Matiu 23:2 - Ika

² “Ndị-nkuzi Iwu lẹ ndị Itu-Farisi rị nwan Ocho-Mozizi a kuzi Iwu Mozizi.

Matiu 23:2 Iomraidhean Croise

Ẹzra 7:25

Ịyụ wụ Ẹzra, gi amamihiẹn Chuku i, hụn rị imẹ i, tumẹsọnmẹ ndị ọka-ikpe uku lẹ ọka-ikpe nta hụn marịn Iwu Chuku i, nị wẹ hụn ụzọ e dọnzini ndị ile rị Ẹgbẹrẹ Nfetu Iyi-Yufretisi oku. Ndị ile marịnlẹni Iwu Chuku i, y'a kuzi wẹ ya.

Ẹzra 7:6

Okẹnnyẹni wụ Ẹzra gha Babilọnụ bịa Jerusalẹm. Onyẹ-nkuzi Iwu Mozizi rọ, hụn marịn Iwu Mozizi ru alị — Iwu hụn Osolobuẹ wụ Chuku Izrẹlụ ye. Eze Pẹshịa e yegụọ a ihiẹn ile ọ rịọ a n'o d'a bịa Jerusalẹm, makẹni Osolobuẹ wụ Chuku ẹ nọyen'ẹ.

Malakaị 2:7

Makẹni ọnụ onyẹ nchụn-ẹjan kẹ wẹ nọ a hụn amamihiẹn, ọnụ a kẹ wẹ nọ a mụnrụn Iwu Osolobuẹ — makẹni ụkọ Osolobuẹ k'ọ wụ.

Matiu 23:3

E mẹ ni nwan ihiẹn ọwụlẹ wẹ gwa ụnụ, e gi n'ẹ e dọn; ka esọnkwọlẹ ni wẹ mẹ ihiẹn wẹ rị e mẹ. Makẹni, w'a kuzi bụ w'a ra mẹ ihiẹn wẹ rị a kuzi.

Makị 12:38

K'o dọn rị a kuzi, ọ sị, “Kpachanpụnị nị ndị-nkuzi Iwu ẹnya: ọ sụọ wẹ nị w'e yi ẹkwa tueni a ghahunmẹ lẹ ni w'e gi mgbaye e kele wẹ ogbe;

Luku 20:46

“Kpachanpụnị nị ndị-nkuzi Iwu ẹnya: ọ sụọ wẹ nị w'e yi ẹwuru tueni a ghahunmẹ lẹ ni w'e kele wẹ ọhụnma ogbe lẹ nị wẹ a nọdị isi-oche imẹ ụlọ-ofufe lẹ ebe wẹ nọ e ri oriri.

Ditrọnọmi 33:3

Eziẹ, ịyụ nwọn ihiẹn ọsụsụọ ndị nke i; ndị nsọ ile rị ị ẹka. Ụkụ ị kẹ wẹ ile a bịa d'e e gbu osekpu, oku i kẹ wẹ gi e dọn —