Matiu 24:6 - Ika

⁶ Ụnụ jẹnkọ d'a nụsọnmẹ nị agha rị, nụsọnmẹ nị agha jẹnkọ d'a rị; ka anịlẹ ni egun tụ ụnụ, makẹni ihiẹn ndịnị jẹnkọ d'e mẹ bụ ọgụgụ-ogẹn eke ru.

Matiu 24:6 Iomraidhean Croise

Ẹbụ-ọma 112:7

Ara tụ egun n'o k'a nụ eje-ozi, obi ruchanrịn a alị makẹni Osolobuẹ k'o gi dọn ẹnya.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 7:4

Sị a, ‘Hụn a n'i kwọndọn enwẹn i; atụlẹ egun; obi anahịnlẹ i makẹ mkpikpi nkụn ẹbụọ ndịnị rị e tinyụnnị hụn bịa d'a maye ụnụ; obi anahịnlẹ i nị Rẹzini lẹ alị a wụ Aram lẹ nwa Rẹmalịa rị e buni ụnụ olulu.

Jerimaya 47:6

“ ‘Euu ọpịa-agha Osolobuẹ! ele mgbe y'e gbubehi? Kin azụụn imẹ ọbụọ ị; gbubehi, zu ikẹn!’

Izikẹlụ 21:28

“Yụ nwẹn, nwa-ịhịan, bu amụma, sị: Lee ihiẹn Osolobuẹ Nwọn Ihiẹn Ile ku banyeni ndị Amọnụ lẹ ụya lalanịnị wẹ!! Sị wẹ nwan, ‘Ọpịa-agha, ọpịa-agha! E sepụhagụọ wẹ ọpịa-agha w'e k'e gi gbu ụnụ; e finchangụọ w'a ọhụnma-ọhụnma, ọ hụ e be nwaịn-nwaịn nọkẹ amụma,

Matiu 2:3

Ogẹn eze wụ Hẹrọdụ gi nụ ihiẹnni, obi eruzin'ẹ alị, kẹ ya kẹ ndị Jerusalẹm ile.

Matiu 24:14

Wẹ jẹnkọ d'e zigbarị elu-ụwa ile oziọmanị, oziọma Alị-eze, kẹn'ọ wụrụ ọshẹri imẹ alị ile; ogẹn hụ kẹ ọgụgụ-ogẹn e gi ru.

Matiu 26:54

Kanị, m mẹ ẹ, nanị kẹ w'a dọn mẹzu Ẹkụkwọ-nsọ hụn ku n'o k'a rị ẹrịra?”

Luku 21:19

Ndidin kẹ ụnụ k'e gi nwọn nzụọpụha.

Luku 21:9

Ụnụ nụ ukwere agha lẹ ndị rị a lụsọn ndị ọkịkị ọgụn, anịkwọlẹ ni egun tụ ụnụ. Makẹni, ihiẹn ndịnị jẹnkọ d'e bugụ ụzọ mẹ, kanị ọgụgụ-ogẹn erukọ ozigbo ahụn.”

Luku 22:37

M rị a gwa ụnụ, ihiẹn ahụn Ẹkụkwọ-nsọ ku, nị ‘Wẹ jẹnkọ d'a gụn a yeni ndị a dan iwu’ jẹnkọ d'a nọ ẹhụ m bụn. Eziẹ, ihiẹn Ẹkụkwọ-nsọ ku banyeni m hụ e mẹ.”

Jọnụ 14:1

Jizọsị nọ sị wẹ, “Anịlẹ ni obi nahịn ụnụ. Kweri ni ni Osolobuẹ; kwerizikwọ nị nị mmẹ nwẹn.

Jọnụ 14:27

“Udọn kẹ m rị a latọnị ụnụ; udọn m kẹ m rị e ye ụnụ — m'a ra ye kẹ ụwa dọn e ye. Anịlẹ ni obi nahịn ụnụ; atụlẹ ni egun.

Ndị Tẹsalonika Nke Ẹbụọ 2:2

anịlẹ ni obi gbayịyakẹnrin ụnụ mọbụ nahịn ụnụ nị wẹ sị nị mmọn sị mọbụ nị ịhịan sị mọbụ nị ẹnyi de imẹ ẹkụkwọ-ozi nị Ụhụọhịn Di-nwọnni-ẹnyi a bịagụọlẹ.

Rẹvẹleshọnụ 6:4

Ya kẹ ẹshin ọzọ nọ pụha. Ọnwan e nwun ufie-ufie. Wẹ nọ ye onyẹ rị e nyinn'ẹ ikẹn n'o wepụ udọn elu-ụwa, kẹni ịhịan gbumẹ ibe wẹ. Wẹ nọzị we ọpịa-agha hi-ogbe ye ẹ.