Nahum 1:10 - Ika

¹⁰ Ndị iṅẹnrẹn ẹ k'a nọ kẹ ogun kụtọnị, a danhunmẹ kẹ ndị manya rị a tụ; ọkụn sikọ d'e rẹnpụ wẹ nọkẹ ẹfịfịa ọkpọ-nkụn.

Nahum 1:10 Iomraidhean Croise

Samuẹlụ Nke Ẹbụọ 13:28

Absalọm nọ sị idibo ẹ, “Gọn ni ntịn! Hụn manya gi nwunyemẹ Amnọnụ ẹnya, m sịhụ ụnụ, ‘Gbu ni Amnọnụ,’ ụnụ e gbu ẹ. Atụkwọlẹ ni egun. Mmẹ gwa ụnụ — ẹlẹ ya? Atụlẹ ni egun; mẹn'ẹ.”

Ẹbụ-ọma 118:12

Wẹ te kpụ m nọkẹ ẹnwụn, kanị wẹ nọ tinyụnhụ kẹ ọkụn ẹwụwụ, makẹni m gi ikẹn rị ẹfan Osolobuẹ tikpọ wẹ!

Ẹbụ-ọma 68:2

Y'a chụ wẹ kẹ ufere dọn e bu ẹnwụnrụn; kẹ ọkụn dọn a rịnranpụ ofigbọn, ẹrịra kẹ Chuku e tikpọ ndị-ejẹ a la iwi.

Ọpụpụ 15:7

Okẹn ikpẹn i k'i gi mẹri ndị lụsọn i ọgụn. Ọnụma ị rị a dụn kẹ ọkụn k'i gi sọn wẹ, ọ nọ dụnpụ wẹ kẹ ẹfịfịa ọkpọ-nkụn.

Ọpụpụ 5:12

Ya kẹ ndị Izrẹlụ nọ wahunmẹmẹ alị Ijiptu d'e huerisọnmẹ ukun ọka-witi wẹ be isi tọ anị gi họnrin ẹfịfịa ọkpọ-nkụn.

Azaya 27:4

Iwe arịzị e we m. Kanị, omẹni o puni m ogun-lẹ-ọkịnkan, a lụsọn m'a agha, e bi m ọkụn ye ẹ.

Azaya 47:14

E Lee ẹ, wẹ nọ nwan kẹ irurue ọkpọ-nkụn; ọkụn k'a dụnpụ wẹ! Asakọdẹ wẹ ẹka zụọpụha enwẹn wẹ imẹ ọkụn. Ọnwan ẹlẹkwọ ikeke-ọkụn ịhịan gi a chụ oyi, ọnwan ẹlẹkwọ ọkụn w'a nyan.

Azaya 5:24

Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Azaya 56:12

Onyẹ-onyẹ hụ a sị, “Bịa nị, nị ẹnyi ra manya! Nị ẹnyi gi manya e nwunye ẹnya rajungụdẹ ẹfọ! N'o nwọnni ihiẹn k'e mẹni — ekile k'a nọzị kẹ tannị, mọbụ kadẹ tannị mma!”

Azaya 9:18

Eziẹ, eje-obibi rị a dụn kẹ ọkụn; ọ dụnpụ ogun-lẹ-ọkịnkan; ọ mụdẹ ọkụn e ye ẹgboko kin ẹnya, hụn ẹnwụnrụn a gidẹ a lọshi elu.

Jerimaya 51:39

Ẹkpịrị ghọrị wẹ ụkọ, e mẹmẹni m wẹ oriri, mẹ wẹ ra, tụ, ẹhụ a tụma wẹ ọda-ọda, a ranhịn wẹ ranhịnchanrịn, etẹnhinkọzị wẹ.” Mmẹ wụ Osolobuẹ ku ẹ.

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Maịka 7:4

Mma wẹ e mẹ nọ kẹ ogun; onyẹ hụn kụrụ ọtọ imẹ wẹ akanị ụgba ogun-lẹ-ọkịnkan mma. Kanị ogẹn ahụn ndị-nche ụnụ gwatọ ụnụ a bịagụọ, ogẹn m'e gi ye ụnụ afụnfụn; o sikọ d'a gba ụnụ ngharị-ẹnya!

Nahum 3:11

Yụ nwẹn wụ Ninivẹ k'a razịkwọ manya m wụ afụnfụn, tụ; i k'e jẹn d'a warị, a chọ ebe y'a gbabannị ndị iṅẹnrẹn i!

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Samuẹlụ Nke Ibuzọ 25:36

Ogẹn Abigẹlụ gi lụaha, jẹn d'e kunrun Nabalụ, Nabalụ rị ụlọ; ọ kpọgụọ oriri kẹ eze; ẹhụ hụ a tụ a, ọ ragbugụọ enwẹn ẹ manya ọda-ọda. Ya Abigẹlụ nọlẹni gwa a ihiẹn ọwụlẹ eki e we fọn.