Matiu 6:9 - Ika

⁹ “E mẹ ni nwan ekpere ẹnịna: ‘Nẹdi ẹnyi hụn rị elu-igwee, mẹ ịhịan ile dọnmẹ ẹfan ị nsọ.

Matiu 6:9 Iomraidhean Croise

Samuẹlụ Nke Ẹbụọ 7:26

kẹni ẹfan ị nwọnferi ọghọ — wẹ k'e gi rị a sị, ‘Osolobuẹ ihiẹn ile rị okpuru ẹ wụ Chuku Izrẹlụ nke-esi.’ Ikpụlọ odibo i wụ Defidi k'e gi ẹ rịsọnmẹ ihun i!

Ndị-nze Nke Ibuzọ 8:43

dodo, gha elu-igwee, ebe-obibi i, nụ, y'e mẹ ihiẹn ọwụlẹ otumunyẹ hụ rịọ ị, kẹni ndị ile rị ụwa marịn Ẹfan ị, tụ egun i kẹ ndị nke i wụ Izrẹlụ dọn e mẹ, lẹni wẹ hụn ụzọ marịn nị Ẹfan ị kẹ wẹ gi tụn Ụlọnị m tụn.

Ihiẹn Mẹni Nke Ibuzọ 17:24

kẹn'ọ bụn, ẹfan ị a kpọgbarị, a sị wẹ, ‘Osolobuẹ ihiẹn ile rị okpuru ẹ, hụn ndị Izrẹlụ e fe wụ Chuku Izrẹlụ nke-esi!’ Ikpụlọ odibo i wụ Defidi e turusọnmẹ ihun i.

Ihiẹn Mẹni Nke Ẹbụọ 20:6

sị: “Euu, Osolobuẹ, Chuku ndị nẹdi ẹnyi, ịyụ sụọ wụ Chuku hụn rị elu-igwee. Ịyụ rị a kị alị-eze ile rị alị ile. Ikẹn lẹ akwanran rị ị ẹka, onwọnni onyẹ k'a s'ẹka che i ọgụn.

Nehemiah 9:5

Ya ndị Livaị wụ Jeshụa lẹ Kad'miẹlụ lẹ Bani lẹ Hashab'neya lẹ Shẹrẹbịa lẹ Hodia lẹ Shẹbania lẹ Pẹtahia nọ hị: “Lihi ni ja Osolobuẹ wụ Chuku ụnụ mma, Onyẹ hụn nwọnlẹni mbidọn mọbụ ọgụgụ!” “Ịja-mma ya rịnị ẹfan ị hụn nwọn ọghọ; wẹ ye ẹfan ị ọghọ hụn karị ekele ile lẹ ịja-mma ile.

Ẹbụ-ọma 111:9

Ịya zụọpụha ndị nke ẹ; o mẹsọnmẹ ihiẹn o kwe nkwa a jẹnrin ejẹn! Ẹfan a wụ ẹfan rị nsọ w'a tụ egun ẹ!

Ẹbụ-ọma 115:3

Bụ Chuku ẹnyi rị elu-igwee, e mẹ ihiẹn ọ chọ n'o mẹ.

Ẹbụ-ọma 72:18

Ọjịja-mma ya rịnị Osolobuẹ wụ Chuku, Chuku ndị Izrẹlụ — hụn ịya sụọ a rụn ọrụn atụmẹnya.

Azaya 37:20

Osolobuẹ wụ Chuku ẹnyi, dodo zụọpụha nwan ẹnyi ẹka a — kẹni alị-eze ile rị elu-ụwa gi ẹ marịn nị ịyụ sụọ wụ Chuku nke esi, ịyụ hụn wụ Osolobuẹ.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 6:3

Wẹ hụ e yi, a sị ibe wẹ, “Nsọ! Nsọ!! Nsọ!! Osolobuẹ Ihiẹn Ile rị okpuru ẹ rị nsọ! Ọghọ a jun ụwa ile!”

Azaya 63:16

Kanị, yụ wụ nẹdi ẹnyi, ọsụọn'a Ebraham amarịn ẹnyi, ọsụọn'a Izrẹlụ sị ọ marịnzị onyẹ ẹnyi wụ — yụ wụ Osolobuẹ wụkwọ nẹdi ẹnyi; Onyẹ-mgbapụha ẹnyi wụ ẹfan ị ẹdẹi.

Azaya 64:8

Kanị Osolobuẹ, ịyụ wụ nẹdi ẹnyi. Ụrụa kẹ ẹnyi wụhụ, ịyụ wụ ọkpụ-ite; ẹnyi ile wụ ọrụn-ẹka ị.

Azaya 66:1

Lee ni ihiẹn Osolobuẹ ku, ọ sị, “Elu-igwee wụ ukpo-eze m; elu-ụwa wụ ebe m'a tụkwasị ụkụ. Elee ụlọ k'i k'a tụnnị m nwan? Elebe wụ ebẹhụ m k'e bi?

Izikẹlụ 36:23

M k'a ghọsị nị Ẹfan m rị nsọ, ezigbo ẹfan m hụn ụnụ wiwigụ nwan imẹ alị ndị ọzọ, Ẹfan m ụnụ wiwigụ ẹnya wẹ. Alị ndị ọzọ k'a marịn nị m wụ Osolobuẹ ogẹn m'e gi mẹ ihiẹn k'a ghọsị nị m rị nsọ imẹ igunrun ụnụ idẹnya wẹ.’ Ya kẹ Osolobuẹ Nwọn Ihiẹn Ile ku.

Izikẹlụ 38:23

M k'a ghọsị ikẹn m hi ogbe, ghọsị nị m rị nsọ, ghọsị onyẹ m wụ idẹnya alị bu ọda. Ogẹn ahụn, a marịn wẹ nị mmẹ wụ Osolobuẹ.’

Lẹvitikọsụ 10:3

Mozizi nọ sị Ẹrọnụ, “Ọnwan wụ ihiẹn ahụn Osolobuẹ ku ogẹn o gi sị; ‘M k'e gi ndị a nọkunmẹni m ghọsị nị m rị nsọ; m k'a hụn a nị ịhịan ile e ye m ọghọ m.’ ” Ẹrọnụ ekuni oku.

Habakọkụ 2:14

Kanị, wẹ sikọ d'a marịn ọghọ Osolobuẹ elu-ụwa ile, kẹ mirin dọn e jun ohimin ụzọ ile.

Zẹkaraya 14:9

Osolobuẹ k'a wụrụ eze ụwa ile. Osolobuẹ sụọ kẹ wẹ k'a gha e fe ogẹn ahụn, ẹfan Osolobuẹ sụọ kẹ wẹ k'a gha a kpọku.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Matiu 10:29

Ẹlẹ ẹbụọ ịkọbọ kẹ w'e re achụ? Kanị onwọnni achụ ohu sikọ d'a dan alị omẹni Nẹdi ụnụ anịn'a dan.

Matiu 23:9

Akpọlẹ ni ịhịan ‘Nẹdi ẹnyi,’ elu-ụwanị makẹni Nẹdi ohu sụọ kẹ ụnụ nwọn, elu-igwee k'ọ rị.

Matiu 26:29

M rị a gwa ụnụ, arakọzị m manya vaịnị d'e ru ụhụọhịn hụ mmẹ lẹ ụnụ jẹnkọ d'a ra nke ọhụn a imẹ Alị-eze Nẹdi m.”

Matiu 26:42

Ọ nọ pụzị nke mgbe ẹbụọ, mẹ ekpere, sị, “Baba, omẹni mkpu afụnfụnnị asaẹka ghafe mmanị m ra, uche i ya mẹ.”

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Matiu 5:48

Zu ni nwan oke kẹ Nẹdi ụnụ hụn rị elu-igwee dọn zu oke.

Matiu 6:14

“Ẹghẹẹ, ụnụ gbagharị ndị ọzọ mmẹfie wẹ, Nẹdi ụnụ rị elu-igwee a gbagharịzịkwọ ụnụ;

Matiu 6:6

Kama, ụnụ jẹnkọnị d'e mẹ ekpere, ban nị mmụlọ, gụnma ụzọ, mẹ ekpere jẹnni Nẹdi ụnụ hụn wẹ ghalẹni e legha; Nẹdi ụnụ hụn a hụn ihiẹn zuerini sikọ d'a kụ ụnụ ụgwọ.

Matiu 7:11

O mẹ nwan nị ụnụ ndị njọ ma ye ụmụ ụnụ ezigbo ihiẹn, Nẹdi ụnụ rị elu-igwee e yekọ ndị rị a rịọ a ihiẹn ezigbo ihiẹn karị?

Luku 15:18

M jẹnkọ d'e lihi, buru nẹdi m; m jẹnkọ d'a sị a, “Baba, e mẹọlẹ m elu-igwee njọ, mẹzikwọ ị njọ.

Luku 15:21

Ya nwa a nọ sị nẹdi ẹ, ‘Baba, e mẹọlẹ m elu-igwee njọ, mẹzikwọ ị njọ, efuruzini m onyẹ w'a kpọ nwa ị.’

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Ndị Rom 1:7

M rị e dejẹnni ndị ile Osolobuẹ nwọn ihiẹn-ọsụsụọ wẹ imẹ Rom, ndị ọ kpọ d'a wụrụ ndị-nsọ. Ẹfọma lẹ udọn gha ẹka Osolobuẹ Nẹdi ẹnyi lẹ Di-nwọnni-ẹnyi wụ Jesu Kristi a bịa ya rịnị ụnụ.

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Galeshịa 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn, ẹlẹ hụn ịhịan zi mọbụ hụn wẹ gha ẹka ịhịan tumẹ, kanị hụn Jesu Kristi lẹ Chuku-Nẹdi hụn gha ọnwụn weli Jesu Kristi tumẹ.

Ndị Galeshịa 4:6

Makẹni ụnụ wụ ụmụ, Osolobuẹ nọ zihẹ Mmọn Nwa a ye imẹ obi ẹnyi; ọ hụ imẹ ẹnyi a hị, “Baba! Baba nẹdi m!”

Timoti Ibuzọ 6:16

Ịya sụọ wụ onyẹ ghalẹni a nwụnhụn; Onyẹ hụn bi imẹ ukpẹ wẹ ghalẹni a s'ẹka a nọkunmẹ; Onyẹ ịhịan leghatulẹni hụn ịhịan jẹnkọlẹni d'a s'ẹka legha! Mgbaye lẹ ọkịkị itẹbitẹ wụ nke ẹ jẹnrin ejẹn! Isẹẹ.

Pita Ibuzọ 1:17

Ebe ụnụ rị a kpọ Onyẹ hụn ghalẹni e gbeyeni ịhịan Nẹdi ụnụ, Onyẹ hụn e gi ihiẹn onyẹ mẹ e kin ẹ ikpe, gikwọ nị nwan egun ẹ bichanrịn ogẹn họdụ ụnụ k'e bi elu-ụwanị ụnụ wụ itumunyẹ.

Rẹvẹleshọnụ 4:11

“Chuku-nwọnni ẹnyi, i furu onyẹ w'a ja mma makẹni ọghọ lẹ mgbaye lẹ ikẹn wụ nke i. Makẹni, ịyụ ke ihiẹn ile. Ịyụ chọ nị wẹ rị; ịyụ chọ n'ị ke wẹ.”

Rẹvẹleshọnụ 5:12

Wẹ hụ e gi okẹn olu a bụ, “Nwa-ebulu hụ wẹ gbu furu hụn w'a ja mma, nị ikẹn lẹ akwanran lẹ ẹfe lẹ amamihiẹn lẹ mgbaye lẹ ọghọ lẹ ọjịja-mma wụ nke ẹ!”