Matiu 5:16 - Ika

¹⁶ Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Matiu 5:16 Iomraidhean Croise

Ọpụpụ 34:35

a hụn w'a nị ihun ẹ rị e gbuke; Mozizi e gizi ẹkwa hụ kpumẹ ihun d'e ru mgbe o jẹn d'e duzi Osolobuẹ ku.

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Azaya 58:8

I mẹ ẹrịra, ukpẹ i e nwunrun kẹ eki-ụtụntụn, y'a dịnhịnkẹnrin emu i; ezi-omumẹ i e buruni i ụzọ, ọghọ rị Osolobuẹ ẹhụ a kpanrịnn'ị azụụn e che i nche.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Matiu 23:5

“W'e mẹ ihiẹn ile w'e mẹ kẹni ịhịan legha wẹ: wẹ chọ nị wẹ yiri mkpọ filatrị ahụn w'e deye oku-Chuku w'e yi ezimezi ihun, e yiri wẹ hụn hi ogbe. Wẹ gha a kwaye tasẹlụ ahụn w'a kwaye ẹkwa ekpere, e mẹmẹ nke wẹ n'o sue, kẹni ịhịan hụn wẹ.

Matiu 23:9

Akpọlẹ ni ịhịan ‘Nẹdi ẹnyi,’ elu-ụwanị makẹni Nẹdi ohu sụọ kẹ ụnụ nwọn, elu-igwee k'ọ rị.

Matiu 5:45

kẹni ụnụ wụrụ ụmụ Nẹdi ụnụ rị elu-igwee nke-esi. Makẹni, o mẹ anwụn a e tikpu kẹ eje-ịhịan kẹ ezigbo ịhịan, e mẹ mirin e zueni kẹ ndị ezi-omumẹ kẹ ndị eje-omumẹ.

Matiu 6:16

“Ụnụ gha e bu ọnụ, erọnmẹlẹ ni ihun kẹ ndị ihunnaị. W'e rọnmẹ ihun, kẹni ịhịan ile hụn nị wẹ rị e bu ọnụ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Matiu 6:9

“E mẹ ni nwan ekpere ẹnịna: ‘Nẹdi ẹnyi hụn rị elu-igwee, mẹ ịhịan ile dọnmẹ ẹfan ị nsọ.

Matiu 9:8

Egun nọ tụma igunrun ahụn rị ebẹhụ, wẹ nọ ja Osolobuẹ mma, o gi ye ịhịan ikẹn nọ ẹnịna.

Luku 11:2

Jizọsị nọ sị wẹ, “Ụnụ gha e mẹ ekpere, sị nị: ‘Baba, mẹ ịhịan ile dọnmẹ ẹfan ị nsọ; Alị-eze i (ọkịkị ị) ya bịa.

Jọnụ 15:8

Ụnụ mị mkpụrụ ọda-ọda, o k'a ghọsị nị ụnụ wụ ndị nsọnmazụụn m: ọhụn jẹnkọ d'e wẹhẹni Nẹdi m ọghọ.

Ọrụn Ndị-ozi 9:36

Imẹ Jọpa, o nwọn okpoho ohu ẹfan a wụ Tabita hụn wụ onyẹ nsọnmazụụn Jesu (Asụsụ Griki, Tabita wụ Dọkasị hụn wụ Ele). Tabita e mẹ ọghọ ọda-ọda, o yeni ndị igbẹnnyẹ ẹka ọhụnma-ọhụnma.

Ndị Kọrẹntị Ibuzọ 14:25

ihiẹn rị a obi a pụha ifọn. Ọ kụnị Osolobuẹ isi alị, ye Osolobuẹ ọghọ, sị, “Ezioku-ezioku, Osolobuẹ rị imẹ igunrun ụnụ!”

Ndị Kọrẹntị Nke Ẹbụọ 9:13

Okukwe ụnụ gi ẹ ghọsị jẹnkọ d'e ye Osolobuẹ ọghọ, makẹni ọ ghọsị ndị bu ọda k'e rin'ẹ nị ụnụ e humẹni oziọma Kraịstị ụnụ kweri isi ebe ụnụ nọ ye wẹ lẹ ndị ọzọ ọda.

Ndị Galeshịa 1:24

Wẹ nọ gi ufiri m ja ẹfan Osolobuẹ mma.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ndị Ẹfẹsọsụ 5:8

Makẹni, ụnụ te rị imẹ ishi, kanị hụnnị ụnụ rị imẹ Di-nwọnni-ẹnyi, ụnụ wụ ukpẹ; e bi ni nwan kẹ ụmụ ukpẹ,

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Timoti Ibuzọ 2:10

Kama, wẹ gi ọrụn-ọma chọ enwẹn wẹ mma, k'o furu nị ikpoho e fe Osolobuẹ e mẹ.

Timoti Ibuzọ 5:10

Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Timoti Ibuzọ 5:25

Ẹrịra kẹ ọrụn ọma dọnzi a pụhachanrịn ifọn. Ọsụọdẹn'a n'o ke pụhachanrịn ifọn, o zuerisọnmẹkọ.

Timoti Ibuzọ 6:18

Sị wẹ e mẹ mma, a wụ ndị ịdanfịn ebe ịrụn ọrụn-ọma rị; wẹ a ha ẹka, a hụn a nị ihiẹn wẹ e ruzi ndị ọzọ ẹka ọhụnma —

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Taịtọsụ 2:7

Wụrụ onyẹ wẹ e leri imẹ ihiẹn ile rị mma. Ebe nkuzi i rị, wụrụ onyẹ ezioku lẹ onyẹ ghalẹni e gi nkuzi e gu egu,

Taịtọsụ 3:14

Ndị nke ẹnyi wẹ mụnrụnzịkwọ kẹ wẹ dọn e we enwẹn wẹ a kwanị ihiẹn rị mma, kẹni wẹ saẹka e ye ẹka ezigbo mkpa pụha, amamgbe w'a wụrụ ndị nwọnlẹni hụn w'a rụn.

Taịtọsụ 3:4

Kanị, ogẹn Osolobuẹ Onyẹ-nzụọpụha ẹnyi gi mẹni ịhịan ọhụnmanị o gi mẹyeni ịhịan,

Hibru 10:24

Nị ẹnyi a chọsọnmẹ ni kẹ ẹnyi e dọn mẹ ibe ẹnyi e nwọn ihiẹn-ọsụsụọ, e mẹ ihiẹn rị mma.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Ibuzọ 3:1

Nwunyẹ, mẹzikwọ ẹrịra. E humẹni di i isi, kẹni, omẹdẹni di ekwerini oku Osolobuẹ, ezigbo omumẹ nwunyẹ ẹ a dọbanhan a imẹ Osolobuẹ bụ onwọnni oku wẹ gwa a;

Pita Ibuzọ 3:16

Ka e gi ni nwayọ lẹ mgbaye e mẹ ẹ. E dọnmẹ ni obi ụnụ ọchan, kẹni ifẹnrẹn mẹ ndị hụn e kuja ihiẹn rị mma ụnụ rị e mẹ imẹ Kraịstị.

Pita Ibuzọ 4:11

Onyẹ e kuni, ya ku kẹ onyẹ Osolobuẹ gi ẹ e ku; onyẹ e jẹn ozi ya mẹ ẹ kẹ onyẹ Osolobuẹ rị e ye ikẹn: kẹni wẹ e gi ihiẹn ile e ye Osolobuẹ ọghọ ghahanị Jesu Kristi. Ọghọ lẹ ikẹn ile wụ nke ẹ jẹnrin ejẹn. Isẹẹ.

Pita Ibuzọ 4:14

Wẹ kpari ụnụ makẹni ụnụ rị a za ẹfan Kraịstị, ngọzi rọ: ya wụ nị ọghọ Mmọn nsọ Osolobuẹ rị ụnụ ẹhụ.