Matiu 2:11 - Ika

¹¹ A banye wẹ imẹ ụlọ ahụn, hụn nwata hụ lẹ nnẹ ẹ wụ Meri, wẹ nọ kụnị nwata hụ isi-alị. Ya wẹ nọ kpọpụ ẹkpẹti wẹ buche ihiẹn rị mma, ye ẹ goru lẹ frankisẹnsị lẹ maa.

Matiu 2:11 Iomraidhean Croise

Jẹnẹsisi 43:11

Izrẹlụ nẹdi wẹ nọ sị wẹ, “O mẹ nwan ni onwọnzini kẹ w'e mẹ ẹ, lee ni nwan ihiẹn ụnụ jẹnkọ d'e mẹ: kpọnrin ni ihiẹn kachanrịn mma alịnị ye imẹ ẹkpa ụnụ bujẹnnị okẹnnyẹ ahụn; werizi ni ẹkẹrẹ ori-Kenaanị lẹ ẹkẹrẹ mirin-ẹnwụn, ihiẹn ihiẹn-oriri gi a sụọ, mkpụrụ-pistachio lẹ amọndụ.

Ndị-nze Nke Ibuzọ 10:10

Ọ nọ ye eze goru kilo ọgụn-ẹnọ kwasị nnụ-uku-ẹnọ (4,480kg), lẹ ihiẹn e shin ọhụnma bugbu enwẹn ẹ ọda lẹ ihiẹn-mma ṅanrannị w'a chọ achọ. Onwọnzini ogẹn wẹ gi buhẹ ihiẹn e shin ọhụnma buhan ọda kẹ hụn okpoho wụ eze Shẹba ye Eze wụ Solomọnụ.

Ndị-nze Nke Ibuzọ 10:2

Ọ nọ bịa Jerusalẹm, ya lẹ igunrun sọnkọn'a; o gi anyịnyan-mkpukpuke ndị busọnmẹ ihiẹn bu ọda e shin ọhụnma lẹ goru bugbu enwẹn ẹ ọda lẹ ihiẹn-mma ṅanrannị w'a chọ achọ bịa. Ọ nọ bịa d'e kunrun Solomọnụ d'e du ẹ ku; wẹ nọ kuchanrịn ihiẹn ile okpoho hụ chọ nị wẹ ku oku ẹ.

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Ẹbụ-ọma 45:8

Ẹwuru i ile hụ e kun fuẹin yeni maa lẹ alo lẹ kashịa junni wẹ; ndị egu i hụ a kpọn'ị ụbọ imẹ obi-eze wẹ gi ihiẹn eze-enyichọ mma.

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Ẹbụ-ọma 72:15

Eze ya tọ. Wẹ ye ẹ goru alị Shẹba; wẹ mẹmẹn'ẹ ekpere ogẹn ile; wẹ gọzimẹ ẹ uhinhin lẹ efinaị.

Ẹbụ-ọma 95:6

Bịa nị nị ẹnyi kpọ isi alị fe ẹ; nị ẹnyi gbuni ni Osolobuẹ keni ẹnyi osekpu!

Ọpụpụ 30:23

“Weri ihiẹn-akụnkụn ndịnị e kunni kachanrịn mma: maa rịnranpụnị kilo isin, sinamọnụ e shin ọhụnma hụn hanzị kẹ nkirishi maa hụ, ya wụ kilo ẹtọ; werizi keni e kunni kilo ẹtọ lẹ

Ọpụpụ 30:34

Osolobuẹ nọ sị Mozizi, “Werisọnmẹ ihiẹn ndịnị e shin ọhụnma: mkpịnsịn ẹsue, onika lẹ gal'banum lẹ frankisẹnsị nwọnlẹni ihiẹn ọzọ wẹ buche ẹ; wẹ ile k'a wụ ahanmahan.

Ẹbụ Solomọnụ 3:6

Onyẹ wụ hụnnị gha alị ọkpọ-nkụn lala, nọkẹ ebe ẹnwụnrụn rị a lọ? Onyẹ wụ hụnnị rị e kun fuẹin yeni udẹn maa lẹ nsẹnsi ọ kwọ — hụn wẹ gi ihiẹn ile e kun fuẹin rị afịa mẹmẹ?

Azaya 60:6

Anyịnyan mkpukpuke k'e jun alị ị, okoro Anyịnyan mkpukpuke hụn ghasọnmẹ alị Midianị lẹ alị Efa bịa. Kẹ ndị hụn k'a gha alị Shẹba bịa bukọ goru lẹ nsẹnsi — a ja ẹfan Osolobuẹ mma wẹ lalanị.

Lẹvitikọsụ 6:15

Onyẹ nchụn-ẹjan k'a gha ọka hụ wẹ gweriẹn lẹ ofigbọn-olivu sọnn'ẹ kpọnrin ọb'ẹka ohu, o wezi nsẹnsi ile wẹ buche elu ẹjan-ọka hụ chen'ẹ, o gi wẹ nọkin ẹnya oyiye hụ ile, nọ elu ukpo nchụn-ẹjan dụn wẹ ọkụn, o họnrin ẹnwụnrụn, wụrụ ishin a sụọ Osolobuẹ ụsụọ.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Ọgụngụn 7:14

ugbẹgbẹ goru ohu wẹ gi akpụrụ goru iri mẹmẹ hụn wẹ kpọn nsẹnsi jun;

Ọgụngụn 7:86

ugbugbẹ goru mmẹbụọ wẹ kpọnjun nsẹnsi, hụn we gi akpụrụ goru iri-iri kpụ — wẹ ma kẹ goru Ọdụ-nsọ: akpụrụ goru ọgụn-isin kẹ wẹ gi kpụ wẹ ile.

Matiu 1:18

Ẹnịna kẹ wẹ dọn mụ Jizọsị Onyẹ Nzụọpụha hụ Osolobuẹ tumẹ: Meri hụn jẹnkọ d'a mụn'a lẹ Josẹfụ a kwademẹchanrịngụọ nị wẹ lụ, kanị, nị wẹ d'a nọgbama, Meri a tụrụgụọ imẹ ghahanị ikẹn Mmọn-nsọ.

Matiu 12:46

Ogẹn Jizọsị gi rị a gwa igunrun hụ oku, nnẹ ẹ lẹ umunẹ-ẹ-ikẹnnyẹ nọ bịa d'e turu ihun ezi, makẹni wẹ chọ nị wẹ gwa a oku.

Matiu 14:33

Ndị hụn rị imẹ ụgbọ-mirin hụ nọ gbun'ẹ osekpu, sị, “Ezioku-ezioku, ịyụ wụ Nwa Osolobuẹ.”

Matiu 2:10

Ogẹn wẹ gi hụn kokisẹ hụ, wẹ nọ ghọghọ ọda-ọda!

Matiu 2:2

a jụ, “Elebe kẹ onyẹ hụ wẹ mụ nke ọhụn hụn wụ eze ndị Ju rị? Makẹni, ẹnyi a hụnọlẹ okokisẹ hụn ku oku ẹ k'ọ pụha azụụn ọwụwa-ẹnyanwụn ebe ẹnyi gha bịa; ẹnyi bịa d'a kụn'a isi alị.”

Luku 2:16

Wẹ nọ jẹnmẹ ebẹhụ ozigbo-ozigbo. Wẹ nọ hụn Meri lẹ Josẹfụ ebẹhụ, wẹ lẹ nwa ahụn wẹ bu dinẹ imẹ ihiẹn anụ gi e ri ihiẹn-oriri.

Luku 2:38

Ogẹn ohu hụ kẹ ya nwẹn gi pụha ebẹhụ, kpanmịnma Osolobuẹ, e ku oku nwata hụ kẹni ndị ile rị e che ni Osolobuẹ gbapụha Jerusalẹm nụ.

Jọnụ 19:39

Nikodimọsụ nkẹ, hụnnẹi bịa d'e kunrun Jizọsị imẹ ukinkin ogẹn mbụ nọ sọnmẹ Josẹfụ. Nikodimọsụ wẹhẹ ihiẹn e kun fuẹin — maa lẹ alo wẹ hugbama — hụn k'a nyịnhan kẹ ẹkpa-nnu ohu lẹ mkpikpi.

Rẹvẹleshọnụ 19:10

Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”

Rẹvẹleshọnụ 5:8

O werigụ ẹhụhụọ hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ nọ fiẹnrin alị ihun Nwa-ebulu hụ, onyẹ-onyẹ lẹ ụbọ a lẹ afẹrẹ goru o bu hụn wẹ kpọnjun nsẹnsi. Nsẹnsini wụ ekpere ndị nke Osolobuẹ.

Samuẹlụ Nke Ibuzọ 10:27

Kanị o nwọn ndị a chọ oku hụn sị, “Nanị kẹ okẹnnyẹni a dọn sa ẹka zụọpụha ẹnyi?” E legberi w'ẹ, jụ n'e wẹhẹkọnị w'a ihiẹn; kanị Sọlụ nọ gba nkịtịn.