Matiu 23:12 - Ika

¹² Onyẹ bushi enwẹn ẹ elu, e wetu w'ẹ alị; kanị onyẹ welụa enwẹn ẹ alị, e bushi w'ẹ elu.

Matiu 23:12 Iomraidhean Croise

Jobu 22:29

Wẹ wetu ịhịan alị, nị y'a sị, ‘Weli wẹ!’ Chuku a zụọ onyẹ ahụn wẹ welụa alị.

Ẹbụ-ọma 138:6

Ọsụọn'a nị Osolobuẹ rị elu-igwee, ọ nyanhanzị ndị e welụa enwẹn wẹ alị; kanị, ọ ghadẹ ebe teni a hụnchanrịn ndị nhọnrọn kẹ wẹ nọ.

Itẹn 15:33

Egun Osolobuẹ e zin ịhịan amamihiẹn, onyẹ welụagụ enwẹn ẹ alị kẹ wẹ e ye ọghọ.

Itẹn 29:23

Mpache ịhịan e budan a, kanị onyẹ e welụa enwẹn ẹ alị k'e nwọnrin ọghọ.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Matiu 18:4

Onyẹ hụn welụa enwẹn ẹ alị nọkẹ nwatanị, ịya kachanrịn imẹ Alị-eze elu-igwee.

Matiu 5:3

“Ngọzi wụ nke ndị la enwẹn wẹ tọnị Osolobuẹ nọkẹ igbẹnnyẹ, makẹni Alị-eze elu-igwee wụ nke wẹ!

Luku 14:11

“Makẹni onyẹ weshi enwẹn ẹ elu, e welụa w'ẹ alị; onyẹ welụa enwẹn ẹ alị, e weshi w'ẹ elu.”

Luku 18:14

“Jesu nọ sị: M rị a gwa ụnụ nị onyẹ ụgwọ-isi hụ kẹ Osolobuẹ kuni ọhụnma n'o d'a lama iwe ẹ, ẹlẹ onyẹ Itu-Farisi hụ. Makẹni, onyẹ bushi enwẹn ẹ elu, e welụa w'ẹ alị; onyẹ welụa enwẹn ẹ alị, e bushi wẹ ẹ elu.”

Jemisi 4:6

Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Pita Ibuzọ 5:6

E welụanị nwan enwẹn ụnụ alị ebe Osolobuẹ nọ e gi ẹka zeni e sọn ụnụ, kẹn'o bushi ụnụ elu ogẹn ru —