Matiu 6:2 - Ika

² “Ya wụ, ụnụ gha e ye ndị igbẹnnyẹ ihiẹn, akụlẹ ni ẹgogo kẹ ndị-ihunnaị dọn e mẹ imẹ ụlọ-ofufe lẹ ọkpụzọ, kẹni ịhịan ile ja wẹ mma. M rị a gwa ụnụ ezioku, a narịnchanrịngụọlẹ wẹ ụgwọ-ọrụn wẹ.

Matiu 6:2 Iomraidhean Croise

Ẹbụ-ọma 112:9

O yesọnmẹ ndị-ọzọ ihiẹn, o yesọnmẹ ndị elu rị a fụ ihiẹn; o k'e mẹsọnmẹ ihiẹn furuni jẹnrin ejẹn; o k'e mẹri, nwọn mgbaye.

Ẹbụ-ọma 37:21

Ndị-njọ e zinrin bụ w'a ra kụ, kanị ezigbo ịhịan a ha ẹka.

Itẹn 19:17

Onyẹ rị e mẹni ogbẹnnyẹ ọhụnma rị e zinye Osolobuẹ ihiẹn; o k'a kụ a ụgwọ ihiẹn o mẹ.

Itẹn 20:6

Ndị bu ọda a kpọ enwẹn wẹ ndị wẹ gi e dọn ẹnya, kanị, elebe kẹ ịhịan a nọ hụn onyẹ furu wẹ gi e dọn ẹnya nke-esi?

Ẹkịliziastisi 11:2

Yebeyedẹ madụ ẹsa mọbụ ẹsatọ ihiẹn i, nị y'a marịn ihiẹn k'e kunrun alị.

Azaya 10:6

M zi ẹ d'e mẹshi alị rịlẹni e fe m ikẹn, m tumẹ ẹ d'e mẹ alị kpasu m iwe ihiẹn — ya d'a napụ wẹ ihiẹn wẹ, kwanarịn wẹ ya; zọgbu wẹ kẹ w'a zọgbu ẹjan rị ọkpụzọ.

Azaya 58:7

Ịgha e ri ị hụ a nyanhan ndị ẹgụn rị a gụn lẹ iye ogbẹnnyẹ nwọnlẹni ụlọ ebe o k'a nọdị; Ị hụn onyẹ gba ọtọ, y'e jemẹ ẹ ẹkwa lẹ ịhụn a nị y'a gbakitọnị nwẹnẹ i azụụn. Ẹlẹ ịya?

Azaya 9:17

Ufiri ẹ, Osolobuẹ eleni ikorọbịa wẹ ẹnya ihun, o mẹdẹni omikẹn ụmụ-ẹka nwọnlẹni nẹdi lẹ nnẹ lẹ ikpoho di wẹ nwụn, makẹni ndịnị ile wụ ndị eje-omumẹ ghalẹni a tụ egun Osolobuẹ; ọnụ ile rị e ku eje-ihiẹn! Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Hosia 8:1

“Osolobuẹ sị: Gbu opi agha! Onyẹ nọ kẹ udele rị e fehunmẹ elu ụlọ Osolobuẹ, makẹni e tikpọlẹ wẹ nkwerigbama m, dan Iwu m.

Matiu 15:7

Ndị ihunnaị! Amụma Azaya gi ku oku ụnụ wụ ezioku! Azaya sị nị Osolobuẹ sị,

Matiu 16:3

Ụtụntụn, ụnụ sị, ‘Mirin jẹnkọ d'e zue tannị makẹni igwere efọnni.’ Ụnụ ma gi igwere kọwa ihiẹn jẹnkọ d'e mẹni, kanị ụnụ ama lee ihiẹn rị e mẹ ogẹnni gi ẹ kọwa ihiẹn ọ ghọsị.

Matiu 22:18

Kanị Jizọsị a marịngụọ nị wẹ rị a chọ ihiẹn rị a ọnụ. Ọ nọ sị, “Kị ụnụ rị a chọnị ihiẹn rị m ọnụ; ndị ihunnaị?!

Matiu 23:5

“W'e mẹ ihiẹn ile w'e mẹ kẹni ịhịan legha wẹ: wẹ chọ nị wẹ yiri mkpọ filatrị ahụn w'e deye oku-Chuku w'e yi ezimezi ihun, e yiri wẹ hụn hi ogbe. Wẹ gha a kwaye tasẹlụ ahụn w'a kwaye ẹkwa ekpere, e mẹmẹ nke wẹ n'o sue, kẹni ịhịan hụn wẹ.

Matiu 23:6

“Ọ sụọ wẹ nị w'a nọdị isi-ocho wẹ gha e ri oriri lẹ nị w'a nọdị oche pụ-ichẹn imẹ ụlọ-ofufe;

Matiu 24:51

O k'a jakịka a, bu ẹ che ebe ndị ihunnaị rị, ebẹhụ ịhịan jẹnkọ d'a nọ a kwan ẹkwan, a ta nkwẹnrẹn-eze.

Matiu 5:18

Makẹni, m rị a gwa ụnụ ezioku, d'e ru ni elu-igwee lẹ ụwa a ghafe, onwọnni mkpụrụ-ẹkụkwọ ọwụlẹ rị imẹ Iwu mọbụ ihiẹn ọwụlẹ wẹ vinyehụ mkpụrụ-ẹkụkwọ, hụn wẹ jẹnkọ d'a kagbu — d'e ru nị ihiẹn ile rị Iwu e mẹzuchanrịn.

Matiu 6:16

“Ụnụ gha e bu ọnụ, erọnmẹlẹ ni ihun kẹ ndị ihunnaị. W'e rọnmẹ ihun, kẹni ịhịan ile hụn nị wẹ rị e bu ọnụ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Matiu 6:3

Kama, ụnụ gha e ye ndị-igbẹnnyẹ ihiẹn, anịlẹ ni ẹka-ekpẹn ụnụ marịn ihiẹn ẹka-nni ụnụ rị e mẹ,

Matiu 6:5

“Ụnụ ghazịkwọ e mẹ ekpere, emẹlẹ ni kẹ ndị-ihunnaị. Makẹni, ọ sụọ wẹ nị w'e turu imẹ ụlọ-ofufe lẹ ọkpụzọ e mẹ ekpere, kẹni ịhịan hụn wẹ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Matiu 7:5

Onyẹ ihunnaị! Wepụgụ ogwe-nkụn rị ị ẹnya, kẹni i sa ẹka legha irinrin-nkụn rị nwẹnẹ i ẹnya ọhụnma wepụ.

Makị 12:39

ọ sụọ wẹ nị w'a nọdị isi-ocho imẹ ụlọ-ofufe lẹ ebe wẹ nọ e ri oriri.

Makị 7:6

Ọ nọ sị wẹ, “Ezioku kẹ Azaya ku banyeni ụnụ ndị ihunnaị ebẹhụ Ẹkụkwọ-nsọ nọ sị, ‘Ndịnị rịhụ a gbaye m nke ọnụnụ-ire, kanị obi wẹ arị ebe m rị kaka;

Luku 11:41

Ka we ni nwan ihiẹn rị imẹ ẹ ye ndị igbẹnnyẹ, ogẹn ahụn ihiẹn ile a rịchanrịnnị ụnụ ọchan.

Luku 11:43

“Nsọngbu rị e che ụnụ ndị Itu-Farisi, makẹni ọ sụọ ụnụ nị ụnụ a nọdị isi-ocho imẹ ụlọ-ofufe lẹni wẹ e kele ụnụ ọhụnma ogbe.

Luku 12:33

Repụ nị ihiẹn ụnụ nwọn, we egho ẹ ye ndị igbẹnnyẹ, ya kẹ ụnụ e gi kwarị ẹkpa ghalẹni a kahị, nwọnferi akụ-lẹ-ụba imẹ elu-igwee. Ohin asakọ ẹka ru ebahụn; ẹkịka asakọ ẹka ri ihiẹn rị ebẹhụ.

Luku 12:56

Ndị ihunnaị! Ụnụ ma kẹ w'e lee alị lẹ igwere e ku kẹ ụhụọhịn jẹnkọ d'a rị; kị haịnzị ụnụ gilẹni a saẹka e lee ihiẹn rị e mẹ ogẹnni e ku ihiẹn ọ ghọsị?

Luku 13:15

Di-nwọnni-ẹnyi nọ sị, “Ndị ihunnaị! Imẹ ụnụ, onyẹ ghalẹni a tọpụ efin ẹ mọbụ jaki ẹ ebe o limẹtọ a Ụhụọhịn Ezumikẹn, e wejẹn ẹ d'a ra mirin?”

Luku 20:46

“Kpachanpụnị nị ndị-nkuzi Iwu ẹnya: ọ sụọ wẹ nị w'e yi ẹwuru tueni a ghahunmẹ lẹ ni w'e kele wẹ ọhụnma ogbe lẹ nị wẹ a nọdị isi-oche imẹ ụlọ-ofufe lẹ ebe wẹ nọ e ri oriri.

Luku 6:24

Kanị nsọngbu rị e che ụnụ, ndị ịdanfịn, makẹni ụnụ e rigụọ nke ụnụ!

Luku 6:42

Nanị ke y'e dọn sị nwẹnẹ i, ‘Nwẹnẹ-onyẹ, nị m wepụ ị irinrin-nkụn rị ị ẹnya,’ bụ y'a hụndẹni ogwe-nkụn rị yụ lẹ enwẹn i ẹnya? Onyẹ ihunnaị! Bu ụzọ bupụ ogwe-nkụn rị i ẹnya, kẹn'i legha ụzọ ọhụnma wepụ irinrin-nkụn rị nwẹnẹ i ẹnya!

Jọnụ 13:29

Makẹni Judasị e kwọndọnni wẹ egho, o nwọn ndị ro ni Jizọsị rị a gwa a d'e ṅọnhẹn ihiẹn mmẹmmẹ hụ, mọbụ ya d'e ye ndị igbẹnnyẹ ihiẹn.

Jọnụ 5:41

M'a ra narịn ọjịja-mma ịhịan;

Jọnụ 5:44

Nanị nkẹ ụnụ a dọndẹ nwan kweri? Ụnụ hụn a narịn ọjịja-mma ẹka ibe ụnụ, kanị ụnụ ara lịlịma nị Onyẹ hụ ya sụọ wụ Osolobuẹ ja ụnụ mma.

Jọnụ 7:18

Onyẹ gi ikẹn ẹ e ku rị a chọ nị wẹ ja a mma; kanị onyẹ rị e mẹ nị wẹ ye onyẹ zin'ẹ ọghọ wụ onyẹ ezioku, ntụ arị imẹ ẹ.

Ọrụn Ndị-ozi 10:2

Okẹnnyẹni e feshi Osolobuẹ ikẹn, a tụ egun Osolobuẹ, ya lẹ ezi-lẹ-ụlọ a ile. O yesọnmẹ ndị igbẹnnyẹ rị alị hụ ihiẹn. Ọ kpọku Osolobuẹ ogẹn ile.

Ọrụn Ndị-ozi 10:31

Ọ nọ sị, ‘Kọnẹlusu, Osolobuẹ a nụọlẹ ekpere i; ọ nyanhangụọ ihiẹn ị rị e ye ndị igbẹnnyẹ.

Ọrụn Ndị-ozi 10:4

Ya nwẹn nọ bu ẹnya tụma mmọn-ozi hụ yeni egun, sị a, “Di-nwọnni m, kị rọ?” Mmọn-ozi hụ nọ sị a, “Ekpere i lẹ ihiẹn i rị e ye ndị-igbẹnnyẹ e rugụọ elu-igwee, Osolobuẹ e gigụọ a nyanhan ị.

Ọrụn Ndị-ozi 11:29

Ndị e sọn ụzọ Jesu nọ kwerigbama nị onyẹ-onyẹ jẹnkọ d'e wẹhẹ kẹ ẹka a han, nị wẹ zijẹnni ndị Ju kwerini Jesu hụn bi imẹ Judia.

Ọrụn Ndị-ozi 24:17

“M bịa nwan Jerusalẹm m bịalẹni kete ahụa ole-lẹ-ole d'e ye ndị igbẹnnyẹ ẹnyi ihiẹn lẹni m hụn ụzọ chụn ẹjan.

Ọrụn Ndị-ozi 9:36

Imẹ Jọpa, o nwọn okpoho ohu ẹfan a wụ Tabita hụn wụ onyẹ nsọnmazụụn Jesu (Asụsụ Griki, Tabita wụ Dọkasị hụn wụ Ele). Tabita e mẹ ọghọ ọda-ọda, o yeni ndị igbẹnnyẹ ẹka ọhụnma-ọhụnma.

Ndị Rom 12:8

omẹni ịkasị-obi rọ, ya kasị obi; omẹni iye ndị nwọnlẹni rọ, ya hama ẹka; omẹni ọkịkị rọ, ya rụnshi ikẹn; omẹni imẹ-omikẹn rọ, ya gi ịghọghọ e mẹ ẹ.

Ndị Kọrẹntị Ibuzọ 13:3

Ọsụọn'a nị m wechanrịn ihiẹn ile m nwọn ye ndị igbẹnnyẹ, ọ sụọkwọn'a nị e kweridẹ m nị wẹ kpọ m ọkụn yeni okukwe m kẹni m gi ẹ nyan isi, omẹni enwọn m ihiẹn-ọsụsụọ, onwọnni erere o bannị m!

Ndị Galeshịa 2:10

Ihiẹn ohu sụọ kẹ wẹ sịhụ ẹnyi mẹ: ẹnyi hụnkwọ a nị ẹnyi a nyanhan ndị-igbẹnnyẹ — hụn wụzịkwọ ihiẹn m'a chọ ọda-ọda.

Ndị Ẹfẹsọsụ 4:28

Onyẹ e zun ohin y'e zunzilẹ. Ya gi ẹka a lụrụ ihiẹn o gi e bi, e gi ẹka a a rụn ihiẹn rị mma, kẹni ọ hụn ihiẹn o gi e yezini ndị ihiẹn rị a fụ ọrụn ẹka.

Ndị Tẹsalonika Ibuzọ 2:6

Ẹnyi emẹni nị ịhịan ja ẹnyi mma, kẹ ụnụ kẹ ndị ọzọ.

Timoti Ibuzọ 6:18

Sị wẹ e mẹ mma, a wụ ndị ịdanfịn ebe ịrụn ọrụn-ọma rị; wẹ a ha ẹka, a hụn a nị ihiẹn wẹ e ruzi ndị ọzọ ẹka ọhụnma —

Filemọnụ 1:7

Ezigbo nwẹnẹ m, ihiẹn-ọsụsụọ i nwọn e mẹ m a ghọghọ ọda-ọda, a gbazị m umẹ, makẹni Osolobuẹ e gigụọ ị gba ndị nsọ umẹ.

Hibru 13:16

Hụn n'a nị ụnụ hụ e mẹ ihiẹn rị mma lẹni ihiẹn ụnụ hụ e ru ibe ụnụ ẹka, makẹni ụdị ẹjannị a sụọ Osolobuẹ ụsụọ.

Pita Ibuzọ 4:11

Onyẹ e kuni, ya ku kẹ onyẹ Osolobuẹ gi ẹ e ku; onyẹ e jẹn ozi ya mẹ ẹ kẹ onyẹ Osolobuẹ rị e ye ikẹn: kẹni wẹ e gi ihiẹn ile e ye Osolobuẹ ọghọ ghahanị Jesu Kristi. Ọghọ lẹ ikẹn ile wụ nke ẹ jẹnrin ejẹn. Isẹẹ.

Samuẹlụ Nke Ibuzọ 15:30

Sọlụ nọ sị, “E mẹọlẹ m njọ. Ka dodo, ye m ọghọ ihun ndị-ichẹn ẹnyi lẹ ihun Izrẹlụ ile; sọnkin m, nị m d'e fe Osolobuẹ wụ Chuku i.”