Matiu 5:6 - Ika

⁶ Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Matiu 5:6 Iomraidhean Croise

Ẹbụ-ọma 107:9

O yejun ndị ẹgụn-mirin rị a gụn ẹfọ; o gizikwọ ihiẹn rị mma e yejun ndị ẹgụn ihiẹn-oriri rị a gụn ẹfọ!

Ẹbụ-ọma 145:19

O ye ndị hụn a gbayen'ẹ ihiẹn a gụnnị wẹ; ọ nụ ẹkwan wẹ, a zụọpụha wẹ.

Ẹbụ-ọma 17:15

Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m.

Ẹbụ-ọma 63:5

Ẹfọ k'e jun m kẹ ihiẹn-oriri dọn e jun ẹfọ; ẹbụ-ịghọghọ m gi a ja ị mma k'e jun m ọnụ,

Ẹbụ-ọma 65:4

Onyẹ ị họrị buche ẹhụ ị n'o biri ezi-ọgwa ị e nwọnkẹkwọ ngọzi. Ẹnyi sikọ d'e ri ihiẹn rị mma rị Ụlọ-NSỌ ị rijun ẹfọ, ihiẹn rị mma hụn rị Ebẹhụ Rị Nsọ ị rị.

Ẹbụ-ọma 84:2

Ọ hụ a da m, a da m ọda-ọda, nị m banye ezi-ọgwa Osolobuẹ! Kẹ obi m kẹ ẹhụ m rị a bụnị Chuku rị ndụn ẹbụ ịghọghọ!

Itẹn 10:24

Ihiẹn a tụ onyẹ eje-omumẹ egun jẹnkọ d'e kunrun ẹ; ihiẹn rị a gụn onyẹ ezi-omumẹ jẹnkọ d'e ru ẹ ẹka.

Itẹn 21:21

Onyẹ hụn a chọ ezi-omumẹ lẹ ihiẹn-ọsụsụọ a hụn ndụn, aghamihun lẹ ọghọ.

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Azaya 25:6

Osolobuẹ hụn nwọn ikẹn ile k'a nọ elu uguni kwademẹni ndị alị ile oriri, okẹn-oriri manya e nwunye ẹnya — ezigbo anụ lẹ ezigbo manya.

Azaya 41:17

Ndị igbẹnnyẹ lẹ ndị elu rị a fụ hụ a chọ mirin wẹ k'a ra, kanị w'a ra hụn; ẹkpịrị hụ a kpọ wẹ nkụn yeni ẹgụn-mirin. Kanị mmẹ wụ Osolobuẹ jẹnkọ d'a za wẹ oku — mmẹ wụ Chuku ndị Izrẹlụ alatọkọ wẹ.

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 65:13

Di-nwọnni-ẹnyi wụ Osolobuẹ sị nwan, “Lee n'ẹ, idibo m k'e rijun ẹfọ, kanị ụnụ k'a nọ ẹgụn! Lee n'ẹ, idibo m k'a rajun ẹfọ, kanị ẹkpịrị k'a kpọ ụnụ nkụn! Lee n'ẹ, idibo m k'a ghọghọ, kanị ifẹnrẹn k'e mẹgbu ụnụ!

Azaya 66:11

Makẹni ụnụ k'a ra ẹran, rajun ẹfọ, ẹran a hụn wẹ gi a hụhụ ịhịan kẹ nwa; ụnụ k'a ra a ọda-ọda, ẹran a hụn a gba ọda-ọda a sụọgbu ụnụ.”

Jerimaya 31:25

M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”

Luku 1:53

O gigụọ ihiẹn rị mma yejun onyẹ ẹgụn rị a gụn ẹfọ, gba ọdanfịn ẹka chụpụ a.

Luku 6:21

Ngọzi wụ nke ụnụ, ndị ẹgụn rị a gụn ogẹnni, makẹni ẹfọ k'e jun ụnụ! Ngọzi wụ nke ụnụ ndị rị a kwan ẹkwan ogẹnni, makẹni ụnụ sikọ d'a mụ ẹmụ.

Luku 6:25

Nsọngbu rị e che ụnụ ndị ẹfọ jun ogẹnni, makẹni ẹgụn sikọ d'a gụn ụnụ! Nsọngbu rị e che ụnụ, ndị rị a mụ ẹmụ ogẹnni, makẹni ụnụ jẹnkọ d'a gha a kwan, e goo!

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Jọnụ 7:37

Ụhụọhịn ikpanzụụn mmẹmmẹ hụ, hụn wụ ụhụọhịn kachanrịn mkpa, Jesu nọ wuzo ọtọ, yi, “Onyẹ ẹgụn mirin rị a gụn, ya bịa d'e kunrun m n'ọ ra!

Rẹvẹleshọnụ 7:16

Ẹgụn ihiẹn-oriri lẹ ihiẹn-ọrịra agụnkọzị wẹ. Kẹ anwụn kẹ ihiẹn ọwụlẹ a nụ ọkụn amakọzị wẹ.