Matiu 6:1 - Ika

¹ “Kpachanpụkwọ nị ẹnya amamgbe ụnụ e mẹmẹ ihiẹn Osolobuẹ kẹni ịhịan hụn ụnụ. Makẹni, ụnụ mẹ ẹ, ụnụ anarịnkọzị ụgwọ-ọrụn ẹka Nẹdi ụnụ hụn rị elu-igwee:

Matiu 6:1 Iomraidhean Croise

Ndị-nze Nke Ẹbụọ 10:16

Jehu nọ sị a, “Sọnmẹ m, n'ị d'a hụn kẹ ihiẹn Osolobuẹ a dụhan m.” Ọ nọ gi ụgbọ-ẹshin ẹ buru ẹ.

Ndị-nze Nke Ẹbụọ 10:31

Kanị Jehu akpachanpụkwọnị ẹnya, gi obi ẹ ile sọn iwu Osolobuẹ wụ Chuku Izrẹlụ. O mẹbehini njọ Jerobụam, hụn Jerobụam dọ Izrẹlụ ye imẹ ẹ.

Ẹbụ-ọma 112:9

O yesọnmẹ ndị-ọzọ ihiẹn, o yesọnmẹ ndị elu rị a fụ ihiẹn; o k'e mẹsọnmẹ ihiẹn furuni jẹnrin ejẹn; o k'e mẹri, nwọn mgbaye.

Izikẹlụ 33:31

Ndị nke m hụ a bịa d'e kunrun i kẹ wẹ dọn a bịa, a nọdị ihun i, e gọn ntịn oku i, kanị a rị wẹ e mẹ ihiẹn wẹ rị a nụ. E nwọnkẹ wẹ ọnụ-ọma, kanị wẹ hụkwọ a chọ nke wẹ nke wẹ.

Daniẹlụ 4:27

Eze-Agụ, dodo weri nwan ọdụn m k'a dụn ị: mẹbehi njọ, mẹmẹ ezi-omumẹ; la ẹfọ-njọ tọ n'i mẹmẹni ndị rị e ri ụya ẹfọma. Ikẹnkwọ y'a ghasọnmẹ ihun.”

Zẹkaraya 13:4

Ifẹnrẹn ibu-amụma k'a rị e mẹ ịhịan ogẹn ahụn; eyikọzi wẹ akpụkpọ-anụ nọkẹ ndị amụma amamgbe ịhịan a marịn wẹ.

Zẹkaraya 7:5

“Sị ndị alị Juda ile lẹ ndị nchụn-ẹjan nị m sị: ‘Ogẹn hụ ụnụ gi rị e bu ọnụ hụ, a kwan ẹkwan ifọn nke isẹn lẹ nke ẹsa, ọrọgbọ ahụa iri-kwasị ọgụn-ẹtọnị, mmẹ kẹ ụnụ bun'ẹ?

Matiu 16:27

“Ẹghẹẹ, Nwa nke Ịhịan k'e gi ọghọ Nẹdi ẹ bịa, ya lẹ ndị mmọn-ozi ẹ k'a wị; ogẹn hụ, o k'a kụ onyẹ ọwụlẹ ụgwọ ihiẹn o mẹ.

Matiu 16:6

Jizọsị nọ sị wẹ, “Kpachanpụ nị ẹnya makẹ yisti ndị Itu-Farisi lẹ ndị Itu-Sadusi.”

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Matiu 23:5

“W'e mẹ ihiẹn ile w'e mẹ kẹni ịhịan legha wẹ: wẹ chọ nị wẹ yiri mkpọ filatrị ahụn w'e deye oku-Chuku w'e yi ezimezi ihun, e yiri wẹ hụn hi ogbe. Wẹ gha a kwaye tasẹlụ ahụn w'a kwaye ẹkwa ekpere, e mẹmẹ nke wẹ n'o sue, kẹni ịhịan hụn wẹ.

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Matiu 5:46

Makẹni, omẹni ndị nwọn ihiẹn-ọsụsụọ ị kẹ yụ nwẹn nwọn ihiẹn-ọsụsụọ wẹ, elee ụgwọ-ọrụn k'i k'e nwọnhẹn? Ẹlẹ ẹrịra kẹ ndị ụgwọ-isi wẹ gi njọ marịn e mẹ?

Matiu 5:48

Zu ni nwan oke kẹ Nẹdi ụnụ hụn rị elu-igwee dọn zu oke.

Matiu 6:16

“Ụnụ gha e bu ọnụ, erọnmẹlẹ ni ihun kẹ ndị ihunnaị. W'e rọnmẹ ihun, kẹni ịhịan ile hụn nị wẹ rị e bu ọnụ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Matiu 6:9

“E mẹ ni nwan ekpere ẹnịna: ‘Nẹdi ẹnyi hụn rị elu-igwee, mẹ ịhịan ile dọnmẹ ẹfan ị nsọ.

Makị 8:15

Jizọsị nọ sị wẹ, “E lekwọ nị ẹnya! Kpachanpụkwọ nị ẹnya makẹ yisti ndị Itu-Farisi lẹ nke Hẹrọdụ.”

Luku 11:35

Hụnkwọ a nwan nị ukpẹ rị imẹ i ẹlẹ ishi.

Luku 12:1

Kẹ ịhịan dọn rị e ruhẹ ọda-ọda, a zọgbudẹ ibe wẹ, Jizọsị nọ bu ụzọ sị ndị nsọnmazụụn a, “Kpachanpụ nị ẹnya makẹ yisti ndị Itu-Farisi — hụn wụ ihunnaị wẹ.

Luku 12:15

Ya ọ nọzị sị igunrun hụ, “Kpachanpụkwọ nị ẹnya; gbanị nị ẹnya-uku ile ọsọ; makẹni, ẹlẹ ihiẹn bu ọda ịhịan nwọn wụ ndụn a.”

Luku 16:15

Kanị Jizọsị nọ sị wẹ, “Ụnụ rịhụ e mẹ nọkẹ sị ụnụ a rịka mma ebe ịhịan rị, kanị, Osolobuẹ a marịngụọ obi ụnụ. Makẹni, ihiẹn rị mkpa ọda ẹnya ịhịan wụ arụ ẹnya Osolobuẹ.

Jọnụ 12:43

Mma ịhịan k'a ja wẹ ka wẹ a sụọ karị hụn Osolobuẹ k'a ja wẹ.

Jọnụ 5:44

Nanị nkẹ ụnụ a dọndẹ nwan kweri? Ụnụ hụn a narịn ọjịja-mma ẹka ibe ụnụ, kanị ụnụ ara lịlịma nị Onyẹ hụ ya sụọ wụ Osolobuẹ ja ụnụ mma.

Ọrụn Ndị-ozi 3:12

Ogẹn Pita gi hụn ihiẹnni, ọ nọ sị ndị ahụn, “Ndị Izrẹlụ, kị ihiẹnni rị a tụnị ụnụ ẹnya? Kị ụnụ gbanị ẹnyi ilee nọkẹ sị ikẹn ẹnyi mọbụ ezi-omumẹ ẹnyi kẹ ẹnyi gi mẹ okẹnnyẹni jẹnmẹ ijẹn?

Ndị Galeshịa 6:12

Ndị rị a chọ nị wẹ gi ihiẹn ẹnya e legha dụ ẹka obi, uwẹ rị nwan a chọ nị wẹ wa ịkwa-ugun ye ụnụ olu. Wẹ rị e mẹ ẹ amamgbe wẹ e gi ufiri obe Kraịstị kpokpo wẹ.

Ditrọnọmi 24:13

Anwụn rọ, y'e wekinn'ẹ ẹkwa a n'ọ hụn ụzọ gi ẹ ranhịn. Ogẹn ahụn, ọ sikọ d'a kpanmịn ị, ihiẹn i mẹ a wụrụ ihiẹn rị mma ẹnya Osolobuẹ wụ Chuku ụnụ.

Hibru 11:26

Ọ sị enwẹn ẹ nị mkpari lẹ nlegberi o k'a narịn makẹ Kraịstị wụ ezigbo akụ-lẹ-ụba hụn ka akụ-lẹ-ụba alị Ijiptu, makẹni o bu ẹnya zinmẹ ụgwọ-ọrụn lalanị.

Hibru 2:1

Ẹnyi k'e kwọnkẹnmẹrịrị ihiẹn ẹnyi nụ, amamgbe ẹnyi a kpahu.

Hibru 6:10

Makẹni, Osolobuẹ ara mẹgbu ịhịan; ọ zọkọ ọrụn ụnụ lẹ ihiẹn-ọsụsụọ ụnụ ghọsị a ebe ụnụ nọ gi ufiri ẹfan a yeni ndị nke ẹ ẹka, hụn ụnụ rịkwọ nwan e mẹ.

Jọnụ Nke Ẹbụọ 1:8

Kpachanpụ nị nwan ẹnya, amamgbe ụnụ e tuhu ihiẹn ẹnyi rụngụ; turusọnmẹ ni kẹni ụnụ nwọnhẹn ụgwọ ọrụn zu oke.