Matiu 7:21 - Ika

²¹ “Ẹlẹ ndị ile a kpọ m ‘Di-nwọnni-ẹnyi’, ‘Di-nwọnni-ẹnyi’ jẹnkọ d'a banye Alị-eze elu-igwee, kanị ndị hụn e mẹ uche Nẹdi m rị elu-igwee sụọ.

Matiu 7:21 Iomraidhean Croise

Matiu 12:50

Makẹni, onyẹ hụn e mẹ uche Nẹdi m rị elu-igwee, ịya wụ nwẹnẹ m okẹnnyẹ, ịya wụ nwẹnẹ m okpoho, ịya wụ nnẹ m.”

Matiu 16:17

Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.

Matiu 18:10

“Hụn n'a nị ụnụ elegberini hụn ọwụlẹ imẹ ndị ntanị kwerinini m. Makẹni, m rị a gwa ụnụ, ndị mmọn-ozi wẹ rị ihun Nẹdi m rị elu-igwee e lee ihun ẹ ogẹn ile.

Matiu 18:19

M rịzị a gwa ụnụ ezioku, omẹni mmadụ ẹbụọ imẹ ụnụ e kwerigbama elu-ụwanị rịọ ihiẹn ọwụlẹ, Nẹdi m rị elu-igwee sikọ d'e mẹni ụnụ ya.

Matiu 18:3

“M rị a gwa ụnụ ezioku, omẹni ụnụ ehutọnị wụrụ ndị nọ kẹ ụmụẹka, onwọnni ogẹn ụnụ e gi banye Alị-eze elu-igwee.

Matiu 18:35

“Ẹrịra kẹ Nẹdi m rị elu-igwee jẹnkọ d'e mẹzikwọ ụnụ, omẹni ụnụ egini obi ụnụ ile gbagharị nwẹnẹ ụnụ.”

Matiu 19:24

M rịzị a gwa ụnụ, ọ ka nfe nị anyịnyan-mkpukpuke wụ kamẹlụ ghafe ẹnya olodẹn karị nị ọdanfịn banye Alị-eze Osolobuẹ.”

Matiu 25:10

Ogẹn wẹ gi jẹnmẹgụ d'e ṅọnrin mirin-ukpẹ, okẹnnyẹ hụn jẹnkọ d'a gba ẹkụkwọ nọ banhan; ndị hụ kwademẹni nọ sọn ẹ banye d'e ri oriri agbamẹkụkwọ hụ, wẹ nọ gụnma ụzọ.

Matiu 25:21

“Di-nwọnn'ẹ nọ sị, ‘Ezigbo odibo wẹ gi e dọn ẹnya! Y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’

Matiu 26:39

O jẹnshi ihun ẹkẹrẹ, ọ nọ tụha enwẹn ẹ ye alị, bu ihun kpumẹ alị, mẹ ekpere, sị, “Baba, omẹni ọ rịghọ nfe, anịlẹ m ra mkpuni; kanị, uche i y'a mẹ, ẹlẹ uche m.”

Matiu 26:42

Ọ nọ pụzị nke mgbe ẹbụọ, mẹ ekpere, sị, “Baba, omẹni mkpu afụnfụnnị asaẹka ghafe mmanị m ra, uche i ya mẹ.”

Makị 3:35

Onyẹ ọwụlẹ hụn e mẹ uche Osolobuẹ wụ nwẹnẹ m okẹnnyẹ lẹ nwẹnẹ m okpoho lẹ nnẹ m.”

Makị 9:47

Ẹnya ị haịn ị mẹ njọ, gụpụ a, ọ ka mma n'i gi ẹnya ohu banye Alị-eze Osolobuẹ karị n'ị nwọn ẹnya ẹbụọ, a tụ wẹ i ye ọkụn-mmọn.

Luku 11:28

Kanị Jesu nọ sị, “Mba, ndị nwọn ngọzi wụ ndị hụn a nụ oku Osolobuẹ, e gi ẹ e bi!”

Luku 13:25

“Makẹni, onyẹ nwọn ụlọ ma ama gụnma ụzọ, ụnụ e turu ezi ebahụn dụma ẹka ọnụmụzọ, a sị, ‘Di-nwọnni-ẹnyi, dodo gụnpụnị ẹnyi ụzọ!’ O jẹnkọ d'a za ụnụ, sị, ‘Amarịn m ebe ụnụ gha bịa!’

Luku 18:25

O sikọ d'a ka anyịnyan-mkpukpuke wụ kamẹlụ nfe ịgha ẹnya-olodẹn karị nị ọdanfịn banye Alị-eze Osolobuẹ.”

Luku 6:46

“Kị haịn ụnụ gi a kpọ m ‘Di-nwọnni-ẹnyi, Di-nwọnni-ẹnyi,’ bụ ụnụ ara mẹ ihiẹn m ku?

Jọnụ 14:7

Omẹni ụnụ te marịn m amarịn, nkẹ ụnụ a marịnzị Nẹdi m. Ụnụ a marịngụọ a nwan gha kikẹnni jẹnmẹ; ụnụ a hụngụọ a.”

Jọnụ 15:23

Onyẹ ize m rị e ze, ize Nẹdi m rị e ze ẹ.

Jọnụ 3:5

Jizọsị nọ sị a, “Ezioku kẹ m rị a gwa ị, mmanị wẹ gi mirin lẹ Mmọn-nsọ mụ ịhịan, ọ saẹka banye Alị-eze Osolobuẹ.

Jọnụ 5:17

Kanị Jizọsị nọ sị wẹ, “Echẹn kẹ Nẹdi m rị a rụn, mmẹ nwẹn hụkwọ a rụn.”

Jọnụ 6:40

uche Nẹdi m wụ nị onyẹ hụn Nwa, kwerin'ẹ, jẹnkọ d'e nwọn ndụn itẹbitẹ; m sikọ d'e weli ẹ Ụhụọhịn ikpanzụụn.”

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 2:13

Makẹni ẹlẹ ndị a nụhụ ihiẹn Iwu ku kẹ Osolobuẹ e kuni ọhụnma kanị ndị e mẹ ihiẹn Iwu ku.

Ndị Ẹfẹsọsụ 6:6

Ẹlẹkwọ idẹnya wẹ sụọ — kẹni ịhịan sị ụnụ hụ a rụn — kama, e gi ni akpakalị obi ụnụ e mẹ ẹ rịkẹ igbọn Kraịstị makẹni uche Osolobuẹ rọ.

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Ndị Tẹsalonika Ibuzọ 4:3

Makẹni, uche Osolobuẹ wụ nị ụnụ rị nsọ; nị ụnụ jụ ughẹrẹ jụchanrịn;

Ndị Tẹsalonika Ibuzọ 5:18

E ye ni ekele imẹ ọnọdị ọwụlẹ, makẹni ọnwan kẹ Osolobuẹ chọ ẹka ụnụ imẹ Kraịstị wụ Jesu.

Taịtọsụ 1:16

Wẹ sị n'a marịnghọ wẹ Osolobuẹ, kanị wẹ e gi ihiẹn w'e mẹ a ghọsị n'a marịn w'a. Wẹ wụ ihiẹn-izize; wẹ a gba isi-akwanran; w'a ra saẹka mẹ ihiẹn ọwụlẹ rị mma.

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Hibru 4:6

Ebe o mẹ ni oghere ịhịan e gi banye d'e zu ikẹn hụ hụzị a, bụ ndị hụ bu ụzọ nụ oziọma abanyeni makẹni wẹ nupụ isi,

Jemisi 1:22

A wụ nị ndị e mẹ ihiẹn Osolobuẹ ku, ẹlẹ ndị a nụ ọnụnụ-ọnụnụ sụọ, e dufie enwẹn wẹ.

Pita Ibuzọ 2:15

Ẹrịra kẹ Osolobuẹ chọ a, nị ụnụ gi imẹ-mma kpukin ndị-nzuzu rị e ku ihiẹn wẹ marịnlẹni ọnụ;

Pita Ibuzọ 4:2

Ara bizi k'ọ rị a; kama, o bi ndụn a họdụnị elu-ụwa n'o mẹ uche Osolobuẹ.

Rẹvẹleshọnụ 2:27

o k'e gi ọkpọ-igwe kị wẹ; o k'e tikpọchanrịn wẹ lekẹ ite ụrụa,

Rẹvẹleshọnụ 22:14

Ngọzi rịnị ndị ahụn sụ ẹkwa wẹ, kẹni wẹ nị wẹ ri mkpụrụ osisi ahụn e ye ndụn, kẹni wẹ gha ọnụ-mgbọn hụ banye imẹ obodo hụ.

Rẹvẹleshọnụ 3:5

Onyẹ hụn mẹrini k'e yi ẹkwa ọchan; onwọnni ogẹn m'e gi finchanpụ ẹfan a imẹ ẹkụkwọ ndụn-itẹbitẹ! M k'a nọ idẹnya Nẹdi m lẹ ndị mmọn-ozi ẹ kpọ ẹfan hụnyẹ, ku oku ẹ ọhụnma.