Matiu 19:9 - Ika

⁹ M rị a gwa ụnụ, onyẹ kpechan nwunyẹ ẹ bụ ẹlẹni nwunyẹ ẹ zọ ụkụ ye ọfịa, ọ lụrụ nwunyẹ ọzọ, ọ ghẹrẹọlẹ.”

Matiu 19:9 Iomraidhean Croise

Jẹnẹsisi 20:3

Kanị, Osolobuẹ nọ bịa d'e kunrun Abimẹlẹkị imẹ nrọ imẹ uhinhin, sị a, “Y'e d'a nwụnhụn makẹ ufiri okpohoni i weri, makẹni nwunyẹ ịhịan rọ.”

Ihiẹn Mẹni Nke Ẹbụọ 21:11

Ọ tụnsọnmẹzịghọ ụlọ-mmọn ye elu ugu ndị rị Juda, mẹ ndị bi Jerusalẹm gbasọnmẹ mmọn ndị hụ kẹ ịgbaraja, duhuhu ndị Juda.

Jerimaya 3:1

“Okẹnnyẹ kpechan nwunyẹ ẹ, nị hụn okpoho a pụ, lụma okẹnnyẹ ọzọ, nị di ẹ mbụ lụmazị a? Alị a rụchanrịnkọ o mẹ ẹ? Kanị ị hụ e bi kẹ ịgbaraja ya lẹ ndị bu ọda rị a sụọ, nị ị buruhẹzi m nwan?” Ya kẹ Osolobuẹ ku.

Jerimaya 3:8

E yeghọ m Izrẹlụ Ẹbamịn-ugu danpụgụnị ẹkụkwọ-mpechan, chụpụ a — makẹ ughẹrẹ ẹ, ife mmọn ichẹn-ichẹn. M nọ hụn a nị egun atụnị Juda nwẹnẹ ẹ hụn ẹnya rịlẹni ụzọ ohu, ọ pụ ogbe d'a ghẹrẹmazị ughẹrẹ ife mmọn ichẹn-ichẹn.

Izikẹlụ 16:15

“ ‘Kanị ị nọ gi mma-ẹhụ ị dọn ẹnya, gi ufiri ẹfan ị rị a kpọnị gụnma agụngụn ịgbaraja. E we ẹhụ ị e ye onyẹ ọwụlẹ ghafekọnị n'o mẹ mgba ị.

Izikẹlụ 16:29

Ya ị nọzị gba ịgbaraja ị buru ndị alị afịa, ndị alị Kal'di wụ Babilọnụ, kanị ọhụn ejunzikwọn'ị ẹfọ.

Izikẹlụ 16:8

“ ‘Kẹ m ghafekọzị ebe ị rị, m nọ hụn nị y'e rugụọ nwagbọọ. M nọ setịnpụ ẹwuru m yi, kpumẹ i, kpumẹ ọtọ ị; m nọ kwe i nkwa, gi ẹ kwọngbama mmẹ lẹ yụ. Ịya kẹ mmẹ wụ Osolobuẹ Nwọn Ihiẹn Ile ku. Ẹrịra k'ị dọnmẹ họnrin nke m.

Matiu 19:10

Ndị nsọnmazụụn a nọ sị, “Omẹni ẹrịra kẹ oku di-lẹ-nwunyẹ nọ, ọ kakwọ mma nị ịhịan alụnị.”

Matiu 19:8

Jizọsị nọ za, sị, “Obi ụnụ e zekẹ haịn Mozizi gi hatu ụnụ nị ụnụ e kpechan inyẹnmẹ ụnụ; kanị ẹlẹ ẹrịra k'ọ rị gha alị lala.

Matiu 5:32

Kanị mmẹ nwẹn rị a gwa ụnụ nị onyẹ kpechan nwunyẹ ẹ bụ ẹlẹni nwunyẹ ẹ zọ ụkụ ye ọfịa, hụnyẹ rị e mẹ ẹ n'ọ zọ ụkụ ye ọfịa. Onyẹ lụ okpoho wẹ kpechan a nagụọ nwunyẹ ịhịan.

Luku 16:18

“Okẹnnyẹ hụn kpechan nwunyẹ ẹ lụma okpoho ọzọ ghẹrẹ aghẹrẹ; okẹnnyẹ hụn lụma okpoho wẹ kpechan ghẹrẹ aghẹrẹ.

Ndị Kọrẹntị Ibuzọ 5:1

E kughọdẹ w'a nị ughẹrẹ rị imẹ igunrun ụnụ, ụdị hụn ndị a rụa mmọn ghalẹni a ghẹrẹdẹ — ebe okẹnnyẹ lẹ nwunyẹ nẹdi ẹ nọ ranhịn!

Ndị Kọrẹntị Ibuzọ 7:39

Okpoho nwọn di y'a latọlẹ di ẹ, kasị a mẹ ni di ẹ hụ ndụn. Kanị di ẹ nwụnhụn, o nwọn ikẹn lụrụ onyẹ sụọn'a, kasị a mẹ ni onyẹ nke Di-nwọnni-ẹnyi k'ọ lụrụ.

Ndị Kọrẹntị Ibuzọ 7:4

Makẹni, ẹlẹ nwunyẹ k'e ku ihiẹn o k'e gi ẹhụ a mẹ, di ẹ nwọn ku; ẹrịrazịkwọ, ẹlẹ di k'e ku ihiẹn o k'e gi ẹhụ a mẹ, nwunyẹ ẹ nwọn ku.