Matiu 6:5 - Ika

⁵ “Ụnụ ghazịkwọ e mẹ ekpere, emẹlẹ ni kẹ ndị-ihunnaị. Makẹni, ọ sụọ wẹ nị w'e turu imẹ ụlọ-ofufe lẹ ọkpụzọ e mẹ ekpere, kẹni ịhịan hụn wẹ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Matiu 6:5 Iomraidhean Croise

Ẹbụ-ọma 5:2

Dodo, gọn ntịn ẹkwan eyemẹka m rị a kwan, Eze m lẹ Chuku m — ni ịyụ kẹ m rị a rịọ.

Ẹbụ-ọma 55:17

Kẹ uhinhin kẹ ụtụntụn kẹ efinnaị, m hụ a gwaghọsị a nsọngbu m, a sụn udẹn; ọ k'a nụ olu m.

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Itẹn 16:5

Ndị ile a pacheni e ze Osolobuẹ ize. Ya wekwọ ị ẹnya nị alakọ wẹ mmaka.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Jerimaya 29:12

“ ‘Ụnụ jẹnkọ d'a kpọku m, mẹ ekpere, rịọ m, a za m ụnụ.

Daniẹlụ 6:10

Mgbe Daniẹlụ gi nwan marịn nị e tigụọ wẹ iwu hụ, de ẹ, ma ọkwa a, ọ nọ lashi iwe ẹ. Mgbe ẹtọ imẹ ụhụọhịn ọ hụ e jẹn mmughẹ ẹ rị ibe elu hụn windo ẹ bu ihun zinmẹ ibẹka Jerusalẹm, e gbu osekpu, e mẹ ekpere, a kpanmịn Chuku ẹ, k'o dọn e mẹ mbụ.

Matiu 21:22

Ihiẹn ọwụlẹ ụnụ mẹ ekpere rịọ, kweri ni ụnụ k'e nwọnhẹn ẹ, ụnụ k'e nwọnhẹn ẹ.”

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Matiu 23:5

“W'e mẹ ihiẹn ile w'e mẹ kẹni ịhịan legha wẹ: wẹ chọ nị wẹ yiri mkpọ filatrị ahụn w'e deye oku-Chuku w'e yi ezimezi ihun, e yiri wẹ hụn hi ogbe. Wẹ gha a kwaye tasẹlụ ahụn w'a kwaye ẹkwa ekpere, e mẹmẹ nke wẹ n'o sue, kẹni ịhịan hụn wẹ.

Matiu 23:6

“Ọ sụọ wẹ nị w'a nọdị isi-ocho wẹ gha e ri oriri lẹ nị w'a nọdị oche pụ-ichẹn imẹ ụlọ-ofufe;

Matiu 6:1

“Kpachanpụkwọ nị ẹnya amamgbe ụnụ e mẹmẹ ihiẹn Osolobuẹ kẹni ịhịan hụn ụnụ. Makẹni, ụnụ mẹ ẹ, ụnụ anarịnkọzị ụgwọ-ọrụn ẹka Nẹdi ụnụ hụn rị elu-igwee:

Matiu 6:16

“Ụnụ gha e bu ọnụ, erọnmẹlẹ ni ihun kẹ ndị ihunnaị. W'e rọnmẹ ihun, kẹni ịhịan ile hụn nị wẹ rị e bu ọnụ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Matiu 6:2

“Ya wụ, ụnụ gha e ye ndị igbẹnnyẹ ihiẹn, akụlẹ ni ẹgogo kẹ ndị-ihunnaị dọn e mẹ imẹ ụlọ-ofufe lẹ ọkpụzọ, kẹni ịhịan ile ja wẹ mma. M rị a gwa ụnụ ezioku, a narịnchanrịngụọlẹ wẹ ụgwọ-ọrụn wẹ.

Matiu 9:38

Rịọ nị nwan Onyẹ nwọn ugbo n'o zihẹ ndị-ọrụn sikọ d'a ghọn'a ihiẹn-ugbo ẹ.”

Makị 11:25

Ụnụ gha e mẹ ekpere, gbagharị nị, omẹni o nwọn onyẹ mẹ ụnụ eje-ihiẹn, kẹni Nẹdi ụnụ rị elu-igwee gbagharị ụnụ mmẹfie ụnụ.”

Makị 12:38

K'o dọn rị a kuzi, ọ sị, “Kpachanpụnị nị ndị-nkuzi Iwu ẹnya: ọ sụọ wẹ nị w'e yi ẹkwa tueni a ghahunmẹ lẹ ni w'e gi mgbaye e kele wẹ ogbe;

Luku 11:43

“Nsọngbu rị e che ụnụ ndị Itu-Farisi, makẹni ọ sụọ ụnụ nị ụnụ a nọdị isi-ocho imẹ ụlọ-ofufe lẹni wẹ e kele ụnụ ọhụnma ogbe.

Luku 18:1

Jizọsị nọ gi ilu ghọsị ndị nsọnmazụụn n'o furu nị wẹ e mẹ ekpere e mẹsọnmẹ, anịnị wẹ ndụn gụ wẹ.

Luku 18:13

“Kanị, onyẹ ụgwọ-isi nọ wuzo ebe teni; ọ sadẹni ẹka bu ihun zinmẹ elu-igwee, kama, ọ hụ a fịan ẹka obi, a sị, ‘Osolobuẹ, dodo mẹ omikẹn m, onyẹ njọ kẹ m wụ!’

Luku 20:47

W'e rigbu ikpoho di wẹ nwụn, e gi ekpere sueni e kpumẹ ẹ! Wẹ jẹnkọ d'a narịn afụnfụn kanị.”

Luku 6:24

Kanị nsọngbu rị e che ụnụ, ndị ịdanfịn, makẹni ụnụ e rigụọ nke ụnụ!

Jọnụ 16:24

D'e rukwọ nwan ogẹnni, ụnụ egituni ẹfan m rịọ ihiẹn ọwụlẹ; rịọ nị, ụnụ jẹnkọ d'e nwọnhẹn, kẹni ịghọghọ ụnụ zu oke.

Ndị Ẹfẹsọsụ 6:18

E gi ni ekpere lẹ ịrịọ-Osolobuẹ e sọn ihiẹn ile, e mẹ ekpere ogẹn ile kẹ Mmọn-nsọ dọn chọ; mụnrụn nị ẹnya ebe ekpere rị, anịlẹ ni ndụn gụ ụnụ; e mẹni ni ndị nke Osolobuẹ ile ekpere.

Ndị Tẹsalonika Ibuzọ 5:17

E mẹ ni ekpere ogẹn ile.

Jemisi 4:6

Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”