Matiu 5:3 - Ika

³ “Ngọzi wụ nke ndị la enwẹn wẹ tọnị Osolobuẹ nọkẹ igbẹnnyẹ, makẹni Alị-eze elu-igwee wụ nke wẹ!

Matiu 5:3 Iomraidhean Croise

Ihiẹn Mẹni Nke Ẹbụọ 33:12

Ọ nọ nwan nọ imẹ ụya ahụn ọ rị rịọma Osolobuẹ wụ Chuku ẹ, wetu enwẹn ẹ alị ọhụnma-ọhụnma ihun Chuku ndị nẹdi ẹ.

Ihiẹn Mẹni Nke Ẹbụọ 33:19

Ekpere ẹ lẹzi kẹ arịrịọ a dọn mẹtụ Chuku, lẹzi njọ a lẹ ihiẹn ile o gi latọ Osolobuẹ; ebe ile ọ rụntọ ụlọ-mmọn, zumẹsọnmẹ osisi onyẹnnyẹ-mmọn wụ Ashẹra lẹ mmọn-lẹ-iyi ndị hụ ọ kpụ n'o d'e welụa enwẹn ẹ alị, wẹ ile rị ebe ndị-amụma detọ ihiẹn mẹni.

Ihiẹn Mẹni Nke Ẹbụọ 33:23

Kanị, o welụanị enwẹn ẹ alị ihun Osolobuẹ kẹ Manasẹ nẹdi ẹ dọn welụa enwẹn ẹ alị ikpanzụụn. Amọnụ emẹkẹnmẹkẹ ihiẹn ikpe gi ma a.

Ihiẹn Mẹni Nke Ẹbụọ 34:27

Makẹni ị nị ihiẹn ị nụ mẹtụ ị, welụa enwẹn i alị ihun Chuku ogẹn i gi nụ ihiẹn o ku n'o ke mẹ ebeni lẹ ndị rịn'a lẹzi makẹni i welụa enwẹn i alị ebe m rị, dọka ẹwuru i, kwan ẹkwan idẹnya m, mmẹ wụ Osolobuẹ sị n'a nụgụọ m olu i.

Ihiẹn Mẹni Nke Ẹbụọ 7:14

omẹni ndị nke m, ndị rị a za ẹfan m, e welụaghọ enwẹn wẹ alị, mẹ ekpere, chọ ihun m, latọ eje-ihiẹn w'e mẹ, m k'a gha elu-igwee nụ olu wẹ, a gbagharị m wẹ njọ, zụọ alị wẹ emu rị a kụn'a.

Jobu 42:6

Ifẹnrẹn enwẹn m e mẹgbugụọ m; E rogharịgụọ m nwan, a gwọrị m imẹ uzunzun lẹ ntụn!”

Ẹbụ-ọma 1:1

Chuku a gọzikẹ onyẹ hụ hụn ghalẹni e weri ndụnmọdụn ndị-njọ, hụn ghalẹni e sọn nzọmụkụ ndị-njọ, hụn ghalẹni a nọdịyeni ndị-nlelịa;

Ẹbụ-ọma 112:1

Ja nị Osolobuẹ mma! Onyẹ ọwụlẹ hụn a gbaye Osolobuẹ e nwọngụọ ngọzi, onyẹ hụn ịgbaye oku Osolobuẹ a sụọ ọda-ọda.

Ẹbụ-ọma 128:1

Ngọzi a rịkakwọnị onyẹ hụn a tụ egun Osolobuẹ, onyẹ hụn e sọn ụzọ a ile.

Ẹbụ-ọma 146:5

Onyẹ Chuku Jekọpụ e yeni ẹka e nwọnkẹ ngọzi, onyẹ bu obi tụkwasị Osolobuẹ wụ Chuku ẹ,

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Ẹbụ-ọma 34:18

Osolobuẹ a nọkunmẹ ndị ndụn gụ, a zụọpụha ndị obi rị a gbawapụ.

Ẹbụ-ọma 41:1

Onyẹ hụn a nyanhan ndị ogbẹnnyẹ e nwọnkẹ ngọzi. Ogẹn nsọngbu, Osolobuẹ a zụọpụha a azụọpụha.

Ẹbụ-ọma 51:17

Ẹjan Osolobuẹ chọ wụ obi njọ a rị a fụ; Osolobuẹ, y'a jụkọ obi welụa enwẹn ẹ alị njọ a rị a fụ!

Ẹbụ-ọma 84:12

Osolobuẹ ihiẹn ile rị okpuru ẹ, ndị ile gi i dọn ẹnya e nwọnkẹ ngọzi!

Itẹn 16:19

Ọ ka mma nị ịhịan welụa enwẹn ẹ alị, wụrụ onyẹ wẹ rị e mẹgbu, karị n'ọ rị e sọn ndị mpache e keri ihiẹn wẹ napụ ịhịan.

Itẹn 29:23

Mpache ịhịan e budan a, kanị onyẹ e welụa enwẹn ẹ alị k'e nwọnrin ọghọ.

Itẹn 8:32

Gọn ni m nwan ntịn, ụmụ m! Gọnni m ntịn; n'ọ bọnị ndị e sọnsọnmẹ ụzọ m ọda-ọda.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Azaya 66:2

Ẹlẹ ẹka m mẹmẹ wẹ, haịn wẹ gi rị?” Ya kẹ Osolobuẹ ku. Onyẹni kẹ m'a kpọ ịhịan: onyẹ hụn e welụa enwẹn ẹ alị njọ a e gbu mgbu obi, hụn a nụ oku m, e mẹhunmẹ.

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Matiu 11:6

Ngọzi ya rị nị onyẹ gilẹni ihiẹn ọ hụn m ẹhụ nwọnmẹ obi-ẹbụọ!”

Matiu 13:16

“Kanị ẹnya ụnụ nwẹn wụ ihiẹn wẹ gọzi agọzi, makẹni wẹ hụ a hụn ụzọ; ntịn ụnụ wụzị ihiẹn wẹ gọzi agọzi, makẹni wẹ hụ a nụ ihiẹn.

Matiu 19:14

Kanị Jizọsị nọ sị, “Hatu ni ụmụ-ndu nị wẹ d'e kunrun m; egbọndọnlẹ ni wẹ, makẹni Alị-eze elu-igwee wụ nke ndị nọ ẹrịra.”

Matiu 24:46

O jẹnkọ d'a rịnị odibo hụ mma omẹni di-nwọnn'ẹ a lụa, hụn a n'ọ hụ e mẹ ihiẹn ndị hụ.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 8:11

M rị a gwa ụnụ, ndị bụ ọda k'a gha kẹ ẹbamịn ọwụwa-ẹnyanwụn kẹ ẹbamịn ọdịdan-ẹnyanwụn bịa d'e sọn Ebraham lẹ Aziki lẹ Jekọpụ ri oriri imẹ Alị-eze elu-igwee;

Makị 10:14

Jesu a hụn a, iwe nọ we ẹ. Ọ nọ sị wẹ, “Nị nị ụmụẹka bịa d'e kunrun m; akụsịlẹ ni wẹ, makẹni Alị-eze Osolobuẹ wụ nke ndị nọ ẹnịna.

Luku 11:28

Kanị Jesu nọ sị, “Mba, ndị nwọn ngọzi wụ ndị hụn a nụ oku Osolobuẹ, e gi ẹ e bi!”

Luku 18:14

“Jesu nọ sị: M rị a gwa ụnụ nị onyẹ ụgwọ-isi hụ kẹ Osolobuẹ kuni ọhụnma n'o d'a lama iwe ẹ, ẹlẹ onyẹ Itu-Farisi hụ. Makẹni, onyẹ bushi enwẹn ẹ elu, e welụa w'ẹ alị; onyẹ welụa enwẹn ẹ alị, e bushi wẹ ẹ elu.”

Luku 22:29

m rị nwan e ye ụnụ ọkịkị kẹ Nẹdi m dọn ye m alị-eze kị,

Luku 22:30

kẹni ụnụ sọn m ri, ra imẹ alị-eze m; onyẹ-onyẹ imẹ ụnụ sikọ d'a nọdị ukpo-eze, a hannị ikpụlọ mmẹbụọ rị Izrẹlụ eṅẹn.

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Jọnụ 20:29

Jesu nọ sị a, “Ẹlẹ hụnnị ị hụngụ m k'i gi kweri? Ngọzi wụ nke ndị kelẹni hụn bụ e kweri wẹ.”

Ditrọnọmi 8:2

Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Jemisi 1:10

ọdanfịn kwerini Kraịstị ya ghọghọma ni e wetugụọ w'a alị. Makẹni, ndị-ịdanfịn jẹnkọ d'a nwụnhụn kẹ obobo ọfịa:

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Rẹvẹleshọnụ 19:9

Mmọn-ozi hụ nọ sị m, “De ihiẹnni: ‘Ngọzi a rịkakwọnị ndị hụ wẹ kpọ oriri agbamẹkụkwọ Nwa-ebulu hụ.’ ” Ọ nọzị sị m, “Ihiẹnni wụ oku Osolobuẹ nke-esi.”

Rẹvẹleshọnụ 22:14

Ngọzi rịnị ndị ahụn sụ ẹkwa wẹ, kẹni wẹ nị wẹ ri mkpụrụ osisi ahụn e ye ndụn, kẹni wẹ gha ọnụ-mgbọn hụ banye imẹ obodo hụ.

Rẹvẹleshọnụ 3:17

“Ị hụ a sị, ‘M wụ ọdanfịn, e hiọlẹ m ọdanfịn, onwọnzini ihiẹn a kọnị m.’ Kanị, y'a marịn n'o nwọnni kẹ ọ han ị, nị y'e rugụọdẹ ihiẹn a gba ẹnya-mirin, nị ogbẹnnyẹ k'ị wụ, nị ị wụ ẹnya-mpịn, nị ị gba ọtọ!