Matiu 22:3 - Ika

³ O zi idibo ẹ d'a kpọ ndị wẹ kpọ oriri-agbamẹkụkwọ hụ, kanị achọnị wẹ nị wẹ bịa.

Matiu 22:3 Iomraidhean Croise

Ẹbụ-ọma 68:11

Osolobuẹ zi ozi, ndị bu ọda nọ weri ozi ahụn ghagbarị, a sị,

Azaya 30:15

Di-nwọnni-ẹnyi, hụn wụ Osolobuẹ, Onyẹ-nsọ Izrẹlụ, sị: “Ibihutọ ẹka lẹ igi ndidin cheri m kẹ ụnụ k'e gi wanahịn, ịgba-nkịtịn lẹ igi m dọn ẹnya a wụrụ ikẹn ụnụ, kanị ụnụ ekwerini.

Jerimaya 25:4

“Ọsụọzịkwọn'a nị Osolobuẹ e zihẹsọnmẹgụọ ndị-amụma a d'a gwa ụnụ oku, ụnụ egọnni ntịn, ụnụ achọnị nị ụnụ nụ.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Hosia 11:2

Kẹ m dọn rị a kpọ wẹ, kẹ wẹ dọn rị a gbanị m ọsọ; a tọ wẹ a chụnyeni Baalụ ndị ahụn ẹjan, a mụnị mmọn ichẹn-ichẹn nsẹnsi.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Zẹfanaya 1:7

Gba nị nwan nkịtịn ihun Osolobuẹ-nwọnni-ẹnyi, nị ogẹn okinkin-ikpe Osolobuẹ a rịgụọ nsue! Osolobuẹ a kwademẹgụọ n'o mẹ ndị alị Juda ihiẹn w'e mẹ anụ wẹ gi chụn ẹjan; Ọ họtọgụọ ndị o wela d'e ri ndị Juda kẹ w'e ri anụ.

Matiu 21:34

Ogẹn vaịnị e rumẹ, ọ nọ zi idibo ẹ jẹnni ndị hụ ugbo hụ rị ẹka d'a nahan wẹ ihiẹn vaịnị a mị.

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Matiu 3:2

“Rogharị nị, makẹni alị-eze elu-igwee a bịagụọ d'a kịma!”

Matiu 9:15

Jizọsị nọ za wẹ, sị, “Ndị bịa agbamẹkụkwọ a kwandẹ nwan ẹkwan ebe okẹnnyẹ rị a gba ẹkụkwọ rị a ra? Ogẹn lala hụn wẹ e gi wepụ a imẹ igunrun wẹ; o ru ogẹn hụ, e bumẹ wẹ ọnụ.”

Luku 13:34

“Heuu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpọnkikomẹ ndị rị imẹ i kẹ nneku-ọhụhụ dọn e kpọnkikomẹ ụmụ a e ye okpuru nku ẹ, kanị y'a nịnị m!

Luku 15:28

Iwe nọ wemẹ nwẹnẹ ẹ hụn kanị, o kwerini ban mmụlọ. Ya kẹ nẹdi ẹ nọ pụha, rịọma a.

Luku 19:27

Nke ndị iṅẹnrẹn m ahụn chọlẹni nị m wụrụ eze wẹ, wẹhẹ ni wẹ d'e gbu idẹnya m ebeni.’ ”

Jọnụ 5:40

kanị ụnụ achọnị nwan nị ụnụ bịa d'e kunrun m kẹni ụnụ nwọnrin ndụn.

Ọrụn Ndị-ozi 13:45

Kanị ndị Ju a hụn igunrun hụ, ẹnya nọ fụma wẹ; Pọlụ ku, a kagbu wẹ; a kparimẹ wẹ Pọlụ.

Ndị Rom 10:21

Nke ndị Izrẹlụ, ọ sị, “M shịapụ ẹka ụhụọhịn ile, e che ndị isi-ikẹnni rị e nupụ isi.”

Hibru 12:25

Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.

Samuẹlụ Nke Ibuzọ 9:13

Hụn ụnụ gihụ banye imẹ obodo, ụnụ jẹnkọ d'a hụn a o gini d'e nyinrin elu-ugu hụ d'e ri ihiẹn-oriri. Erimẹkọ wẹ mmanị ọ bịagụ, makẹni ịya k'a gọzirịrị ẹjan hụ; ọ gọzigụ a ndị wẹ kpọ d'e ri ẹ kebe ri. Jẹnmẹ ni nwan ozigbo; ogẹnni kẹ ụnụ e gi hụn a.”