Matiu 6:12 - Ika

¹² gbagharị ẹnyi eje-ihiẹn ẹnyi mẹ, kẹ ẹnyi dọn gbagharị ndị mẹ ẹnyi eje-ihiẹn.

Matiu 6:12 Iomraidhean Croise

Ndị-nze Nke Ibuzọ 8:30

Nụ arịrịọ odibo i lẹ ndị nke i wụ Izrẹlụ wẹ bu ihun zinmẹ ebeni mẹ ekpere. Gha elu-igwee ebe-obibi i nụ ekpere wẹ; ị nụ a, y'a gbagharị wẹ njọ.

Ndị-nze Nke Ibuzọ 8:34

dodo, gha elu-igwee nụ, y'a gbagharị ndị nke i wụ Izrẹlụ njọ, wekinhẹn wẹ imẹ alịnị i ye ndị nẹdi wẹ.

Ndị-nze Nke Ibuzọ 8:39

dodo, gha elu-igwee, ebe-obibi i, nụ. Gbagharị, y'e mẹ ihiẹn banyen'ẹ, gi ihiẹn ile onyẹ-onyẹ mẹ sọn ẹ, ebe o mẹ ni y'a marịnghọ obi ẹ (makẹni ịyụ sụọ marịn obi ịhịan ile).

Ndị-nze Nke Ibuzọ 8:50

y'a gbagharị ndị nke i, hụn mẹ i njọ; gbagharị ihiẹn ile wẹ mẹ i, y'e mẹ ndị mẹrini wẹ mẹni wẹ omikẹn;

Ẹbụ-ọma 130:4

Kanị, y'a gbagharị njọ agbagharị, wẹ hụ e gi ufiri ẹ a gbaye i.

Ẹbụ-ọma 32:1

Onyẹ nwọn ngọzi wụ onyẹ hụn Osolobuẹ gbagharị nnupụ-isi ẹ, onyẹ hụn o kpumẹgụ njọ a.

Ọpụpụ 34:7

e mẹni onyẹ nkẹ ẹ d'e rudẹ agbọ nnụ-nnụ, a gbagharị eje-ihiẹn, nnupụ-isi lẹ njọ — bụ ara nị onyẹ mẹ eje-ihiẹn la ọfẹ; o gi njọ nẹdi mẹ e sọn ụmụ lẹ ụmụ-ụmụ d'e ru agbọ nke ẹtọ lẹ nke ẹnọ.”

Azaya 1:18

Osolobuẹ sị, “Bịa nị nwan nị ẹnyi ku: ọsụọn'a njọ e mẹgụọ ụnụ nwunmẹ ododo-ododo, m k'e mẹ ụnụ nwunmẹ kẹ ẹkwa-ọchan! Ọsụọn'a n'o mẹgụọ ụnụ nwunmẹ ufie-ufie, ụnụ k'e nwunmẹ kẹ oruru ọchan.

Daniẹlụ 9:19

Di-nwọnni-ẹnyi, dodo gọn ntịn! Di-nwọnni-ẹnyi, dodo gbagharị! Di-nwọnni-ẹnyi, dodo nụ nwan, nị ị hụn ụzọ mẹ ihiẹn banyen'ẹ! Chuku m, dodo, makẹ ufiri i, ebielẹ — makẹni Ẹfan ị kẹ obodo i lẹ ndị nke i a za.”

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Matiu 9:2

Ya wẹ nọ gi ute buhẹn'ẹ okẹnnyẹ ọrọ kinmin. Ogẹn Jizọsị gi hụn okukwe wẹ, ọ nọ sị onyẹ hụ ọrọ kinmin, “Atụlẹ egun nwa m, a gbagharịgụọ wẹ i njọ ị.”

Makị 11:25

Ụnụ gha e mẹ ekpere, gbagharị nị, omẹni o nwọn onyẹ mẹ ụnụ eje-ihiẹn, kẹni Nẹdi ụnụ rị elu-igwee gbagharị ụnụ mmẹfie ụnụ.”

Luku 11:4

Gbagharị ẹnyi njọ ẹnyi, makẹni ẹnyi hụ a gbagharị ndị ile mẹ ẹnyi njọ. Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’ ”

Luku 13:4

Ra ụnụ ro ni mmadụ mmẹsatọ ahụn ụlọ-uku rị Silụam dangbu ka ndị ọzọ ile bi imẹ Jerusalẹm njọ e mẹ?

Luku 6:37

“Ekinlẹ ịhịan ikpe, makẹ Chuku gha e kin i ikpe; amalẹ ịhịan ikpe makẹ Chuku gha a ma ị ikpe; gbagharị, kẹni Osolobuẹ gbagharị ị.

Ọrụn Ndị-ozi 13:38

“Umunẹ m, marịn nị nwan nị ẹfan Jizọsịnị kẹ wẹ gi nwan e zi ụnụ ozi mgbagharị njọ; nị Osolobuẹ a gbagharị ndị ile kwerinin'ẹ ihiẹn ile,

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 4:32

Kama, e gi ni ẹfọma lẹ omikẹn e sọn ibe ụnụ, a gbagharị ibe ụnụ kẹ Osolobuẹ dọn nwan gbagharị ụnụ ghahanị Kraịstị.

Ndị Kolosị 3:13

E gi ni ndidin e sọn ibe ụnụ; onyẹ nwẹnẹ ẹ mẹja ya gbagharị a: kẹ Di-nwọnni-ẹnyi wụ Kraịstị dọn gbagharị ụnụ kẹ ụnụ k'a dọn gbagharị ibe ụnụ.