Matiu 4:23 - Ika

²³ Jesu nọ ghagbarị Galili ile, a kuzi imẹ ụlọ-ofufe ndị Ju, e zi oziọma Alị-eze, a zụọ wẹ emu lẹ ọrịa ile rị ichẹn-ichẹn wẹ bu.

Matiu 4:23 Iomraidhean Croise

Ẹbụ-ọma 103:3

ọ gbagharị ị njọ ị ile; ọ gwọ ị ọrịa ị ile,

Ẹbụ-ọma 74:8

Wẹ sị enwẹn wẹ, “Nị ẹnyi bịangbuchanrịn wẹ!” E gigụọ wẹ ọkụn dụnpụchanrịn ebe ile ẹnyi nọ e fe Chuku imẹ alịnị.

Matiu 11:5

ndị ẹnya-ishi a hụnmagụọ ụzọ; ndị ngụrọ e jẹnmẹgụọ ijẹn; ndị oti hụ a dịnhịn, a wụbehi ndị rụnị; ndị odin a nụmagụọ ihiẹn; wẹ hụ e weli ndị nwụnhụnnị, e zi ndị igbẹnnyẹ oziọma.

Matiu 12:9

Jesu nọ gha ebahụn pụ, banye ụlọ-ofufe wẹ.

Matiu 13:19

Onyẹ nụ ozi Alị-eze bụ ọ ghọhan'a, Eje-onyẹ hụ a bịa d'a jụnarịn a ihiẹn hụ wẹ kụnye ẹ obi. Ọhụn wụ mkpụrụ ndị hụn wẹ ghaye ọkpụzọ.

Matiu 13:54

shi obodo ọ nọ sue. Ọ nọ kuzimẹ wẹ imẹ ụlọ-ofufe wẹ, nke wụ nị nkuzi ẹ nọ tụ wẹ ẹnya, wẹ nọ sị, “Elebe kẹ onyẹni nọ nwọnhẹn amamihiẹnni lẹ ikẹn o gi a rụn ọrụn-atụmẹnya ndịnị?

Matiu 14:14

Ogẹn o gi ru mkpẹnrẹn mirin, ọ hụn igunrun hi-ogbe. Ọ nọ mẹ omikẹn wẹ, zụọ ndị emu rị a kụ.

Matiu 24:14

Wẹ jẹnkọ d'e zigbarị elu-ụwa ile oziọmanị, oziọma Alị-eze, kẹn'ọ wụrụ ọshẹri imẹ alị ile; ogẹn hụ kẹ ọgụgụ-ogẹn e gi ru.

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 9:35

Jizọsị nọ ghama obodo-obodo, kẹ ndị shịanị kẹ ndị mẹ ẹkẹrẹ, a kuzi imẹ ụlọ-ofufe ndị Ju, e zi oziọma Alị-eze, a zụọ ụdị emu lẹ ọrịa ile.

Makị 1:14

Ogẹn wẹ gi kpọkingụ Jọnụ ye imẹ ụlọ-ngan, Jesu nọ bịa Galili d'e zimẹ oziọma Osolobuẹ.

Makị 1:21

Jesu lẹ ndị nsọnmazụụn a nọ shi Kapanọm. O ru Ụhụọhịn Ezumikẹn, ọ nọ banye ụlọ-ofufe rị ebẹhụ d'a kuzi.

Makị 1:39

Ọ nọ ghagbarị Galili ile, e zisọnmẹ oziọma imẹ ụlọ-ofufe wẹ rị ichẹn-ichẹn, a chụpụ eje-mmọn.

Makị 3:10

Makẹni ọ zụọgụọ ndị bụ ọda, ndị ile emu rị a kụ rị a fụfa nị wẹ mẹtụ a ẹka.

Makị 6:2

O ru Ụhụọhịn Ezumikẹn, ọ nọ kuzimẹ imẹ ụlọ-ofufe. Ọ tụ ndị bu ọda rị a nụn'a ẹnya, wẹ hụ a sị, “Elebe kẹ okẹnnyẹni nọ nwọnhẹn ihiẹn ndịnị ile? Elee ụdị amamihiẹn kẹ wẹ ye ẹ ihiẹnni? Elebe k'ọ nọ nwọnhẹn ikẹn o gi a rụn okẹn ọrụn-atụmẹnya ndịnị ọ rị a rụn?

Makị 6:6

Ọ hụ a tụ a ẹnya nị enwọn wẹ okukwe. Ya kẹ Jesu nọ jẹnsọnmẹmẹ ụmụ-alị rị ẹgbẹrẹ hụ, a kuzi wẹ.

Luku 10:9

zụọ nị ndị emu rị a kụ imẹ obodo hụ; sị nị ndị rịn'a, ‘Alị-eze Osolobuẹ e rugụọ ụnụ ẹhụ.’

Luku 13:10

Ụhụọhịn Ezumikẹn ohu, Jesu rị ụlọ-ofufe, a kuzi.

Luku 16:16

“Iwu Mozizi lẹ ihiẹn ndị-amụma de kẹ wẹ gi rụn ọrụn d'e ru ogẹn Jọnụ hụn e mẹ mirin-Chuku gi bidọn ọrụn a. Kete mgbe hụ, wẹ hụ e zi oziọma Alị-eze Osolobuẹ, ịhịan ile hụ a fụfa a banye.

Luku 20:1

Ụhụọhịn ohu, ebe Jesu rị a kuzi, e zi oziọma imẹ Ụlọ-nsọ, ndị-isi nchụn-ẹjan lẹ ndị-nkuzi Iwu lẹ ndị-isi nọ pụha,

Luku 4:14

Ya kẹ Jizọsị nọ kinhẹn Galili, ya lẹ ikẹn Mmọn-nsọ. Ẹfan a nọ kpọgbarị obodo ile rị ẹgbẹrẹ hụ.

Luku 5:17

Ụhụọhịn ohu, ebe Jesu rị a kuzi, ndị Itu-Farisi lẹ ndị-nkuzi Iwu hụn gha ụmụ-alị ile rịsọnmẹ Galili lẹ Judia bịa lẹ ndị gha Jerusalẹm bịa rị ebẹhụ. Ikẹn Di-nwọnni-ẹnyi wụ Osolobuẹ hụ a hụn Jesu e gi zụọ ọrịa.

Luku 6:17

Ogẹn Jizọsị lẹ ndị-ozi hụ pụ-ichẹn gi hidangụ, ọ nọ turu alị-aradan, ya lẹ igunrun ndị nsọnmazụụn a. Imẹrinmẹ ndị ghazị ebe ile rị imẹ Judia lẹ Jerusalẹm lẹ ibẹka Taya-lẹ-Sidọnụ rị mkpẹnrẹn Ohimin bịa rịzịkwọ ebahụn;

Luku 6:6

O ruzi Ụhụọhịn Ezumikẹn ọzọ, Jizọsị nọ banye ụlọ-ofufe ohu, kuzimẹ. Okẹnnyẹ ohu ẹka-nni nwụnhụn rị ebẹhụ.

Luku 7:21

Ogẹn ohu ahụn, Jizọsị nọ zụọ ndị bu ọda emu lẹ ọrịa ichẹn-ichẹn, chụpụsọnmẹ eje-mmọn imẹ ndị bu ọda, mẹ ndị ẹnya-ishi bu ọda hụnma ụzọ.

Luku 7:22

Ya ọ nọ sị wẹ, “Jẹn ni d'a gwa Jọnụ ihiẹn ụnụ hụn lẹ ihiẹn ụnụ nụ: ndị ẹnya-ishi e leghama ụzọ; ndị ngụrọ e jẹnmẹ ijẹn; ndị oti a dịnhịn, wụbehi ndị rụnị; ndị odin a nụma ihiẹn; wẹ hụ a kpọtiẹn ndị nwụnnị, e zi ndị igbẹnnyẹ oziọma.

Luku 8:1

Otebe ẹkẹrẹ, Jizọsị nọ ghasọnmẹ obodo uku lẹ obodo nta ile, e zi oziọma Alị-eze Osolobuẹ. Ya lẹ ndị nsọnmazụụn a mmẹbụọ hụ wị,

Luku 9:11

Kanị ogẹn igunrun ndị ahụn gi nụ a, wẹ nọ rusọnmẹ ẹ. Ọ nọ nabanhan wẹ, gwa wẹ oku Alị-eze Osolobuẹ, zụọ ndị hụn chọ nzụọrị.

Luku 9:60

Ya Jesu nọ sị, “Hapụ ndị nwụnhụnnị nị wẹ li ndị nke wẹ nwụnhụnnị. Ịyụ nwẹn, jẹnmẹ d'e zi ozi Alị-eze Osolobuẹ.”

Jọnụ 18:20

Jesu nọ sị, “Idẹnya ịhịan ile kẹ m nọ ku ihiẹn m ku; imẹ ụlọ-ofufe rị ichẹn-ichẹn lẹ imẹ Ụlọ-nsọ ndị Ju ile nọ e zu kẹ m nọ kuzi; onwọnni hụn m ku nzuzue.

Jọnụ 6:59

Ebe Jesu rị a kuzi imẹ ụlọ-ofufe ndị Ju rị Kapanọm k'ọ nọ ku ihiẹn ndịnị.

Jọnụ 7:1

Omẹgụ, Jesu nọ jẹnhunmẹmẹ imẹ Galili. Ọ chọnị n'o jẹn Judia, makẹni ndị-ndu ndị Ju rị a chọ nị wẹ gbu ẹ.

Ọrụn Ndị-ozi 10:38

kẹ Jizọsị onyẹ Nazarẹtị hụn Osolobuẹ tumẹ, gi Mmọn-nsọ lẹ ikẹn gbajun, dọn jẹnhunmẹ, e mẹ ihiẹn rị mma, a zụọ ndị ile Ekwensụ rị e kpokpo, makẹni Osolobuẹ nọyen'ẹ.

Ọrụn Ndị-ozi 18:4

Ụhụọhịn Ezumikẹn ile, ọ hụ e jẹn ụlọ-ofufe ndị Ju d'a gwa wẹ oku, a lịlịma n'o mẹ wẹ kweri — kẹ ndị Ju kẹ ndị wụlẹni ndị Ju.

Ọrụn Ndị-ozi 20:25

“Lee n'ẹ nwan: a marịnghọ m nwan nị imẹ ụnụ ile m nọ imẹ igunrun wẹ zi ozi Alị-eze onwọnni hụn jẹnkọ d'a hụnzịnị m.

Ọrụn Ndị-ozi 28:31

ọ hụ e zi ozi Alị-eze Osolobuẹ, a kuzi banyeni Di-nwọnni-ẹnyi wụ Jesu Kristi, e ku ẹ, e kushi ẹ ikẹn, onwọnni onyẹ gbọndọnn'ẹ.

Ndị Rom 10:15

Nanị w'a dọn ku oku ẹ omẹni e zijẹnni wẹ ndị-ozi? Ya kẹ Ẹkụkwọ-nsọ gi sị nị “Ụkụ ndị wẹhẹ oziọma a rịka mma!”