Matiu 4:3 - Ika

³ Ya kẹ onyẹ-ọnwụnwan hụ nọ bịa, sị a, “Omẹni ịyụ wụ Nwa Osolobuẹ, sị ọmụma ndịnị họnrinsọnmẹ ogbe brẹdi.”

Matiu 4:3 Iomraidhean Croise

Ọpụpụ 16:3

wẹ sị Mozizi lẹ Ẹrọnụ, “O te ka ẹnyi mma nị Osolobuẹ gbu ẹnyi tọ imẹ Ijiptu! Ebahụn, ẹnyi a nọdịyeni ite-anụ, e rijundẹ ẹfọ kẹ ẹnyi chọ — ụnụ nọ nwan wepụha ẹnyi imẹ atụnị nị ọnụ gi ẹgụn gbu igunrunni ile.”

Matiu 14:33

Ndị hụn rị imẹ ụgbọ-mirin hụ nọ gbun'ẹ osekpu, sị, “Ezioku-ezioku, ịyụ wụ Nwa Osolobuẹ.”

Matiu 16:16

Saịmọnụ wụ Pita nọ za, sị, “Yụ wụ Kraịstị hụn wụ nwa OSOLOBUẸ RỊ NDỤN.”

Matiu 26:63

Kanị Jizọsị a gba nkịtịn. Onyẹ-isi nchụn-ẹjan nọ sị a, “E gi m ẹfan Osolobuẹ rị ndụn sị ị gwa ẹnyi omẹni ịyụ wụ Kraịstị Nwa Osolobuẹ.”

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Makị 1:1

Ẹnịna kẹ oziọma Jizọsị wụ Kraịstị Nwa Osolobuẹ dọn bidọn:

Makị 3:11

Ndị eje-mmọn rị imẹ wẹ hụn a, a dannị w'a alị ozigbo, yi, “Ị wụ Nwa Osolobuẹ!”

Makị 5:7

Ọ hụ e gi okẹn olu e yi, “K'i sikọ d'e gi m mẹ, Jesu Nwa Chuku kachanrịnnị? M rị e gi ẹfan Osolobuẹ a sị ị, eyelẹ m afụnfụn!”

Luku 1:35

Mmọn-ozi hụ nọ sị a, “Mmọn-nsọ jẹnkọ d'e hidankwasị ị; ikẹn Onyẹ Hụ Kachanrịnnị jẹnkọ d'e kpumẹ i. Ya wụ, nwa ị jẹnkọ d'a mụ k'a rị nsọ, wẹ k'a kpọ a Nwa Osolobuẹ.

Luku 22:70

Wẹ ile nọ sị, “Ịyụ wụ nwan Nwa Chuku?” Ọ nọ sị wẹ, “Ụnụ e kugụọ a nị ya kẹ m wụ.”

Luku 4:3

Ekwensụ nọ sị a, “Omẹni ị wụ Nwa Osolobuẹ, sị ọmụmanị họnrin ogbe brẹdi.”

Luku 4:41

Eje-mmọn hụzị a gha imẹ ndị bu ọda a pụ, e yi, “Ịyụ wụ Nwa Osolobuẹ!” Kanị, Jizọsị hụ a jụgbọ eje-mmọn ndị hụ — ọ nịnị wẹ ku oku, makẹni a marịngụọ wẹ nị ya wụ Kraịstị.

Luku 4:9

Ya kẹ Ekwensụ nọ weri Jesu shi Jerusalẹm, bu ẹ che mkpọnụnụ Ụlọ-nsọ, sị a, “Omẹni ị wụ Nwa Osolobuẹ, gha ebeni wụtu.

Jọnụ 1:34

A hụnọlẹ m'a; e kuọlẹ m nị ịya wụ Nwa Osolobuẹ.”

Jọnụ 1:49

Natanẹlụ nọ sị, “Onyẹ-nkuzi, eziẹ ịyụ wụ Nwa Osolobuẹ; ịyụ wụ Eze ndị Izrẹlụ!”

Jọnụ 20:31

Kanị, wẹ deye ndịnị kẹni ụnụ hụn ụzọ kweri nị Jesu wụ Kraịstị (hụn wụ Onyẹ Nzụọpụha Hụ Osolobuẹ Tumẹ), Nwa Osolobuẹ, kẹni ụnụ gi ẹfan a nwọn ndụn ghahanị okweri ụnụ kwerin'ẹ.

Jọnụ 9:35

Jizọsị nụ nị a chụpụgụọ w'a. Ọ hụn a, ọ nọ sị a, “Y'e kwerighọ nị Nwa nke Ịhịan?”

Ọrụn Ndị-ozi 9:20

Ozigbo, ọ nọ kumẹ oku Jesu imẹ ụlọ-ofufe ndị Ju rịsọnmẹ ebẹhụ, a sị wẹ, “Ịya wụ Nwa Osolobuẹ!”

Ndị Kọrẹntị Nke Ẹbụọ 1:19

Makẹni Nwa Osolobuẹ wụ Jesu Kristi hụn mmẹ lẹ Sivanọsụ wụ Saịlasị lẹ Timoti zi ụnụ ozi ẹ ẹlẹ onyẹ a sị “ẹghẹẹ,” a sị “Mba;” ihiẹn rị imẹ ẹ ogẹn ile wụ “ẹghẹẹ.”

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Tẹsalonika Ibuzọ 3:5

Ufiri ẹ, makẹni ọ nịzịnị m din, m nọ zi ozi nị m marịn kẹ okukwe ụnụ nọ, amamgbe, ọ wụrụ nị onyẹ-ọnwụnwan a nwangụọ ụnụ, ihiẹn ẹnyi rụn a la iwi.

Hibru 12:16

Hụnzịkwọ n'a n'o nwọnni onyẹ rị a ghẹrẹni, mọbụ onyẹ nọkẹ Isọ nwọnlẹni ihiẹn ọ kpọ ihiẹn rị nsọ, nwa-ibuzọ gi afẹrẹ ihiẹn-oriri ohu ghatarị ukuu nwa-ibuzọ hụn te k'e ru ẹ ẹka.

Hibru 4:14

Ebe o mẹ ni ẹnyi e nwọnghọ okẹn onyẹ-isi nchụn-ẹjan wụ Jizọsị Nwa Osolobuẹ, hụn ghafegụ elu-igwere, banye ebe Osolobuẹ rị, nị ẹnyi kwọnkẹnmẹ nwan ihiẹn ẹnyi kweri.

Hibru 7:3

O nwọn nẹdi; o nwọn nnẹ; o nwọn ẹbozo. O nwọn mbidọn; o nwọn ọgụgụ. Ọ nọhụ kẹ nwa Osolobuẹ. Ọ wụ onyẹ nchụn-ẹjan jẹnrin ejẹn.

Jọnụ Ibuzọ 3:8

Onyẹ e mẹ njọ wụ nke Ekwensụ, makẹni Ekwensụ gha alị mẹla njọ. Ịya haịn Nwa Osolobuẹ gi bịa — kẹni o tikpọ ọrụn Ekwensụ.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.