Matiu 4:10 - Ika

¹⁰ Ya kẹ Jizọsị nọ sị a, “Ekwensụ, pụ ebeni! Makẹni, e degụọ w'a imẹ Ẹkụkwọ-nsọ, sị, ‘Osolobuẹ wụ Chuku i k'i k'a kụnị isi-alị; ịya sụọ k'i k'e fe.’ ”

Matiu 4:10 Iomraidhean Croise

Ihiẹn Mẹni Nke Ibuzọ 21:1

Ekwensụ chọkọ ni eje-ihiẹn mẹ Izrẹlụ, ọ nọ nu Defidi d'a gụn ndị Izrẹlụ.

Jobu 1:12

Osolobuẹ nọ sị Ekwensụ, “Ọ maka. Ihiẹn ile o nwọn rị ị nwan ẹka. Ka emẹtụlẹ okẹnnyẹ ahụn lẹ enwẹn ẹ ẹka.” Ya kẹ Ekwensụ nọ gha ebe Osolobuẹ rị pụ.

Jobu 1:6

Ụhụọhịn ohu, ndị mmọn-ozi pụha ihun Osolobuẹ, Ekwensụ nkẹ nọ bịa imẹ igunrun wẹ.

Jobu 2:1

O ru ụhụọhịn ọzọ, ndị mmọn-ozi nọzị pụha ihun Osolobuẹ, Ekwensụ nkẹ nọ pụhazị imẹ igunrun wẹ.

Ẹbụ-ọma 109:6

Bu oku onyẹni che ẹka eje-ịhịan; onyẹ k'e buokin ẹ ọnụ ya turuye ẹ ẹka-nni!

Ọpụpụ 23:25

Fe ni Osolobuẹ wụ Chuku ụnụ, nị ngọzi ẹ hụn ụzọ rị imẹ ihiẹn-oriri lẹ mirin ụnụ. M k'e wepụ emu imẹ igunrun ụnụ,

Azaya 30:22

Ogẹn ahụn, ụnụ k'e mẹrụ mmọn ụnụ wẹ gi siliva nyanhunmẹ lẹ hụn wẹ gi goru nyanhunmẹ, ụnụ jẹnkọ d'a mahu wẹ kẹ ẹkwa okpoho gi sọ ezi, sị wẹ, “Pụ nị ebeni!”

Matiu 16:23

Kanị Jesu e gbehutọ, ọ nọ sị Pita, “Ekwensụ, pụ nị m! Ị rị e mẹ m uke, makẹni y'a rị e ro nke Osolobuẹ kanị nke ịhịan.”

Makị 1:13

Ọ nọ nọdị imẹ atụ akpọhịn ọgụnnaị, Ekwensụ hụ a nwan a. Ịya lẹ eje-anụ ichẹn-ichẹn rị ebẹhụ; ndị mmọn-ozi hụzị e yen'ẹ ẹka.

Luku 10:18

Jesu nọ sị wẹ, “A hụnghọ m kẹ Ekwensụ gha elu-igwee dan ‘nwaịn!’ nọkẹ amụma beni.

Luku 11:18

“Ebe ụnụ sị nị m gi ikẹn Bẹzibọlụ a chụpụ eje-mmọn, o mẹ nwan nị Ekwensụ e kebeọlẹ, nanị kẹ alị-eze ẹ e dọn turu?

Luku 13:16

“Lee ni nwan okpohoni: nwa Ebraham hụn Ekwensụ kẹn ẹgbụn kete ahụa mmẹsatọ; o runi hụn w'a tọpụ Ụhụọhịn Ezumikẹn?”

Luku 22:3

Ekwensụ nọ banye imẹ Judasị w'a kpọ Iskarọtụ, onyẹ ohu imẹ ndị nsọnmazụụn a mmẹbụọ hụ.

Luku 22:31

“Saịmọnụ, Saịmọnụ! Gọn ntịn! Ekwensụ a sịgụọ wẹ we ụnụ ile che ẹ ẹka, n'ọ yọ ụnụ kẹ ọka.

Luku 4:8

Jesu nọ sị a, “Ẹkụkwọ-nsọ sị, ‘Di-nwọnni-ẹnyi wụ Chuku i k'i k'a kụnị isi-alị; ịya sụọ k'i k'e fe!’ ”

Jọnụ 13:27

Ogẹn Judasị gi narịngụ brẹdi ahụn, Ekwensụ nọ banye imẹ ẹ. Jesu nọ sị a, “Mẹ ihiẹn ị k'e mẹ ozigbo!”

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ọrụn Ndị-ozi 5:3

Kanị Pita nọ sị, “Ananayasị, kị Ekwensụ nun'i tụ Mmọn-nsọ ntụ, mẹ i bu mgbube egho i re alị hụ tọ?

Ndị Kọrẹntị Ibuzọ 5:5

ụnụ e bu onyẹni che ẹka Ekwensụ nị wẹ hụn ụzọ tikpọ ẹhụ a, kẹni mmọn a hụn ụzọ nwọn nzụọpụha Ụhụọhịn Di-nwọnni-ẹnyi Jesu Kristi.

Ndị Kọrẹntị Ibuzọ 7:5

Egilẹ ni ẹhụ ụnụ a jọ ibe ụnụ ẹfọ, mmanị omẹni ụnụ kwerigbama nị ụnụ ye efe ẹkẹrẹ kẹni ụnụ gi ẹ mẹ ekpere, omẹgụ ụnụ a nọgbamazị, amamgbe Ekwensụ a nwan ụnụ, makẹni ụnụ asaẹka kwọndọnsọnmẹ enwẹn ụnụ.

Ndị Kọrẹntị Nke Ẹbụọ 11:14

Ẹlẹ ihiẹn a tụ ẹnya, makẹni Ekwensụ lẹ enwẹn ẹ e mẹdẹ nọkẹsị ọ wụ mmọn-ozi ukpẹ!

Ndị Kọrẹntị Nke Ẹbụọ 12:7

Ihiẹn ndịnị m hụn a pụkakwọ ichẹn. Kanị, makẹ m gha e gi ihiẹn ndị hụ m hụn pachemẹ, Osolobuẹ nọ bu nsọngbu che m ẹhụ — rịkẹ ogun wẹ kpọye ịhịan ẹhụ. Nsọngbuni wụ onyẹ-ozi Ekwensụ. O bu ẹ che m ẹhụ n'ọ hụn ụzọ a lụ m, amamgbe m'a pachemẹ.

Ndị Kọrẹntị Nke Ẹbụọ 2:11

kẹni ẹnyi gi ẹ gbọndọn Ekwensụ, amamgbe ọ tụnarịn ẹnyi ihiẹn rị mma, makẹni ẹnyi a marịnghọ ẹro ẹ.

Ditrọnọmi 10:20

Tụ nị egun Osolobuẹ wụ Chuku ụnụ, e fe ẹ. Kwọnkẹnmẹn'ẹ, e kun ẹfan a sụọ.

Jemisi 4:7

Bu ni nwan enwẹn ụnụ che okpuru Osolobuẹ. Che ni Ekwensụ ọgụn, ọ k'a gbanị ụnụ ọsọ.

Joshụa 24:14

“Joshụa nọzị sị: Gbaye ni nwan Osolobuẹ, ụnụ e gichanrịn obi ụnụ fe ẹ. Tuhuni mmọn-lẹ-iyi ndị nẹdi ụnụ kanị fe nfetu Iyi Yufretisi lẹ imẹ Ijiptu, ụnụ e fe Osolobuẹ.

Pita Ibuzọ 5:9

Chekẹnmẹ n'ẹ nwan ọgụn, e turu ọhụnma imẹ okukwe ụnụ, ebe ụnụ marịn nị ndị Itu-Kraịstị ibe ụnụ ile rị elu-ụwa rị a tazị ụdị afụnfụn ahụn.

Samuẹlụ Nke Ibuzọ 7:3

Ya Samuẹlụ nọ sị ikpụlọ Izrẹlụ ile, “Omẹni obi ụnụ ile kẹ ụnụ gi kinla ebe Osolobuẹ rị, latọ nị nwan mmọn lẹ iyi alị ndị ọzọ ụnụ rị a ghọ lẹ onyẹnnyẹ-mmọn wụ Ash'ta wẹ kọmasọnmẹ, ụnụ e wechanrịn enwẹn ụnụ ye Osolobuẹ, femẹ ya sụọ. Ụnụ mẹ ẹ, ọ gbapụha ụnụ ẹka ndị Filistia.”