Matiu 2:13 - Ika

¹³ Ogẹn ndị hụ marịn ẹnya kokisẹ gi lamagụ, mmọn-ozi Di-nwọnni-ẹnyi nọ bịa d'e kunrun Josẹfụ imẹ nrọ, sị a, “Lihi ọtọ! Weri nwata hụ lẹ nnẹ ẹ gbashi Ijiptu; nọdị nị ebahụn d'e ru nị a sị m'ị kinhẹn, makẹni Hẹrọdụ chọ n'ọ chọ nwata hụ kẹni o gbu ẹ.”

Matiu 2:13 Iomraidhean Croise

Ndị-nze Nke Ibuzọ 11:17

Kanị Hadadị, hụn wụ nwata ogẹn hụ, nọ gbashi alị Ijiptu, ya lẹ ịhaịmẹ ndị Ẹdọm ya lẹ wẹ wị hụn fe nẹdi ẹ.

Ndị-nze Nke Ibuzọ 3:5

Imẹ Gibiọnụ, Osolobuẹ nọ bịa d'e kunrun Solomọnụ imẹ nrọ imẹ uhinhin. Osolobuẹ nọ sị a, “Rịọ m ihiẹn ọwụlẹ i chọ nị m ye i.”

Jobu 33:15

Imẹ nrọ, imẹ ọhụn w'a hụn imẹ abalị, ebe ịhịan ranhịnmigụ, ebe wẹ dinẹ elu-ukpo —

Jobu 33:17

o gi ẹ e mẹ ịhịan a latọ eje-ihiẹn, mẹ ẹ apachelẹ,

Ọpụpụ 1:22

Ya kẹ eze wụ Fẹro nọ nwan ye ndị nke ẹ ile iwu, sị, “Tụ nị nwa ọwụlẹ wụ okẹnnyẹ ndị Hibru k'a mụ ye imẹ Iyi Naịlị; ka dọnmẹ ni hụn ọwụlẹ wụ okpoho.”

Matiu 1:20

Kanị, ogẹn o gi rị e ro ihiẹnni, ọ nọ rọhụn mmọn-ozi Di-nwọnni-ẹnyi k'ọ bịa d'e kunrun ẹ, sị, “Josẹfụ nwa Defidi, atụlẹ egun; lụma Meri, makẹni nwa ọ rị imẹ ẹ gha ẹka Mmọn-nsọ bịa.

Matiu 10:23

Wẹ kpokpo ọnụ imẹ obodo ohu, gbashi ni hụn-ẹbọ. M rị a gwa ụnụ ezioku nị ụnụ gini d'e jẹnchanrịngụ obodo ile rị Izrẹlụ, Nwa nke Ịhịan sikọ d'a bịa.

Matiu 2:12

Makẹni Osolobuẹ a dọgụọlẹ wẹ ẹka-ntịn imẹ nrọ sị wẹ ekinlẹ azụụn d'e kunrun Hẹrọdụ, wẹ nọ gha ụzọ ọzọ lashi alị wẹ.

Matiu 2:14

Ya Josẹfụ nọ lihi, gi abalị weri nwata hụ lẹ nnẹ ẹ shi Ijiptu.

Matiu 2:16

Ogẹn Hẹrọdụ gi hụn nị ndị hụ marịn ẹnya kokisẹ e mẹọlẹ ẹ ẹro, eje-olulu nọ bu ẹ. Ọ nọ zi ndị o zi, wẹ nọ jẹn d'e gbupụ ụmụẹka ikẹnnyẹ ile rị Bẹtilẹhẹm lẹ ẹgbẹrẹ hụ ile, ikẹnnyẹ ndị hụn rị gha ahụa ẹbụọ lụa alị. Ogẹn hụn ndị hụ marịn ẹnya kokisẹ gwa a k'o kwọndọn ẹka mẹ ihiẹnni o mẹ.

Matiu 2:22

Kanị, ogẹn o gi nụ nị Akịlawusu rikin nẹdi ẹ wụ Hẹrọdụ eze, a kị Judia, egun anịn'a jẹn ebẹhụ. A dọgụzị w'a ẹka-ntịn imẹ nrọ, ọ nọ shi ẹgbẹrẹ Galili.

Ọrụn Ndị-ozi 10:22

Wẹ nọ za, sị, “Kọnẹlusu zi ẹnyi. Onyẹ a kị ndị-agha ọgụn-isẹn rọ, onyẹ ezi-omumẹ a tụ egun Osolobuẹ; ndị Ju ile e ku oku ẹ ọhụnma. Mmọn-ozi nsọ gwa a d'a kpọ ị, n'ị bịa iwe ẹ kẹni ọ nụ ihiẹn i k'e ku.”

Ọrụn Ndị-ozi 10:7

Ogẹn mmọn-ozi hụ gwa a oku gi pụgụ, Kọnẹlusu nọ kpọ idibo ẹ ẹbụọ lẹ onyẹ-agha ohu e feshi Osolobuẹ ikẹn imẹ ndị e jẹnn'ẹ ozi.

Ọrụn Ndị-ozi 12:11

Ogẹnni kẹ ẹnya gi fọn Pita, ọ nọ sị, “Kikẹnni k'o we m ẹnya: Di-nwọnni-ẹnyi zi mmọn-ozi ẹ d'a zụọpụha m ẹka Hẹrọdụ lẹ ihiẹn ile ndị Ju te rị a tụ ẹnya a.”

Ọrụn Ndị-ozi 12:7

Idẹnmizi, mmọn-ozi Di-nwọnni-ẹnyi nọ pụha; ukpẹ nọ nwun imẹ ụlọ-ngan hụ. Mmọn-ozi nọ kpa Pita ẹka ẹkụnkụn kpọtiẹn ẹ, sị a, “Lihi ọtọ ozigbo!” Ẹgan ndị ahụn nọ gha Pita olu ẹka danpụ.

Ọrụn Ndị-ozi 16:36

Onyẹ nche ndị-ngan hụ nọ we ozi hụ jẹnni Pọlụ, sị a, “Ndị-isi ọkịkị zihẹ ozi, sị wẹ hatu ụnụ nị ụnụ lama. Pụha nị nwan nị ụnụ gi udọn lama.”

Ọrụn Ndị-ozi 5:19

Kanị, uhinhin hụ, mmọn-ozi Di-nwọnni-ẹnyi nọ kpọpụ ụzọ ụlọ-ngan, dupụha wẹ, sị wẹ,

Ọrụn Ndị-ozi 7:19

Ezeni wụ hụn gi aghịghọ sọn ndị nke ẹnyi, mẹjama ndị nẹdi ẹnyi wẹ, mẹ wẹ latọ ụmụ wẹ mụ nke ọhụn, kẹni ọnwụn gbu wẹ.

Joshụa 3:13

Hụn ndị nchụn-ẹjan bu Ẹkpẹti Osolobuẹ, Onyẹ nwọn ụwa ile gihụ zọ ụkụ ye imẹ Iyi-Jọdanị, mirin ẹ hulanị jẹnkọ d'a kụsị, mawuru.”

Joshụa 3:17

Ndị nchụn-ẹjan bu Ẹkpẹti-nkwerigbama Osolobuẹ wuzo akpakalị kọrọnị imẹ etintinnaị Iyi-Jọdanị, d'e ru ni Izrẹlụ ile a gha akpakalị hụ kọrọnị gi ghafechanrịn Iyi-Jọdanị.

Joshụa 4:10

Ndị nchụn-ẹjan hụn bu Ẹkpẹti hụ turu etintinnaị Jọdanị d'e ru ni ndị Izrẹlụ e mẹchanrịn ihiẹn ile Osolobuẹ gwa Joshụa, nọkẹ kẹ Mozizi dọn gwa Joshụa ya. Ndị Izrẹlụ hụhụ ahụhụ fetu;

Joshụa 4:18

Ya ndị nchụn-ẹjan nọ gha imẹ iyi ahụn pụha, wẹ lẹ Ẹkpẹti-nkwerigbama Osolobuẹ wẹ bu. Hụn ụkụ wẹ gihụ hụatụ alị mmaka, mirin Jọdanị nọ kinhẹn ọnọdị a, pụzị ọnụ k'ọ rị mbụ.

Rẹvẹleshọnụ 12:14

Kanị, e ye wẹ okpoho hụ nku ẹbụọ, nku ugọn uku, kẹni ọ gha ebe agwọ hụ rị fepụ, shi imẹ atụ, ebe wẹ jẹnkọ d'a nọ e ye ẹ ihiẹn-oriri ahụa ẹtọ lẹ ifọn isin.

Rẹvẹleshọnụ 12:4

Ọdụndụn a nọ zarị ụzọ ohu imẹ kokisẹ rị elu-igwere, tụ wẹ ye alị — ọ họdụ ụzọ ẹbụọ. Dragọnụ hụ nọ turu ihun okpoho hụ imẹ rị e mẹ, kẹni ọ ripụ nwa a hụn o gihụ mụpụha a.

Rẹvẹleshọnụ 12:6

Ya okpoho hụ nọ gbashi imẹ atụ d'a nọdị ebẹhụ Osolobuẹ kwademẹn'ẹ, ebe wẹ k'a nọ e ye ẹ ihiẹn-oriri akpọhịn ọgụn-ẹtọ kwasị nnụ-ẹtọ, (1,260).