Matiu 3:7 - Ika

⁷ Kanị, ogẹn o gi hụn kẹ ndị bu ọda imẹ ndị itu-Farisi lẹ ndị itu-Sadusi rị a bịa n'o mẹ wẹ mirin-Chuku, ọ nọ sị wẹ, “Igunrun agwọ! Onyẹ sị ụnụ gba nị iwe lẹ ọnụma Osolobuẹ lalanị ọsọ?!

Matiu 3:7 Iomraidhean Croise

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Itẹn 28:4

Ndị gbakịtọgụ Iwu-Osolobuẹ azụụn a ja ndị eje-omumẹ mma, kanị ndị e sọn Iwu-Osolobuẹ a ra yeni wẹ efe.

Azaya 59:5

Wẹ e rotọ eje-ihiẹn kẹ ẹjụ-alị dọn e bu ẹkwan ẹfọ lẹzi kẹ akpụkpa dọn a tan ntan-akpụkpa — onyẹ ri ẹkwan wẹ, ọ nwụnhụn, wẹ gbu ẹkwan wẹ, agwọ e gbuni a pụha.

Jerimaya 51:6

“Ghakwọ nị Babilọnụ gbapụha! Zụọrịkwọ nị isi ọnụ! Anịkwọlẹ ni njọ a na ụnụ isi! Ogẹn Osolobuẹ e gi mẹgwarị a e rugụọ, ogẹn o gi kụ a ụgwọ ihiẹn o mẹ.

Jerimaya 6:10

M nọ sị, “Onyẹ kẹ m'a gwa oku, dọ ẹka-ntịn? Onyẹ jẹnkọ d'e gọn m ntịn? Ntịn wẹ kpọkin akpọkin; anụkọ wẹ. Oku Osolobuẹ e we wẹ iwe; ara sụọ wẹ kaka!”

Matiu 12:24

Kanị ogẹn ndị Itu-Farisi gi nụ a, wẹ nọ sị, “Omẹni ẹlẹ ikẹn Bẹzibọlụ onyẹ-isi eje-mmọn, okẹnnyẹni eke saẹka chụpụ eje-mmọn ndịnị.”

Matiu 12:34

Igunrun agwọ! Nanị ụnụ a dọn ku ihiẹn rị mma ebe ụnụ wụ ndị-njọ? Ihiẹn jun ịhịan obi ya kẹ ọnụ a e ku.

Matiu 15:12

Ya ndị nsọnmazụụn a nọ bịa d'e kunrun ẹ, sị a, “Y'a marịnghọ nị iwe we ndị Itu-Farisi ogẹn wẹ gi nụ ihiẹnni i ku?”

Matiu 16:1

Ndị Itu-Farisi lẹ ndị Itu-Sadusi nọ wịrị d'a chọ ihiẹn rị Jizọsị ọnụ, sị a ghọsị wẹ ahịma gha elu-igwee bịa.

Matiu 16:6

Jizọsị nọ sị wẹ, “Kpachanpụ nị ẹnya makẹ yisti ndị Itu-Farisi lẹ ndị Itu-Sadusi.”

Matiu 22:15

Ndị Itu-Farisi nọ jẹn umẹ nị wẹ gi oku-ọnụ Jizọsị nwụndọn ẹ.

Matiu 22:23

Ụhụọhịn ohu hụ, o nwọn ndị Itu-Sadusi bịa d'e kunrun Jesu. Ndị itu-Sadusi sị nị ndị nwụnnị ara lihi. Wẹ nọ jụ a ụtaa,

Matiu 22:34

Ogẹn ndị Itu-Farisi gi nụ nị Jesu e kpukingụọ ndị Itu-Sadusi ọnụ, wẹ nọ zu, buru ẹ,

Matiu 23:33

Agwọ kẹ ụnụ wụ! Igunrun ẹjụ-alị! Nanị ụnụ e dọn wanahịn afụnfụn ọkụn-mmọn?

Matiu 5:20

M rị a gwa ụnụ, mmanị ezi-omumẹ ụnụ ka nke ndị-nkuzi Iwu lẹ ndị Itu-Farisi, ụnụ asakọ ẹka banye Alị-eze elu-igwee.

Makị 12:13

Ya ndị-ndu nọ zi ụfọdụ ndị Itu-Farisi lẹ ndị itu Hẹrọdụ d'a chọ ihiẹn rị Jesu ọnụ, nị wẹ gi ẹ kwọndọn ẹ.

Makị 12:18

O nwọn ndị Itu-Sadusi bịa d'e kunrun Jesu. (Ndị Itu-Sadusi sị ndị nwụnhụn nị ara lihi). Wẹ nọ jụ Jizọsị ụtaa, sị a,

Makị 8:15

Jizọsị nọ sị wẹ, “E lekwọ nị ẹnya! Kpachanpụkwọ nị ẹnya makẹ yisti ndị Itu-Farisi lẹ nke Hẹrọdụ.”

Luku 16:14

Ogẹn ndị Itu-Farisi gi nụgụ ihiẹnni ile, wẹ nọ ru Jesu imi, makẹni egho a sụọka wẹ.

Luku 18:11

Onyẹ Itu-Farisi e jẹnzụka, mẹ ekpereni: ‘Osolobuẹ, a kpanmịn m'ị nị anọnị m kẹ ndị ọzọ: m'a ra tụnarịn ịhịan ihiẹn ẹ, m'a ra tụ ntụ, m'a ra ghẹrẹ; anọdẹni m kẹ onyẹ ụgwọ-isi hụ rị ebẹhụ.

Luku 7:30

Kanị, ndị Itu-Farisi lẹ ndị-nkuzi Iwu jụ ihiẹn Osolobuẹ kwademẹni wẹ — makẹni wẹ jụ nị Jọnụ emẹkọ wẹ mirin-Chuku.)

Jọnụ 1:24

Ndị Itu Farisi hụn rị imẹ ndị hụ wẹ zihẹn'ẹ

Jọnụ 8:44

“Ụnụ wụ nke Ekwensụ nẹdi ụnụ. Ihiẹn nẹdi ụnụ chọ kẹ ụnụ chọ nwan nị ụnụ mẹ. Izighẹ k'ọ wụ gha isi mbidọn lala; ọ kwadọntuni ezioku — makẹni ezioku arị imẹ ẹ. Ọ gha a tụ ntụ, onwọnni ihiẹn ọ kpọ a, makẹni onyẹ ntụ lẹ nẹdi ntụ k'ọ wụ.

Jọnụ 9:40

Ndị Itu-Farisi nọkunmẹn'ẹ a nụ ihiẹnni o ku, wẹ nọ jụ a, sị, “Ẹnyi nwẹn wụzịdẹ ndị ẹnya-ishi ra?”

Ọrụn Ndị-ozi 15:5

Kanị ụfọdụ ndị kwerini rị itu Farisi nọ lihi ọtọ, sị, “Wẹ k'a gwarịrị ndị alị ọzọ wụlẹni ndị Ju nị wẹ k'a kwarịrị ugun, dọnmẹrịrị Iwu Mozizi.”

Ọrụn Ndị-ozi 20:31

We ni nwan ẹnya ru alị; nyanhan nị nị ezuni m ikẹn ọrọgbọ ahụa ẹtọ, kẹ uhinhin kẹ efinnaị, ebe m rị e gi ẹnya-mirin a dọ onyẹ ọwụlẹ ẹka-ntịn.

Ọrụn Ndị-ozi 26:5

Omẹni wẹ te k'e ku ezioku, a marịngụọ wẹ ketekete nị m te wụ onyẹ itu-Farisi, itu kachanrịn e ze imẹ ofufe ẹnyi lẹni m'e bi obibi ndị Itu-Farisi.

Ọrụn Ndị-ozi 5:17

Ya kẹ onyẹ-isi nchụn-ẹjan nọ sị ọ gbakọ nkịtịn, ya lẹ ndị ile rị e sọnn'ẹ, ndị itu Sadusi ibe ẹ; wẹ nọ gi ẹnya-ụfụ sọn wẹ:

Ndị Rom 1:18

Iwe-lẹ-ọnụma Osolobuẹ gha elu-igwee e sọn ndị ile a gbakitọ Osolobuẹ azụụn lẹ ndị ile e mẹ njọ, ndị gi eje-ihiẹn wẹ e mẹ e gbọndọn ezioku.

Ndị Rom 5:9

Hụnnị Osolobuẹ gi ufiri ẹdeke Jesu kuni ẹnyi ọhụnma, ya wụ nị ẹnyi jẹnkọ d'a wanahịnchanrịn iwe-lẹ-ọnụma Osolobuẹ ghahanị Jesu.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Jọnụ Ibuzọ 3:10

Ọnwan kẹ wẹ gi a marịn ndị wụ ụmụ Osolobuẹ lẹ ndị wụ ụmụ Ekwensụ: onyẹ ọwụlẹ ghalẹni e mẹ ihiẹn rị mma mọbụ onyẹ ihiẹn ibe ẹ ghalẹni a sụọ ẹlẹ nwa Osolobuẹ.