ za wẹ, sị, “M zila nị ụnụ ọka lẹ manya lẹ ofigbọn-olivu hụn k'e jun ụnụ ẹfọ; emẹkọzị m ụnụ wụrụ ihiẹn alị ndị ọzọ e legberi.

Nahum 1:15

E lee ni ụkụ onyẹ rị elu ugu gi ozi rị mma lala! Ọ hụ e yi, “Ihiẹn ile a rịgụọ mma! Ndị Juda mẹmẹzi ni mmẹmmẹ ụnụ! Mẹni ni nwan Osolobuẹ nkwa ụnụ kwe ẹ; ndị-ejẹ ahụn amayekọzị ụnụ! Wẹ k'e tikpọchanrịn wẹ!”

Rẹvẹleshọnụ 7:16

Ẹgụn ihiẹn-oriri lẹ ihiẹn-ọrịra agụnkọzị wẹ. Kẹ anwụn kẹ ihiẹn ọwụlẹ a nụ ọkụn amakọzị wẹ.