Matiu 23:9 - Ika

⁹ Akpọlẹ ni ịhịan ‘Nẹdi ẹnyi,’ elu-ụwanị makẹni Nẹdi ohu sụọ kẹ ụnụ nwọn, elu-igwee k'ọ rị.

Matiu 23:9 Iomraidhean Croise

Ndị-nze Nke Ẹbụọ 13:14

Ogẹnni, emu hụn jẹnkọ d'e gbu Ẹlaịsha rị a kụ a. Jehụashị wụ eze Izrẹlụ azụụn hụ nọ bịa d'a hụn a, kwanman'a ẹkwan, sị, “Baba! Baba! Ụgbọ-ẹshin lẹ ndị e nyin ẹshin alị Izrẹlụ!!”

Ndị-nze Nke Ẹbụọ 2:12

Ẹlaịsha hụ e lee ẹ, e yi, “Baba, Baba! Ụgbọ-ẹshin lẹ ndị e nyin ẹshin alị Izrẹlụ!” Ẹlaịsha eleghazịnị Ẹlaịja. Ẹlaịsha nọ kwọndọn ẹwuru ya nwẹn yi, dọwa wẹ.

Ndị-nze Nke Ẹbụọ 6:21

Ogẹn eze Izrẹlụ gi hụn wẹ, ọ nọ sị Ẹlaịsha, “Baba, nị m gbu wẹ? Nị m gbu wẹ?”

Malakaị 1:6

“Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Matiu 23:10

Anịlẹ nị ịhịan kpọ ụnụ ‘Di-nwọnni-ẹnyi’ makẹni Di-nwọnni ụnụ wụ ohu sụọ: Ya wụ Kraịstị.

Matiu 6:32

Ihiẹn ndịnị wẹ kẹ ndị kwerilẹni ni Osolobuẹ a chụsọnmẹ, kanị Nẹdi ụnụ rị elu-igwee a marịnghọ nị ihiẹn ndịnị ile rị ụnụ mkpa;

Matiu 7:11

O mẹ nwan nị ụnụ ndị njọ ma ye ụmụ ụnụ ezigbo ihiẹn, Nẹdi ụnụ rị elu-igwee e yekọ ndị rị a rịọ a ihiẹn ezigbo ihiẹn karị?

Ọrụn Ndị-ozi 22:1

Pọlụ sị wẹ, “Umunẹ m lẹ ndị nẹdi ẹnyi, gọn ni ntịn nị m kọwa!”

Ndị Kọrẹntị Ibuzọ 4:15

Ẹghẹẹ, ọsụọn'a nị ụnụ nwọn ndị-ndu nnụ-uku ole-lẹ-ole imẹ Kraịstị, ụnụ enwọn nẹdi bu ọda, makẹni m gi oziọma m zi ụnụ họnrin nẹdi ụnụ imẹ Kraịstị wụ Jizọsị.

Ndị Kọrẹntị Nke Ẹbụọ 6:18

a wụrụ m nẹdi ụnụ, ụnụ a wụrụ ụmụ m ikẹnnyẹ lẹ ikpoho. Ịya kẹ Osolobuẹ nwọn ikẹn ile ku.”

Hibru 12:9

Ndị nẹdi ẹnyi rị elu ụwanị e mẹzi ẹnyi ihiẹn wẹ gha a zụn ẹnyi, ẹnyi e humẹni wẹ isi. Ẹnyi ehumẹkọnị nwan nẹdi ẹnyi imẹ Mmọn wụ Osolobuẹ isi, kẹni ẹnyi rị ndụn?

Jọnụ Ibuzọ 3:1

Lee ni kẹ Chuku-Nẹdi nwọnhan ihiẹn-ọsụsụọ ẹnyi — nke wụ nị ọ kpọ ẹnyi ụmụ Osolobuẹ! Ịya kẹ ẹnyi wụ ezioku-ezioku! Ihiẹn ụwa gilẹni marịn ẹnyi wụ nị ụwa amarịnn'a.