Matiu 3:11 - Ika

¹¹ “Mmẹ nwẹn gi mirin-mmaka e mẹ ụnụ mirin-Chuku ụnụ gi a ghọsị nị ụnụ e rogharịgụọ. Kanị, onyẹ hụn sọnla m azụụn ka m ọhụnma-ọhụnma; erudẹni m onyẹ e bu akpụkụ a! Mmọn-nsọ lẹ ọkụn kẹ ya nwẹn k'e gi mẹ ọnụ mirin-Chuku.

Matiu 3:11 Iomraidhean Croise

Azaya 4:4

Makẹni, ogẹn ahụn, Osolobuẹ k'a chanchanpụchanrịn ụrụ ikpoho Zayọnụ; o k'e ye wẹ afụnfụn, mẹ wẹ ihiẹn ọkụn e mẹ, gi ẹ finchanpụ Jerusalẹm ẹdeke rịn'a.

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Matiu 3:6

Wẹ hụ e ku njọ wẹ mẹ, ọ hụ e mẹ wẹ mirin-Chuku imẹ Iyi Jọdanị.

Makị 1:4

Jọnụ hụn e mẹ mirin-Chuku pụha, kumẹ oku-Chuku imẹ atụ, a sị wẹ rogharị, nị wẹ mẹ wẹ mirin-Chuku hụn ghọsị nị e rogharịgụọ wẹ, kẹni Osolobuẹ gbagharị wẹ njọ.

Luku 1:17

O k'e buruni Di-nwọnni-ẹnyi ụzọ, gi agụngụn lẹ ikẹn onyẹ-amụma wụ Ẹlaịja mẹ ndị nẹdi bu obi wẹ che ebe ụmụ wẹ rị, mẹ ndị nnupụ-isi rogharị d'e bimẹ obibi ndị marịn ihiẹn, obibi ndị ezi-omumẹ. O k'e gi ẹ kwademẹ ịhịan makẹ ọbịbịa Di-nwọnni-ẹnyi.”

Luku 3:16

Jọnụ nọ sị wẹ, “Mirin mmaka kẹ m gi rị e mẹ ụnụ mirin-Chuku, kanị onyẹ kanị m lala: erudẹni m onyẹ a tọpụ a eriri akpụkụ! O sikọ d'e gi Mmọn-nsọ lẹ ọkụn mẹ ụnụ mirin-Chuku.

Luku 3:3

Ya Jọnụ nọ ghagbama ẹgbẹrẹ Iyi Jọdanị, e ku oku-Chuku, a sị wẹ bịa d'e mẹ mirin-Chuku, gi ẹ ghọsị n'e rogharịgụọ wẹ — kẹni Osolobuẹ hụn ụzọ gbagharị wẹ njọ.

Jọnụ 1:15

Jọnụ ku oku ẹ, yi, “Ọnwan wụ onyẹ hụn m rị e ku ogẹn m gi sị, ‘Onyẹ hụn lalanị m mẹmẹgụ ka m, makẹlẹ ọ rị a rị nị wẹ d'a mụ m.’ ”

Jọnụ 1:30

Ịya kẹ m rị e ku ogẹn m gi sị, ‘M mẹmẹgụ, okẹnnyẹ ohu kanị m lala.’ Ịya ka m makẹni ọ rị arị nị wẹ d'a mụ m.

Ọrụn Ndị-ozi 1:5

Jọnụ gi mirin mẹ mirin-Chuku; kanị, o gini d'e mẹ akpọhịn ole-lẹ-ole, wẹ k'e gi Mmọn-nsọ mẹ ụnụ mirin-Chuku.”

Ọrụn Ndị-ozi 19:4

Pọlụ nọ sị, “Mirin kẹ Jọnụ gi mẹ ndị rogharịnị mirin-Chuku, kanị ọ hụ a gwa wẹ kwerini onyẹ hụ lalanị ogẹn ya lẹ enwẹn e gi rụngụ ọrụn a — ya wụ, wẹ kwerini Jesu.”

Ọrụn Ndị-ozi 8:36

E jẹnbe wẹ, wẹ nọ hụn mirin; okẹn-okporo hụ nọ sị, “Lee mirin ebeni! Kị k'a han m emẹlẹ mirin-Chuku?”

Ọrụn Ndị-ozi 8:38

Ya okẹn-okporo nọ sị onyẹ rị a nyann'a ụgbọ-anyịnyan hụ kụsị; okẹn-okporo lẹ Filipu nọ banye imẹ mirin, Filipu nọ mẹ ẹ mirin-Chuku.

Ndị Kọrẹntị Ibuzọ 12:13

Makẹni, Osolobuẹ gha ẹka Mmọn ohu bu ẹnyi ile che ẹhụ ohu, kẹ ndị Ju kẹ ndị ọzọ, kẹ igbọn kẹ ndị nwọn enwẹn wẹ, mẹ ẹnyi ile rarị Mmọn ohu ahụn.

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Taịtọsụ 3:5

ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”